2 Timoti 3

1Ni ret ku a man nee, ndi̶ghi̶n teer ɗii mu kyes ni mo, ɓe mbii mon nluk zam. 2Gurum mon nɗee a nyemriɓet káa furu mo. Nyemriɓet shaghal mo, nyemroghop mo, nyemcanjagham mo, nyemkaspee mo, nyem kwar ki̶lingpo kì̵ puun furu mo, nyemc`iin pi̶lang mo ki̶ nyemɗiirap mo. 3Nyemkwar gurum mo, nyemɓutbish mo, nyemwat sum ngurum mo, nyem c`in mbii mo nyang-nyang, nyem leki̶i̶rmuut ngurum mo, nyemkwar mbii ɗiiret mo. 4Nyemsiɓelpee mo, nyemwatpee mo, mo wup nsut ki̶ roghop, nyemriɓet c`in mbii mu kyaghar kì̵ nan ni met nwal nNaan. 5Mo lesut a kaa nyem ɗi mo man Naan si, amma ɗak c`in furu ni moo kám ngurum mo agaak nee, ba mo man Naan kas. Moo cíinpo ki̶ ɓal mu seyil nNaan. Wu tap ki̶ nyem mi̶ni mo. 6A pak nyem ɗiisi mo, moo ɗel ndi̶ghi̶n lu kì̵ gurum mo, mpeku mo num mat ɗi ba mo ki̶ ɓal kas ɗi. Mat ɗi pan kì̵ shikbish furu mo toghon mmo ndi̶ghi̶n putughup furu mo, ki̶ koo a kiyeet kì̵ kyaghar mu nan ɗiiɗang ye, ɓe nii cut mo so ki̶ni koo a neye. 7Mat ɗiisi moo ki̶ling koo meye ɗi gurum moo sat mo, amma ba mo kyam ɗar nkaa zeen ni mi̶ndong kas. 8Kaaɗi gyet Jannes ki̶ Jambi̶res mo kwar Mosis, ni aasi zak, ɓe nyem ɗiisi mo kwar zeen ni. Nyem ɗi pan furu mo ɗee a ɗiibish. Ba cínzeen furu ni azeen-nzeen kas. 9Ba mon nso jong kas, mpeeɗi lang ɗi lee, ɓe gurum mon nnaa agaak nee, mbii ɗi moo sat ni a buu, (kaa gyet ɗak kì̵ Jannes ki̶ Jambi̶res mo si.) 10Amma yaksi, wugha kì̵ naa kám fi̶na, kì̵ shiimwaan fi̶na. Mbii ɗi wan ki̶n leyit ɗiki̶ ndi̶ghi̶n san nɗiisi, cínzeen fi̶na, gung fi̶na, wal fi̶na, ɗar ɓal-ɓal fi̶na ndi̶ghi̶n cínzeen ni. 11Wugha man, kaaɗi gurum mo lejeel nwan, ki̶ jeel ɗi wan shwaa ni mo, wugha man. Mbii ɗi ni kat wan nyil Antiyok, ki̶ Ikoniyum, ki̶ Listi̶ra. Wan gung ki̶ jeel ɗiisi mo. Amma Daa wuri ɓam wan, har wuri put ki̶ wan ndi̶ghi̶n jeel ɗiisi mo. 12Ni azeen-nzeen nee, koo a ngo ɗiiɗang ye, ɗi wuri riɓet mwaan ndi̶ghi̶n ar kì̵ Naan ashak ki̶ Jesu Kristi, ɓe wurin nshwaajeel nsar kì̵ gurum mo. 13Nyemɗiibish mo, ki̶ nyemc`in dung mo, moo sat a nsekiyeen ki̶ c`in mbii ɗiibish ni mo waa bish met hakyeng. Moo c`in ɗung ngurum mo, amma pak gurum moo c`in ɗung mmo zak. 14Amma wugha, a mwaan ndi̶ghi̶n mbii ɗi aa ten a kám mo, ɗi wugha aa ten a cínzeen mmo azeen-nzeen. Wugha man shiimwaan kì̵ nyem ɗi mo kám mbii ɗiisi mo nwugha. 15Ɗi gyet a kuɗi nlàa, ɓe wugha kì̵ ten man mbii ɗi mo ran ni ndi̶ghi̶n po kì̵ Naan. Po kì̵ Naan ni mak kám ar ɓam nwugha, mpeku a seen ɗi ndi̶ghi̶n cínzeen nJesu Kristi. 16Po ɗi mo ndi̶ghi̶n takarda kì̵ Naan, mo put a pe Naan ɗi. Po ni mo ki̶ koghop ni mpee kám ngurum mo, ki̶ mpee gwak gurum mo, ki̶ ɗak gurum mo a ar ɗin ndi̶re, ki̶ kar mo ndi̶ghi̶n mbii ɗiiret mo jir. 17Mpeku koo ngo ɗiiɗang ye, ɗi wuri a mu Naan, ɓe wuri ɗee ɗi a ɗiigi̶gam, ki̶ ɗiiɗi̶ɗak mpee c`in ɗak ɗiiret mo jir.

will be added

X\