2 Pita 2

1Amma gyet yam, ɓe nyemsatpo mu ɗung mo yaghal ɗi ndi̶ghi̶n gurum ni mo, kaaɗi nyemsatpo mu ɗung mon nɗel ɗi ndi̶ghi̶n wun si. Mon nc`in kám ɗiibish, ɗi nin nwat cínzeen kì̵ gurum mo, har mon nciipo nkaa Daa Jesu Kristi nee, ba wuɗun man wuri kas. Wuri ɗi gyet wuri ang mo ndi̶ghi̶n shikbish furu mo, mpee mbii ɗiibish ɗi mon nkaa c`in ni. Ɓe ndi̶ghi̶n rep pee lee, ɓe kwat ɗi ni a mu jeel ɗiiɗes nin nj`i taa nkaa mo, har nin ntwa mo. 2Gurum mo ɗes mon mmwaan ndi̶ghi̶n shiimwaan furu ɗi ni a mu naashoop. Har mon nle ku gurum katpo ɗiibish nkaa zeen mu ar kì̵ Naan. 3Nyemsatpo mu ɗung ni mo, moo riɓet mbii kì̵ gurum mo aasisi, ki̶ mon nc`in ɗung mpeku mo num wun, ku mo kat mee li̶ɓet ɗi. Pugyet ɗi yam-yam, ɓe Naan ɗi wurin ntokɗiyeel ngurum mo jir, wuri kì̵ ten ɗak shin, mpeku wuri cín kwat ɗi mo mpee mbii ɗiibish ɗi moo c`in mo. Peeɗi seen furu nin nkyes ɗi azeen-nzeen, ɓe ni kì̵ j`i wul kus. 4Gyet nyemlop kì̵ Naan ɗi mo c`in shikbish, ɓe ba Naan wuri kyee mo kas. Wuri yak mo ɓe wuri fwo mo ndi̶ghi̶n tughun ɗi ni a mu aawus, a ɓuɓwaghat shi ti̶sek ɗi ni a mu shaghal, ndi̶ghi̶n pee ɗin nkoo ɗi ni rap. Mon ntong a ndi̶ghi̶n peemi̶ni har puus ɗiyeel. 5Nyemɗiiyam, ɗi gyet mo c`in shikbish, ɓe ba Naan wuri kyee mo kas. Naan wuri le ku am ɗiiɗes ni j`i twa nyem ɗi gyet mo kwar ki̶ling ɗoo fi̶ri jir. Gyet a Nowa ɓejee, ɗi Naan tap ki̶ wuri, mpeku taji mee mbii tung wuri kas, mpeeɗi gyet Nowa wuri kì̵ satpo ngurum mo ne, mo c`in mbii ɗiiret. Nowa wuri bar, ki̶ gurum mo povul. 6Gyet Naan wuri twa yil nSodom ki̶ nGomora shi wus, har mo ɗee a fwat. Yil ɗiisi mo ɗee a mbiikám ngurum mo, nkaa mbii ɗi ni nkat nyem ɗi ba mo kì̵ Naan ndi̶ghi̶n putughup furu mo kas. 7Gyet ntiit ki̶ mi̶ni, ɓe wuri ɓam Lot ɗi gyet wuri a ngo ɗi̶n ndi̶re. Gyet shikbish ɗi gurum mo c`in, ni fes daampee mputughup fi̶ri zam, mbii ɗiibish ɗi gyet nyemɗiibish ɗiisi moo c`in. 8Lot wuri a ngo ɗin ndi̶re. Gyet wuri tong ashak ki̶ nyemshikbish ɗiisi ni mo, wuri naa mbii ɗiibish ɗi moo c`in shidaar-shidaar, ki̶ gyet wurii ki̶lingpo kì̵ mo ɗiibish ni mo shidaar-shidaar zak. Shikbish ɗi das mi̶ni mo c`in ni, ni fes wat putughup nwuri zam, mpeeɗi gyet wuri a ngo ɗin ndi̶re. 9Mbii ɗi mo kì̵ ten ɗel gyet yam ni mo, mo kám mmun nee, Naan wuri man ar ɗi wurin mɓam nyem fi̶ri mo ɗi ndi̶ghi̶n jwaan. Mbii ɗiisi ni mo waa kám zak nee, Naan wuri man ar ɗi wurin nkwat nyem c`in shikbish mo, ɗi wurin nle mo nder kì̵ kar, har parpuus ɗiyeel. 10Met jir, ni a mpee nyem ɗi moo sat a nc`in mbii ɗiibish ɗak, ɗi nan furu nii naa nkyaghar ni, ki̶ mo waa kwarpo kì̵ Naan. Nyemkám ɗii mu ɗung ɗiisi mo, mo ɓal mputughup, ki̶ cíishik zam. Ba mee ki̶i̶rmuut ki̶ yaa mo mpee satpo ɗiibuu nkaa riin ɗiiɗes ɗi mo ndi̶ghi̶n ɗengnaan kas. Moo sat a nkàss mmo ɗak. 11Nyemlop kì̵ Naan mo met nyemɗung ɗiisi mon mɓal, ɓe ba mo kàss mo ki̶si ntoghom kì̵ Naan kas. 12Nyem ɗiisi ni mo, moo satpo ɗiibish nkaa mbii ɗi ba mo manshii kì̵ ni ndi̶re-ndi̶re kas. Moo c`in mbii mo a kaa nyem ɗi ba mo man mee mbii kas si. Moo c`in mbii mo a kaa luwayil mo si. Ɗi mo làa mo a mpeku gurum mo yak mo twa ɗin nluwa. Azeen-nzeen moo twa mo a kaa luwayil mo si, ɗi ba gurum mo kuɗi ki̶ ki̶ling sum furu mo kas. 13Naan wuri kwat mo shi jeel, mpee jeel ɗi gyet mumo ki̶ cín ngurum mo. Nyem ɗiisi ni mo riɓet a ki̶ling shang mu seen ɗiisi ɓejee, har moo c`in pak mbii ni mo a nnaar puus. Shiimwaan kì̵ mo ni mo, mo a mbii yitluwaan pe wun ɗi. Moo tong ashak ki̶ wun mpee se mbiise, amma moo tap cighi̶r mɓwoon fuu, ku mo c`in mbii ɗiibish ɗi mo shang mmo ɗi. 14Mo lepan furu mo a nkaa mat mo, mpeku mo c`in ngaa ɗi ki̶ mo shidaar-shidaar. Ba c`in shikbish ni kyam mak mo kas. Kat mo naa nyem ɗi ba mo ɗar ɓal-ɓal ndi̶ghi̶n ar kì̵ Naan kas, ɓe mo num nyem mi̶ni mo, mpeku mo c`in mbii ɗiibish ɗi. Koo pi̶rang ye, ɓe moo leyit a nkaa mbii mu gurum mo. Gurum kaa mi̶ni mo si, ɓe mon ntaa nder kì̵ ɗiyeel mu Naan. 15Mo yit ar ɗin ndi̶re ni, ku mo waa mwaan ɗi a ndi̶ghi̶n ar kì̵ Balam làa kì̵ Beyor. Gyet Balam wuri a ngo ɗi wuri fes ki̶ling shang mpee c`in mbii ɗiibish, mpeku wuri kat shaghal ɗi. 16Amma ɓe mo gwak wuri mpee shikbish fi̶ri, har ntiit ki̶ mi̶ni, ɓe jaaki fi̶ri ɗi ba ni kì̵ kyam katpo kas, ɓe ni katpo nwuri kaa gurum si, har njaaki ni le ku wuri nook c`in kiyeet kì̵ shikbish mi̶ni. 17Das ɗiisi ni mo ɗee a kaa dung ɗi ba moo am kas si. Mo ɗee a kaa nluu ɗi kut ki̶ mang ni ɗel so ki̶ ni si, mpeku taji ni j`i ki̶ fwan kas. Naan wuri tap ɗak mee pee ɗin nkoo le ɗi mpee mo. 18Moo canjagham shi ɗoo ɗiiɓal nkaa po ɗi ba mo ki̶ mee koghop ni kas koo diɓen. Mo gung mpeku mo num nyem ɗi mo nkaa pwat ndi̶ghi̶n nyem ɗi ba mo man zeen ni kas. Mo gung ku mo dul nyem mi̶ni mo j`i c`in shikbish, ɗi mo a mu ngaa, kaaɗi moo c`in si. 19Mo nkaa tuwoorpo shi sum mo nee, mo katpee mpee c`in mbii ɗi moo riɓet, amma mumo nyem ɗi mo satpo mi̶ni, mo a ki̶rom mu shikbish. Mpeeɗi koo a meye ɗi ni ɗee a mishkagham nkaa ngurum, ɓe ngo mi̶ni ɗee a ki̶rom kì̵ mbii ni. 20Katɗang gurum mo kì̵ ten put ndi̶ghi̶n mbii ɗiibish mu yil ɗiisi, ɗi moo wat, mpeeɗi mo kì̵ cínzeen Jesu Kristi, ɗi wuri a Nguɓam furu. Ɗangɓe katɗang mo waa cighi̶r putughup, har ku mbii ɗiibish mo waa yaa mo, ku mo se koghorong nkaa mo, ɓe ni ɗee nee, ndi̶ghi̶n peekyes ni, ɓe mbii nin mbish aki̶ mo met ɗin nshee ni. 21Katɗang ni ɗee aasi, ɓe gyal gyet mon nnook man ar ɗin ndi̶re ni, mpeeɗi ba ni ki̶ koghop ni, ku gurum mo man ar ni hakyeng, ɗangɓe mo waa cighi̶r putughup furu mo, har mo yit Waar kì̵ Naan ni kas. 22Mbii ɗi ni kat mo, ɓe ni kám mmun nee, sumpo ɗiisi mo azeen ɗi mo sat nee: "As waa baaso se mbii ɗi ni kì̵ fuut, ki̶ tughus ɗi gurum ki̶ vwang, ni waa baaso ɓi̶ring ndi̶ghi̶n ɓook."

will be added

X\