2 Joon 1

1Wasika ɗiisi ni put a nsar fi̶na ngunan, so pe wii ɗi, mat ɗiibi̶bi̶lip, ki̶ jep fii mo. Wii ɗi wan ki̶n wal yi ndi̶ghi̶n zeen, ba a wan ɓejee ɗak kas, amma jir ki̶ nyem ɗi mo man zeen ni. 2Mpeeɗi zeen ɗi ni tong ndi̶ghi̶n mun yaksi, nin ntong ndi̶ghi̶n mun har vit. 3Daa Naan puun ki̶ Làa fi̶ri Jesu Kristi, mo c`in ɗiiret mmun, ki̶ mo naa mun shi yit naajeel, ki̶ tongriyang. Ɗiisi mon nɗee ashak ki̶ mun ndi̶ghi̶n zeen ki̶ wal zak. 4Ni ret nwan nyit zam, mpeeɗi wan kat pak jep fii moo mwaan ndi̶ghi̶n zeen ni, ntiit ki̶ kaaɗi puun wuri sat ne, mu c`in si. 5Yaksi wan ki̶n ɗang pu yi naa, yi yit ku mu walnshak. Ba ɗiisi ni a mee waar ɗiipoo ɗi wan ran ni nyi kas, amma a ɗi mun ki̶ ni pugyet ɗin nshee. 6A wal ni nɗiisi, nee, mu mwaan ndi̶ghi̶n waar fi̶ri mo. Ɗiisi ni a waar ni, kaaɗi wuu ki̶ling nshee si, nee, wu mwaan ndi̶ghi̶n wal. 7Nyemnumpee mo ɗes, mo kì̵ ɗel ɗi ndi̶ghi̶n yil ni jir. Nyem ɗi mo cíipo nee, ba gyet Jesu wuri j`i ndi̶ghi̶n yil ɗiisi a ndi̶ghi̶n nan kas. Kiyeet kì̵ nyem mi̶ni mo a nyemnumpee mo, ki̶ a mo a shaarlek kì̵ Kristi. 8Wu tap ki̶ káa fuu mo, mpeku taji wu vwet mbii ɗi gyet muu ten mu c`in ɗak mpee ni si kas, amma wu gung, ku wu lap kwat ni ɗi. 9Koo a weye ɗi wuri so akiyeen, amma katɗang ba wuri mwaan a ndi̶ghi̶n kám kì̵ Daa Jesu kas, ɓe ba wuri ki̶ Naan ndi̶ghi̶n putughup fi̶ri kas. Amma jir ngo ɗi wuri mwaan ndi̶ghi̶n kám kì̵ Daa Jesu, ɓe gwar mi̶ni ki̶ Naan puun ki̶ Jesu Làa fi̶ri ndi̶ghi̶n putughup fi̶ri. 10Katɗang mee gurum j`i pe wun ɗi, ɗang ba gwar mi̶ni j`i aa kám ɗiisi nwun kas, ɓe taji wu lap wuri wu le ntulu fuu mo, koo wu kaat gwar mi̶ni kas. 11Mpeeɗi jir ngo ɗi wuri tok ki̶ gwar mi̶ni, ki̶ ngo ɗi wuri lap gwar mi̶ni zak, ɓe wurii ɓal a káa ashak ki̶ gwar mi̶ni ndi̶ghi̶n ɗak fi̶ri ɗiibish mo. 12Koo ɗi wan ki̶ mbii mo ɗes mpee ran mo nwun, ɓe ba wan nran mo nwun shi haal mu takarda ki̶ ing kas, amma wan ki̶n lepan nee, wan nj`i kun naa wun ɗi, ku mu katpo ɗi ashak zak, mpeku retnyit funu ni gam ɗi. 13Jep kì̵ ɗyemni̶ghi̶n fii ɗiibi̶bi̶lip, moo tok ki̶ yi.

will be added

X\