2 Tasoloni 3

1Ɗyemnaa funu mo, po ɗi muu riɓet sat mu kyes ni a nee, muu ɗang pe wun, mpeku wu c`in aduwa ɗi mpee mun. Mpeku po kì̵ Naan ni kaatpee mo ɗi, ki̶ mpeku gurum mo lap ni ɗi shi retnyit, kaaɗi gyet wun wu lap ni shi retnyit si. 2Ki̶ zak, wu c`in aduwa mpee mun, mpeku Naan wuri ɓam mun ɗi ndi̶ghi̶n sar kì̵ nyemshikbish mo, ɗi putughup furu mo kì̵ ɗee a ɗiiɓal. Ba a gurum mo jir, mo cínzeen mpo ni kas. 3Amma Daa wurii ɗar nkaa zeen. Wurin ncín ɓal nwun ki̶ wurin ntap fwang wun aku nsar kì̵ Shetan. 4Mu cínzeen nee, Daa wurin nfwang wun, mpeku wu c`in mbii ɗi mu sat mo ɗi, ku wu sekiyeen ki̶ c`in mo zak. 5Daa wurin nle ku wu man wal kì̵ Naan ɗiiɗes mpee wun, ki̶ gung kaaɗi Daa Jesu wuri gung si zak. 6Ɗyemnaa mo, ndi̶ghi̶n sum kì̵ Daa Jesu Kristi, mu sat wun shiɓal nee, taji wu ɓàlkáa ki̶ ɗyemni̶ghi̶n funu ɗi mo a seer mo kas. Shii kì̵ mi̶ni, a nyem ɗi ba moo mwaan nkaa kám ɗi gyet mu kám nwun kas. 7Wun shikáa fuu, wu man nee, ni ret ku wu mwaan ndi̶ghi̶n shiimwaan funu, mpeeɗi gyet mun ashak ki̶ wun, ɓe ba gyet muu tong ki̶ sar funu mo nfii kas. 8Gyet mun ashak ki̶ wun ɓe ba muu se mbiise nsar ki̶ mee ngo a shi zughum kas, amma muu c`in ɗak shiɓal ki̶ sar funu mo mpar ki̶ puus, mpeku taji mu lejeel mmee ngo ndi̶ghi̶n wun kas. 9Gyet mun ki̶ iiko mpeku mu sat nwun ne wu cín mbiise mmun, amma ba gyet mu tal pu wun kas, mpeeɗi gyet mu riɓet, kám nwun ar ɗi wun nc`in ɗak shi sar fuu mo. 10Kaaɗi gyet mun ɗi ashak ki̶ wun, ɓe muu naa nsatpo nwun shiɓal nee, katɗang ba mee gurum c`in ɗak kas, ɓe taji wu c`in mee mbii nwuri se kas. 11Mu ki̶ling nee, pak mo ndi̶ghi̶n wun, moo ɗee a seer mo. Ne ba moo c`in mee ɗak kas, amma ne, moo ɗee mwaan buu, mpeku mo lepo ɗi ndi̶ghi̶n ɗak kì̵ gurum mo. 12Ndi̶ghi̶n sum kì̵ Daa Jesu Kristi, muu satpo shiɓal nee, ni ret ku nyem mi̶ni mo nook mwaan mi̶ni, mpeku mo c`in ɗak, ɗi mon nkat mbiise mukáa furu mo ɗi, mpee po furu mo. 13Ɗyemnaa mo, taji kwak fuu mo murap mpee c`in ɗak ɗiiret kas. 14Katɗang mee ngo kwar c`in mbii ɗi mu sat ndi̶ghi̶n po ɗiisi, ɓe wu naa gwar mi̶ni riret. Taji wu c`in mee mbii ashak ki̶ wuri kas, mpeku naashoop yaa gwar mi̶ni ɗi. 15Amma taji wu naa wuri a kaa shaarlek si kas, amma wu fwang wuri kaa ɗyemni̶ghi̶n si. Po mu kyes ni. 16Daa Jesu shikáa fi̶ri, ɗi riyang ki̶ put a pe wuri ɗi, wuri c`in tongriyang nwun ndi̶ghi̶n mbii mo jir. Daa Jesu wuri tong ashak ki̶ wun jir. 17Ɗiisi a sarran mi̶na Pool, ɗi wan ki̶n le ni ndi̶ghi̶n po ɗi moo put pe wan ɗi. Wan ki̶n tok ki̶ wun. 18Ɗiiret kì̵ Daa funu Jesu Kristi ni tong ashak ki̶ wun jir. Amin.

will be added

X\