2 Timoti 1

1Wan Pool laalop kì̵ Jesu Kristi, ɗi Naan wuri ten bi̶lip wan, mpeku wan satpo ɗi ngurum mo nee, Naan wuri cín seen mmun ndi̶ghi̶n Jesu Kristi. 2Wan ki̶n ran po ɗiisi ni so pe wugha ɗi, làa fi̶na Timoti, ɗi wan wal nwugha zam. Naan puun, ki̶ Daa funu Jesu Kristi, mo cín ɗiiret nwugha, ki̶ mo naa wugha shi yit naajeel, ki̶ mo cín tongriyang nwugha zak. 3Wan pi̶lang Naan, ɗi wan ki̶n seyil nwuri shi putughup mi̶ndong, kaaɗi gyet puun fi̶na moo seyil nwuri si. Wan ki̶n pan wugha ndi̶ghi̶n aduwa fi̶na shidaar-shidaar. 4Ba wan ki̶n mander nyitmwaan fugha kas. Ɗyen nwan nnaa wugha zam, mpeku putughup fi̶na ni gam ɗi ki̶ retnyit. 5Wan ki̶n pan wugha, mpee cínzeen fugha ɗii azeen-nzeen si, kiyeet kì̵ cínzeen ɗi ni ndi̶ghi̶n ni̶ghi̶nkaam fugha Loyis, ki̶ ni̶ghi̶n fugha Yunis. Wan ki̶n cínzeen nee, a kiyeet kì̵ cínzeen mi̶ni ndi̶ghi̶n putughup fugha zak. 6Mpeemi̶ni, ɓe wan ki̶n lepan nwugha nee, a yit ku zughum ɗi gyet Naan wuri cín nwugha, ni baa ɓangpee ɗi, kaaɗi gyet wan ki̶n lesar fi̶na nkaa wugha si. 7Ba Naan wuri c`in a riin mu ki̶i̶rmuut mmun kas, amma a riin ɗi ni cínɓal ki̶ wal, mpeku mu tap ɗi ki̶ káa funu mo. 8Taji a c`in yitluwaan mpee sat langting nkaa Daa funu kas, koo a kat yitluwaan mpee wan, ɗi wan a shishaghat mpee sum fi̶ri kas. Amma a mang shwaajeel mugha, mpee po ɗiiret ni, ndi̶ghi̶n ɓal ɗi Naan wuri cín nwugha zak. 9Wuri ɗi wuri pet mun, shi petpee ɗiiɓang, ba a mpee mee ɗak ɗi mu c`in kas, amma a ntiit-ntiit ki̶ pan fi̶ri ki̶ ɗiiret fi̶ri, ɗi wuri cín mmun ndi̶ghi̶n Daa funu Kristi, pugyet ɗi yam-yam. 10Amma yaksi, ɗiiret fi̶ri ni, mo kám ni mmun agaak ndi̶ghi̶n j`i kì̵ Nguɓam funu Jesu Kristi. Jesu Kristi wuri tu ɓal kì̵ muut, ɗangɓe wuri j`i ki̶ seen ɗiiso ngaa-ngaa mmun agaak ndi̶ghi̶n po ɗiiret ni. 11A mpee po ɗiiret ɗiisi ni, ɗangɓe Naan wuri bi̶lip wan, mpeku wan ɗee ɗi a ngusatpo, ni ki̶ laalop ki̶ ngukám. 12A mpee po ɗiiret ni, ɓe wan nkaa shwaajeel. Amma jir ki̶si, ɓe ba naashoop yaa wan kas, mpeeɗi wan ki̶n ten man ngo ɗi wan kì̵ ten cínzeen ndi̶ghi̶n wuri, ki̶ zak, wan cínzeen nee, wurin ntap mbii ɗi wan ki̶n ten le ni ndi̶ghi̶n sar fi̶ri har parpuus mi̶ni. 13A yaa po mu zeen ɗi a ki̶ling pe wan ɗi. A mwaan ndi̶ghi̶n shiimwaan fi̶na zak. A tong ndi̶ghi̶n cínzeen, ki̶ wal ɗi mun ki̶ ni ndi̶ghi̶n Jesu Kristi. 14A man zeen ɗi Naan wuri le ni nsar fugha, shiɓal kì̵ Riin Ɗiiɓang, ɗi wuri tong ndi̶ghi̶n putughup funu. 15A man nee, nyem ɗi mo ndi̶ghi̶n yil Eshiya, mo kwar wan jir. Ndi̶ghi̶n nyem ɗi mo kwar wan ni mo a Fijelus kì̵ Hamojinis. 16Naan wuri le ɗiiret nkaa tulu kì̵ Onisiforus, mpeeɗi wuri caa putughup nwan. Ba gyet ni shoop wuri mpee naa teng ɓwaghat fi̶na ni kas. 17Kaaɗi gyet wuri j`i wul nyil nRom, ɓe wuri tang wan shi gung, har wuri kat wan. 18Naan wuri naa wuri shi yit naajeel parpuus mi̶ni. Ki̶ zak, wugha man kiyeet kì̵ ɓam ɗi gyet wuri c`in nwan ndi̶ghi̶n yil Afisus.

will be added

X\