2 Tasoloni 1

1Wasika ɗiisi ni put a nsar kì̵ Pool ki̶ Silas, ki̶ Timoti. Muu tok ki̶ nyemso ndang Naan ɗi mon nTasoloni, ɗi mo a mu Naan puun funu ki̶ Jesu Kristi. 2Naan puun funu ki̶ Daa Jesu Kristi mo c`in ɗiiret nwun ki̶ tongriyang zak. 3Ɗyemnaa mo, ni a ting ku mu pi̶lang Naan mpee wun shidaar-shidaar. Ni ret ku mun, mu pi̶lang wun aasi zak, mpeeɗi cínzeen fuu ni nkaa wurang hakyeng, ki̶ zak, wal fuu mpee niyee fuu mo nii si̶ghi̶t ɓuɓul. 4A ni le ɗang mun shikáa funu muu canjagham shi wun nyemso ndang Naan mo, mpee gung fuu, ki̶ cínzeen fuu, ki̶ kaaɗi wuu ɗar ɗi ɓal-ɓal jir ki̶ wuu gung ki̶ jeel ɗi wuu shwaa mo shini-shini. 5Mpee mbii ɗi wuu shwaajeel ni mo yaksi, parmee puus ɓe mon nkat wun ki̶ koghop ni mpee mulki kì̵ Naan. Ɗiisi mo ɗee a langting mpee kám nwun nee, 6Naan wuri a ngucanɗiyeel ɗiiret ndi̶re. Mpeemi̶ni, wurin nc`injeel nyem ɗi mo cínjeel nwun. 7Wurin nc`in nookɗi nwun ki̶ mun jir ndi̶ghi̶n jeel ɗi muu shwaa mo yaksi. Mbii ɗiisi mon nɗen aasi parɗi Daa funu Jesu wurin ntong ndi̶ghi̶n ɗengnaan sham. Wurin nkámkáa fi̶ri ashak ki̶ nyemlop fi̶ri ɗiiɓal mo. 8Wurin nj`i shi wus ɗi nii ɓi̶lempee, mpeku wuri kwat nyem ɗi mo kwar Naan ɗi, ki̶ nyem ɗi mo kwarpo ɗiiret nkaa Daa funu Jesu Kristi. 9Kwat ki̶ mo nin nɗee a muut ɗiiso ngaa-ngaa. Ba mon mmak kyam naa yit kì̵ Naan koo ɗiiɗes mu iiko fi̶ri kas, koo diɓen. 10Katɗang wurin mbaaj`i, parpuus ɗiiɗes mi̶ni, ɓe nyem fi̶ri mo jir, mon ncín ɗiiɗes nwuri. Jir nyem ɗi mo cínzeen nwuri, ɓe mon nkwoop wuri, ki̶ wun zak wun nɗee ndi̶ghi̶n nyem ɗi mon nkwoop wuri, mpeeɗi wuu ten wu cínzeen mpo fi̶ri ɗi mun kì̵ sat ni nwun. 11Mpeemi̶ni ɓe muu c`in aduwa mpee wun shidaar-shidaar, mpeku Naan wuri le ku wu ɗee ɗiikoghop ni, mpee zeen ɗi Naan wuri pi̶rep wun mpeemi̶ni. Naan wuri le ku wu mak c`in koo a mbii ɗiiret ɗiiɗang ye ɗi wuu pan c`in ni mpee cínzeen fuu shiɓal fi̶ri. 12A ndi̶ghi̶n kiyeet ki̶ ar ɗiisi, ɓe gurum mon nle ɗiiɗes nsum kì̵ Daa Jesu ndi̶ghi̶n wun, ki̶ wun ɗi ndi̶ghi̶n wuri zak, shi ɗiiret kì̵ Daa Naan funu kì̵ Daa Jesu Kristi.

will be added

X\