2 Koronti 9

1Po nkaa cín ɓam mpee nyemso ndang Jesu mo, ɓe ba ni a ting ku wan ran mee po nwun nkaa ni kas. 2Mpeeɗi wan man sekiyeen fuu, har wan ki̶ canjagham shi wun ntoghom ki̶ nyem Masidoniya mo. Wan sat mmo nee, gyet doghontagham ɓe Eki̶lisya ɗin Akaya wura kì̵ ten ɗak sat mpee cín ɓam. Riɓet fuu mpee cín mbiizughum ɗi wu cín ni ɓalkwak ngurum mo ɗes ndi̶ghi̶n mo zam. 3Amma wan lop ɗyemni̶ghi̶n funu ɗiisi mo so pe wun ɗi, mpeku taji canjagham ɗi mu sat shi wun, nkaa mbii ɗiisi ni ɗee a mbii ɗiibuu kas, amma mpeku wu tong ɗi shi ɗak suk, ki̶ mbiizughum ni, kaaɗi gyet wan ki̶n sat nwun nee, wu tong shi ɗak suk si. 4Mpeeɗi katɗang pak nyem Masidoniya ni mo yaghal j`i ashak ki̶ wan, ɗangɓe mo j`i kat ba wuu ɗak suk kas, ɓe naashoop nyaa mun, ki̶ nin nsi̶ghi̶t yaa wun met nwan zak, mpeeɗi muu cínzeen nwun. 5Ni aasi ɓe wan naa nee, ni ret ku wan ɗang ɗyemni̶ghi̶n funu ɗiisi mo, mpeku mo shee so pe wun ɗi nwan nti̶leng, mpeku mo kyak mbiizughum ɗi gyet wuu tuwoor ne, wun ncín niɗi. Katbaa wan ki̶n so wul pe wun ɗi, ɓe mo kì̵ ten kyak mbiizughum ni mo. Ɓe ni kám nee, wu cín mbiizughum ni a shi riɓet ki̶ putughup fuu mo, ba a mee gurum leting nwun kas. 6Taji wu mander kas nee, ngo ɗi wuri kop cirem ɗiɓen lee ndi̶ghi̶n maar fi̶ri, ɓe wurin nɗiip ɗiɓen ni a lee ɗak. Ngo ɗi wuri kop cirem ɗiɓen ɗes, ɓe wurin nɗiip ɗiɓen ni ɗes aasi zak. 7Koo weye ɓe wuri cín mbii ɗi wuri ki̶ pan mputughup mpee cín ni, ba a shi putughup vul-vul kas, ki̶ ba a gurum mo le ting nwuri kas. Mpeeɗi Naan wurii riɓet a ngo ɗi wurii cín mbiizughum, a shi retnyit ndi̶ghi̶n putughup fi̶ri. 8Naan wuri ki̶ iiko ɗi wurin ncín mbii mo nwun ɗes met mbii ɗi wuu riɓet mo. Mpeku koo a pi̶rang ye, ɓe wu kat mbii ɗi wuu riɓet mo, ɗi mpee suk fuu mo, ki̶ mpeku wu katpee cín mbiizughum ɗi shi putughup mi̶ndong mpee ɗak ɗiiret mo jir. 9Kaaɗi mo ki̶ ran ndi̶ghi̶n takarda kì̵ Naan si nee: "Wurii cín mbii nyemjeel mo shi zughum ɗes, ki̶ shi putughup mi̶ndong. Ɗiiret fi̶ri nin ntong ɗi har ngaa-ngaa." 10A Naan wurii cín cirem ngumaar, ki̶ a wurii cín mbiise mu se zak. A wurin ncín cirem nwun wu kop, ki̶ a wurin nle ku ni kàa wurang. Wurin nle ɗiiret nkaa ɗak fuu ɗin ndi̶re, ku ni ɗes ɗi hakyeng. 11Wurin nle ku wu ɗee a nyemlong mo koo a ndi̶ghi̶n ar ɗiiɗang ye, mpeku wu naa ncín mbiizughum ɗi shi putughup mi̶ndong. Mbiizughum ɗi wun ncín ni, nin nɗee ngurum mo a mbii pi̶lang pe Naan. 12Mpeeɗi ɗak fuu ɗiiret ɗiisi ni, ba ni ɓam a nyem kì̵ Naan mo ɓejee ɗak kas, amma ni waa si̶ghi̶t le ku gurum mo pi̶lang Naan ɗes zam. 13Ɗak fuu ɗiiret ɗiisi ni kám nee, cínzeen fuu ni ɗar ɓal-ɓal hakyeng. Nin nle ku gurum mo le Naan a ɗiiɗes, mpee mbiizughum ɗi wu cín mo ashak ki̶ kaghar gurum ni mo shi putughup mi̶ndong. Ɓe ni kám agaak nee, wuu lappo ɗiiret mu Kristi ni azeen-nzeen. 14A mpee wal ɗi gurum mo ki̶ ni mpee wun, ɓe mon nc`in aduwa mpee wun, mpeeɗi mo man nee, Naan wuri ki̶ cín ɗiiret nwun ɗes zam. 15Wu yit ku mu pi̶lang Naan mpee zughum ɗi wuri cín mmun. Zughum ɗi ni met mɓal mu sat.

will be added

X\