2 Pita 3

1Wun ɗi wan wal nwun si mo, ɗiisi ni a wasika ɗiivul, ɗi wan ki̶n ran ni nwun. Ndi̶ghi̶n wasika ɗiivul si ni mo, ɓe wan ki̶n lepan nwun nkaa mbii ɗiisi mo, ɗi wuu ten wu man mo, mpeku ni mii wun ɗi, ku wu so ɗi ndang Naan shi putughup ɗiimi̶ndong. 2Wan ki̶n ran mbii ɗiisi ni mo, a mpeku wan lepan ɗi nwun, ku taji wu mander kas po ɗi pugyet nyemsatpo kì̵ Naan ɗiiɓang mo kì̵ sat ni, ne nin nc`in. Taji wu mander Waar ɗi Daa funu Jesu Kristi, ɗi wuri a Nguɓam funu wuri sat nee, wu c`in mo kas. Gyet a wuri nkaa satpo ni nwun shipo kì̵ jeplop fi̶ri mo, ɗi wuri lop mo pe wun ɗi. 3A po ɗin nshee ɗi wan ki̶n riɓet sat ni nwun nɗiisi. Wu man nee, kus kì̵ kyes mu yil ni, ɓe gurum mon nyaghal yaa c`in mbii ɗi ni shang mmo nyit. Nyem ɗiisi ni mon nyaa shwar mu ɓákpee, 4ki̶ mon nsat nee: "A me le ɗangɓe ba Jesu Kristi wuri j`i, kaaɗi gyet wuri kì̵ ten sat si kas ye? Puun funu mo kì̵ ten murap, amma mbii mo ɗi a kaa pugyet mo ɗi si, ntiit ki̶ shee kì̵ yil ni, ba mee mbii kì̵ shee ɗi kas koo ɗiɓen." 5Nyem ɗi moo satpo ɗiisi, mo fes kwar a nyang. Mo man nee, gyet yam ɓe Naan wuri le ɗeng ki̶ yil ɗiisi a shi po ɗi wuri sat. Wuri ɗak yil ni shi am, ɓe ni ɗee nee, yil ni put a ndi̶ghi̶n am. 6Ni aasi ɓe, gyet Naan wuri tu yil ɗin mɓít mi̶ni a shi am, kaaɗi gyet am ɗiiɗes, ni j`i paa yil ni jir si. 7Naan wuri kì̵ ten sat nee, ɗeng ki̶ yil ɗiiyaksi mo, mon ntong ɗi har parpuus ɗi wus j`i caan mo jir hakyeng. Naan wuri yit yil ni ki̶ mbii ɗi mo ɗi jir, see puus ni wul ɗi wurin ntokɗiyeel ngurum mo jir, ki̶ wurin ntwa nyemɗiibish ɗi mo kwar ki̶ling ɗoo fi̶ri jir zak. 8Wun ɗi wan wal nwun mo, mee mbii mi̶ndong ɗi ni ki̶ koghop ni, ɗi ba ni ret ku wu mander nni kas. Ni a nee, pe Naan ɗi, ɓe teer mi̶ndong ni a kaa ɓit mo duɓu si, ki̶ zak, ɓit mo duɓu, ɓe ni a kaa teer mi̶ndong si. Mo a ɗiimi̶ndong pe Naan ɗi. 9Pak gurum moo pan nee, Naan wuri ɓes zam, mpeeɗi ba wurin nkaa c`in mbii ɗi wuri kì̵ ten sat ne, mbii mi̶ni mon nc`in kas. Ba ni aasi kas, koo diɓen, Naan wurii gung ki̶ wun, a mpeku wuri cínpee ɗi ngurum mo, mpeku mo katpee tuwap ɗi. Ba ni a ɗyen kì̵ Naan ku mee gurum lagham kas. Wurii riɓet ku gurum mo jir, ɓe mo tuwap. 10Jir ki̶si, katɗang pee ni wul, ɓe Daa Jesu Kristi wurin mbaaj`i. Wurin mbaaj`i a nɗin mman! Kaa j`i ki̶ wat, ɗi ba gurum mo lepan ne, mee wat nj`i kas si. Ntiit ki̶ mi̶ni, ɓe gurum mon nki̶ling mee ɗoo ɗiiɓal, ki̶ ɗengnaan nin nlagham. Jir mbii ɗi mo ndi̶ghi̶n ɗengnaan, ki̶ ɗi mon ndi̶ghi̶n yil ɗiisi, mon ncaan jir. Ɗangɓe yil ɗiisi ki̶ mbii ɗi mon ndi̶ghi̶n ni jir, mon nlagham. 11Kaaɗi wun kì̵ man nee, mbii mo jir mon nlagham aasi, ɓe ni ret ku wu ɗak tong fuu mo, ki̶ wu tap ɗi ki̶ shiimwaan fuu mo. Ni ret ku seen fuu mo ɗee a ɗiiɓang, ki̶ wu lesuk fuu mo ndi̶ghi̶n sar kì̵ Naan ki̶n ndi̶ng-ndi̶ng. Ki̶ wu ki̶ling ɗoo fi̶ri ndi̶ghi̶n mbii mo jir. 12Wu leyit nkaa parpuus ɗi Naan wurin mbaaj`i ndi̶ghi̶n yil ɗiisi zak, ki̶ wu c`in mbii mo ndi̶ghi̶n ar ɗiiret, ɗi nin nle ku puus mi̶ni j`i wul ɗi ki̶lak-ki̶lak. A puus mi̶ni, a ɗi ɗengnaan nin ncaan. Ɗangɓe nin nlagham zak, ki̶ mbii ɗi mo ndi̶ghi̶n ɗengnaan jir ki̶ ɗi mo ndi̶ghi̶n yil ɗiisi, mon nɗee a fwat, ba mee mbii nɗee ɗi kas koo ɗiɓen. 13Amma Naan wuri kì̵ ten sat mmun nee, wuɗin mbaa ɗak mee ɗengnaan ki̶ yil ɗiipoo mo ɗi, a peeɗi mbii mo jir mon nɗee ɗi ndi̶re-ndi̶re. A mbii ɗi muu leyit nkaa ni mmi̶ni. 14Wun ɗi wan wal nwun mo, wan ki̶n sat nwun nee, kaaɗi wuu gong puus mi̶ni, parɗi Jesu Kristi wurin mbaaj`i, ɓe wu gung ku mwaan fuu mo ɗee ɗi a ɗiiret, mpeku wu tong ɗi riyang ndi̶ghi̶n wuri. 15Wu man nee, mbii ɗi ni le ɗangɓe Daa funu Jesu Kristi wuri gung, a mpeku wun wu katpee ɗi mpee bar. Ɗyemni̶ghi̶n funu Pool, ɗi mu wal nwuri, wuri c`in ɗak ki̶ seen ɗi Naan cín nwuri, mpeku wuri kám mbii mo ɗi nwun, kaaɗi wuri ran wasika fi̶ri nwun. 16Ndi̶ghi̶n wasika fi̶ri mo jir, ɓe wuri kì̵ sat mbii ɗiisi mo nwun jir. Ndi̶ghi̶n pak wasika fi̶ri ni mo, ɓe ni luk mpeku gurum manshii kì̵ pak po ni mo. Nyem ɗi ba mo ki̶ seen kas, nyem ɗi ba mo ɗar ɓal-ɓal kas, moo cighi̶r ki̶ mbii ɗi wuri sat ni mo. Kaaɗi mo cighi̶r ki̶ po ɗi mo ndi̶ghi̶n takarda kì̵ Naan si. Mbii ɗi moo c`in ɗiisi mo, moo ɗul a ɗiyeel kì̵ Naan j`i nkaa káa furu mo. 17Amma wun, ɗi wan wal nwun mo, wuu ten wu man mbii ɗiisi mo. Mpeemi̶ni, wan ki̶n sat nwun nee, wu tap ku taji nyem ɗi mo kwar Naan, mo le ku wu táa wu pal ndi̶ghi̶n shikbish furu mo kas. Taji wu cínpee mmo, ku mo le ku wu yaghal wu yit peeɗar fuu ɗiiret ni kas. 18Amma ni ret ku wu sekiyeen ndi̶ghi̶n ar ɗiiret, mpeku Daa funu Jesu Kristi, ɗi wuri a Nguɓam funu wuri kám ɗiiret fi̶ri ɗi nwun, ɗiki̶-ɗiki̶, mpeku wu sat a nwurang ndi̶ghi̶n wal fi̶ri. Mu yit ku gurum mo cín ɗiiɗes ɗi nwuri yaksi ki̶ har ngaa-ngaa. Amin.

will be added

X\