2 Timoti 2

1Wugha làa fi̶na, a ɗar ɓal-ɓal ndi̶ghi̶n ɗiiret ɗi Naan wuri kì̵ cín mmun ndi̶ghi̶n Jesu Kristi. 2Mbii ɗi gyet a kám, ɗi gyet a ki̶ling mpo fi̶na, nyit kì̵ langting mo ɗes. A le kám ni nsar kì̵ nyem ɗi mo ki̶ ɗyen ɗiiret mo, mpeku mo kám ɗi mpak gurum mo zak. 3A gung ndi̶ghi̶n jeel ɗi a shwaa kaa sooja ɗiiret mu Jesu Kristi si. 4Ba mee sooja ɗi wuri nkaa ɗak, ɓe wurin nwaa mak ɗee tangpee mpee kwat mbii kì̵ nyem ɗi ba mo a sooja mo kas. Amma ɗyen fi̶ri ni a mpeku wuri c`in mbii ɗi ngo ɗiiɗes fi̶ri ki̶ riɓet ɗi. Mpeemi̶ni, ɓe ba wurin nɗee ntang mbii mukáa fi̶ri kas. 5Ngusushii, ba wurin nkyam lap kwat ni kas, see wuri su a ntiit-ntiit ki̶ waar ni mo akuɗang. 6Ni ret ku a ngumaar ɗi wurii c`in ɗak ɗes met, wuri shee kyam ɗiɓen nshee. 7A c`inpan nkaa mbii ɗi wan ki̶n sat mo nwugha, mpeeɗi Daa wuri kì̵ cín manshii kì̵ mbii mo nwugha jir. 8A pan Jesu Kristi, ɗi wuri yaghal a peemúut. Gyet wuri a ndi̶ghi̶n dang kì̵ Devid, kaaɗi mo kám ndi̶ghi̶n po ɗiiret ɗi wan ki̶n sat ni si. 9A mpee po ɗiiret ni, ɓe wan nkaa shwaajeel, ki̶ mo ɓwaghat wan shi ti̶sek kaa ngo ɗiibish si. Amma ba po kì̵ Naan ni a ɓuɓwaghat kas. 10Mpeemi̶ni, ɓe wan ki̶n gung mbii mo jir, mpee sum kì̵ nyem ɗi Naan wuri kì̵ ten bi̶lip mo, mpeku mo kat ɓam ɗi ndi̶ghi̶n Jesu Kristi, ki̶ ɗiiɗes ɗi ni so ngaa-ngaa. 11Po ɗi mo sat ni azeen-nzeen nee: "Katɗang mu muut ashak ki̶ wuri, ɓe mun ntong ashak ki̶ wuri zak. 12Katɗang mu gung, ɓe mun nyaghal mu se mulki ashak ki̶ wuri. Katɗang mu cíipo ne, ba mu man wuri kas, ɓe wurin nciipo ne, ba wuɗi man mun kas zak. Katɗang ba mun ki̶ cínzeen kas, koo 13putughup mo vul-vul, ɓe wuri ɗi azeen-nzeen. Ba wuri kyam cíipo nkaa shin kas." 14A lepan nyem fugha mo, a satpo mmo shiɓal ntoghom kì̵ Naan nee, taji mo c`in jighi̶r nkaa po ɗiibuu mo kas. Mpeeɗi ba kiyeet kì̵ mbii mi̶ni mo ki̶ mee koghop ni kas koo diɓen, amma nii twa nyem ɗi moo ki̶ling kiyeet kì̵ po ɗiibuu ni mo. 15A c`in ɗak fugha shi putughup mi̶ndong, mpeku a kat ɗiiret ɗi pe Naan, kaa nguɗak, ɗi ba wuri ki̶ mee naashoop nkaa ɗak fi̶ri kas si. Shii kì̵ mi̶ni nee, gwar mi̶ni tap kámpo ɗi azeen ngurum ndi̶re-ndi̶re. 16Taji a ɓàlkáa fugha ki̶ nyemkatpo ɗiibish mo, koo nyemkatpo kaa mwen mo si kas, mpeeɗi kiyeet kì̵ nyem mi̶ni moo dul gurum so jong-jong ki̶ Naan. 17Kiyeet kì̵ po mi̶ni mo, ɗee a kaa láa, ɗi nii se nan ngurum mo si. Himenayus, ki̶ Filitus moo c`in a kiyeet kì̵ kám mi̶ni. 18Mo kwar ar zeen ni, har mo sat nee, yaghal a peemúut ni kì̵ ten ɗel. Mo nkaa wat cínzeen kì̵ pak gurum mo. 19Amma kuk ɗi Naan wuri kì̵ ten ɓwot ni, ba nin nkyam yoghon kas, koo diɓen. A nkaa kuk ɗiisi ni, ɓe mo ran po ɗiisi mo nee, "Daa wuri man nyem ɗi mo a mi̶ri." Ki̶ zak, "Nyem ɗi moo petsum kì̵ Daa jir, ɓe ni a ting ku mo yit c`in mbii ɗiibish mo." 20Ndi̶ghi̶n tulu ɗiiɗes, ɓe ɗaa mo ki̶ tughul mo ɗiiɗes, shini-shini. Mo ɗak pak mo a shi zinariya, ki̶ pak mo a shi azurfa, ki̶ mo ɗak pak mo a shi yoghom, ki̶ wan zak. Pak mo a mpee c`in ɗak shi mo parpuus ɗiiɗes, ki̶ pak mo a mpee c`in ɗak shi mo shidaar-shidaar. 21Katɗang mee gurum ɗi wuri ɗak shin, ku wuri ɗee a ɗiiɓang, ɓe mo le wuri a mpee c`in ɗak ɗi mo ki̶ koghop ni ɓejee. Mo le wuri ɗík, a mpee c`in ɗak nsar kì̵ ngulu ni ɓejee. Wuri ɗee a mpee c`in ɗak ɗiiret, ɗi mo ki̶ koghop ni ɓejee. 22A yit kyaghar mu zi̶lang mo. A leyit fugha a nkaa c`in mbii ɗiiret mo, nkaa cínzeen ki̶ wal, ki̶ tongriyang ashak ki̶ nyem ɗi moo petsum kì̵ Daa shi putughup mi̶ndong. 23Taji a ɓàlkáa fugha ashak ki̶ nyemkatpo ɗiibuu mo, ɗi ba mo ki̶ mee koghop ni kas. A man nee, po ɗiibuu moo j`i ki̶ jighi̶r nnaar kì̵ gurum mo. 24Ba ni ret ku ki̶rom kì̵ Daa ɗee a ngucín jighi̶r kas, amma ni ret ku wuri ɓam gurum mo jir, ngukám ɗiiret, ɗi wurii gung ki̶ gurum mo jir. 25Ndi̶ghi̶n puɗok, ɓe wuri kar nyem ɓeetshik mo. Meeɓe, Naan wurin ncighi̶r ki̶ mo, ku mo tuwap, mpeku mo man zeen ni ɗi. 26Mpeku mo put ɗi ki̶ káa furu aku mɓut cip mu Shetan, ɗi wuri kì̵ yak mo ku mo c`in ɗyen fi̶ri ɗi.

will be added

X\