2 Koronti 8

1Ɗyemnaa mo, muu riɓet ku wu man po nkaa ɗiiret ɗi Naan wuri cín ni Eki̶lisya ɗi mon nyil mMasidoniya. 2Koo ɗi jí mo kì̵ kyam mo shi jeel ɗiinaat, ki̶ mo nkaa shwaajeel mu mbii mo zak, ɓe jir ki̶si, retnyit furu ni ɗes. Ɓe ni le ku mo c`in mbii ɗiiret mpeeɗi mo cín mbii furu mo shi zughum, koo ɗi ba mo ki̶ mee mbii ɗes kas. 3Wan man azeen nee, mbii ɗi mo cín ni a ntiit ki̶ ɓal furu, har ni met ɓal furu, mpeeɗi mo cín ni a shi riɓet kì̵ putughup furu mo. 4Moo ɗang pu mun ɗes hakyeng nee, mu cín pee nɗun ki̶ mu leɗun mɓut nyem ɗi moo c`in ɓam mpee nyem Jesu mo si. 5Har mo cín mbii mo ɗes met mbii ɗi muu lepan. Amma mo shee cín a putughup furu mon nDaa, ki̶ mun zak, ntiit ki̶ mbii ɗi Naan ki̶ riɓet ku mo c`in. 6Kaaɗi mu naa ni ret, ɓe mu lop Titus so pe wun ɗi, mpeeɗi jí a wuri shee c`in ɗak ɗiiret ɗiisi ni ndi̶ghi̶n wun, ɓe ni ret ku a wurin nsi̶ghi̶t sekiyeen ki̶ ɗak ni. 7Wun kì̵ sekiyeen ndi̶ghi̶n koo a mbii ɗiiɗang ye, har ndi̶ghi̶n cínzeen, ki̶ katpo, ki̶ man, ki̶ gung mbii mo ɗes, ki̶ wal ɗi wun ki̶ ni mpee mun. Ni ret ku wu sekiyeen ki̶ c`in ɗak ɗiiret mu cín zughum shi putughup mi̶ndong. 8Ba wan ki̶n le a mee waar pe wun ɗi kas, amma ni a mpee kám gung ɗi nwun, mpeku wan man ɗi azeen nee, wal ɗi wun ki̶ ni, mpee ɓam niyee mo, ni azeen. 9Mpeeɗi wun kì̵ man ɗiiret mu Daa funu Jesu Kristi, koo ɗi gyet wuri a ngulong, jir ki̶si, ɓe wuri lekáa fi̶ri ɗee kaa ngujeel si mpee wun. Mpeku ndi̶ghi̶n jeel fi̶ri ni, ɓe wu ɗee ɗi a nyemlong mo. 10A pan mi̶na nkaa mbii ni nɗiisi, nin nret ku yaksi ɓe wu si̶ghi̶t kaghar mbii ɗi gyet wuu yaa c`in ni doghontagham si. Gyet a wun shee cín mbii, ki̶ wun kì̵ putughup mu cín mbii hakyeng. 11Ni ret ku wu kyes kaghar ɗak ni shi riɓet kì̵ putughup fuu mo, ntiit ki̶ ɓal fuu, kaaɗi gyet wu shee c`in ni si. 12Katɗang ɓe mee gurum ki̶ putughup ɗii mu cín mbiizughum, ɓe Naan nlap mbiizughum kì̵ ngo ni ntiit ki̶ mbii ɗi ngo ni cín nNaan. Ba Naan wurin ntang a mbii ɗi ngo ni nɗin nni kas. 13Ba wan satpo mi̶ni a mpeku pak gurum mo nook cín mbiizughum, mpeku ni toghon ɗi wuwun kas. 14Amma a mpeku mo le mbii mo ɗee ɗin ndi̶re, ɓe wu ɓam mo yaksi, shi mbii ki̶kat fuu mo, mpeeɗi ba mo ki̶ mee mbii kas. Mpeku katɗang parpuus ɗi wu táa njeel, ɓe mo ɓam wun ɗi zak. Ɗiisi ni a mpeku mo ɓàk mbii mo ɗi ntiit-ntiit. 15Kaaɗi mo kì̵ ten ran ndi̶ghi̶n takarda kì̵ Naan si nee: "Ngo ɗi wuri kyak ɗes, ɓe ba nin ngyar ɗes a wuri kas, ki̶ ngo ɗi wuri kyak lee, ɓe ba nin ngyar kat wuri kas." 16Wan pi̶lang Naan, ɗi wuri lepan ndi̶ghi̶n putughup kì̵ Titus, mpeku wuri ɓam wun ɗi, kaaɗi wan ki̶n c`in wun si. 17Ba wuri lap ii a mpee ɗang funu ɓejee ɗak kas, amma wuri kì̵ fes lepan fi̶ri, mpeku wuri so pe wun shi pan mukáa fi̶ri. 18Muu lop wuri so pe wun ɗi ashak ki̶ ɗyemni̶ghi̶n funu ɗi gurum moo fes cín ɗiiɗes nwuri, mpee satpo kì̵ Naan ndi̶ghi̶n Eki̶lisya mo jir. 19Ba a mi̶ni ɓejee ɗak kas, amma Eki̶lisya mo bi̶lip wuri, mpeku wuri so ɗi ashak ki̶ mun, mpee so ki̶ mbiizughum ɗi muu cín ni, mpee le Daa a ɗiiɗes, ki̶ kám agaak nee, mun ki̶ putughup ɗi ni a mu ɓam zak. 20Ba muu riɓet ku mee gurum kàss mun nkaa mbiizughum ɗiisi, ɗi gurum moo cín ni shi putughup mi̶ndong, ɗi mun nkaa c`in ni si kas. 21Mbii ɗi muu riɓet nɗiisi, ku wu c`in mbii mo ɗi ndi̶re-ndi̶re, ba a ntoghom kì̵ Daa ɓejee ɗak kas, har ki̶ ntoghom kì̵ gurum mo jir zak. 22Muu lop ɗyemni̶ghi̶n funu ashak ki̶ mo zak. Mun kì̵ kyam ɗyemni̶ghi̶n funu wuri yit mo ɗes, ɓe mu kat wuri a nguɗak zam ndi̶ghi̶n ar mo shini-shini. Yaksi ɓe wurii c`in ɗak ni waa met ɗiiyam zak. Wuri kì̵ c`in ɗak ɗiiret ni ɗes mpee ɓam wun. 23Titus wuri a shaarmwaan fi̶na, ɗi wuri c`in ɗak ashak ki̶ wan mpee ɓam wun zak. Mpee ɗyemni̶ghi̶n funu ɗiisi mo, ɓe mo a nyem ɗi Eki̶lisya mo lop mo, mpeku mo lesum kì̵ Kristi ɗi a ɗiiɗes. 24Mpeemi̶ni, ɓe wu kám wal fuu mmo, mpeku Eki̶lisya ni mo man ɗi azeen-nzeen nee, jagham ɗi muu can ni mpee wun, ni a ndi̶re azeen-nzeen.

will be added

X\