2 Koronti 7

1Shaar fi̶na mo ɗi wan wal nwun, kaaɗi Naan wuri kì̵ ten tuwoorpo mbii ɗiisi mo mmun aasi, ɓe ni ret ku mu lesun funu mo ɗee a ɗiiɓang, ndi̶ghi̶n koo a mbii ɗiibish ɗiiɗang ye, ɗi nii wat nan funu mo, ki̶ riin funu mo zak. Ni ret ku mu ɗee a nyem ɗiiɓang mo riret ndi̶ghi̶n shiimwaan funu mo, mpee cín ɗiiɗes nNaan. 2Wu wang putughup fuu mo mmun, mpeeɗi ba jí mu c`in mee mbii ɗiibish mmee gurum kas, ki̶ ba mu wat mee gurum kas zak. Ba jí mu seen a mee gurum kas. 3Ba wan sat ɗiisi ni a mpeku wan le wun ɗi a nyemshikbish mo kas, amma wan satpo ɗiisi ni a mpeeɗi jí wan ki̶n ten sat nwun nee, mu wal nwun zam. Ki̶ koo ɗi a ndi̶ghi̶n muut, ki̶ koo ɗi mun ɗi ki̶ seen, ɓe mun ɗi ashak vit ndi̶ghi̶n putughup funu mo. 4Wan cínzeen nwun azeen-nzeen, ki̶ wan ki̶n c`in roghop ɗes a shi wun zak. Har wu fes wu caa putughup fi̶na ni riret hakyeng. Jir ki̶ jeel ɗi muu shwaa ni, ɓe wan nkaa c`in retnyit ɗes zam. 5Kaaɗi gyet mu so mu wul nyil mMasidoniya si, ɓe ba gyet mu kat mee pee ɓwot sun kas. Gurum mo cín jeel mmun ɗes, koo a ndi̶ghi̶n ar ɗiiɗang ye. Gurum mo ɓi̶lep ki̶ mun, ki̶ gyet ndi̶ghi̶n putughup funu mo, ɓe ki̶i̶rmuut ni ɗi zak. 6Amma Naan wurii cínɓal ki̶ wurii caa putughup mu nyem ɗi ba moo ɓal mputughup kas. Gyet wuri c`in ɓal putughup funu mo shi j`i kì̵ Titus. 7Ba a j`i kì̵ Titus ni ɓejee ɗak kas, amma ashak ki̶ ɗi gyet wu c`in caa putughup fi̶ri, har wuri sat mmun nee, wu kyaghar mpee naa wan, ki̶ wuu naajeel fi̶na, ki̶ ne, wun mɓwoon fi̶na zak. Po ɗiisi ni mo si̶ghi̶t le retnyit nwan ɗes hakyeng. 8Koo ɗi gyet wan wat putughup nwun shi wasika ɗi wan ran nwun si, ɓe ba gyet ni daampee nwan, mpeeɗi wan ran wasika ni nwun kas. Gyet yam ɓe ni wat putughup nwan, mpeeɗi gyet wan naa nee, wasika nin wat putughup fuu mo zam. Koo ɗi gyet ni wat putughup nwan a mpee rep pee lee ɗak. 9Amma yaksi wan kat retnyit. Ba ne mpeeɗi wasika ni le putughup fuu mo wat kas, amma a mpeku wu tuwap ɗi, mpee mbii ɗi mo le ku putughup fuu mo wat. Daa Naan wurii riɓet a kiyeet kì̵ wat kì̵ putughup mi̶ni, mpeeɗi nin nle ku wu tuwap. Mpeemi̶ni ɓe ba mu c`in a mee mbii ɗiibish nwun kas. 10Mpeeɗi kiyeet kì̵ putughup ɗiiwuwat ɗi a Naan le, nii j`i ki̶ tuwap, ki̶ nii j`i ki̶ kat ɓam zak. Ba nii le ku gurum mak sat nee, "katɗang ɗin man oo!" kas. Amma putughup ɗiiwuwat mu yil ɗiisi, mi̶nii ki̶ j`i aa muut. 11Wu naa, mbii ɗi Naan wuri kì̵ c`in ki̶ putughup ɗiiwuwat ni, ni le ku wu ɗak mi̶se fuu mo azeen-nzeen. Ki̶ ni le ku wuu riɓet kám agaak nee, ba gyet wu man mee mbii ɗiibish kas, har ni kì̵ le ku wu kat canciin. Nii le ku wu kat ɓal, ki̶ nii le ku wu kat gung ndi̶ghi̶n kar fuu zak. Mɓut mbii ɗiisi mo, ɓe koo a ndi̶ghi̶n ar ɗiiɗang ye, ɓe nii kám azeen-nzeen nee, wuu mwaan a ndi̶ghi̶n ɗiiret. 12Koo ɗi gyet wan ki̶ ran wasika nwun, ɓe ba ni a mpee mee ngo ɗi wuri kì̵ c`in shikbish kas. Ki̶ ba ni a nkaa mee ngo ɗi mo c`in ɗiibish nwuri kas. Amma wan ran wasika ni, a mpeku ni kám ɗi nwun agaak ntoghom kì̵ Naan, wal fuu mpee mun. 13A mpee mbii ɗiisi mo, ɗangɓe gyet putughup funu mo kat ɓal. Ba gyet ni ɓal a kwak funu mo ɓejee ɗak kas, amma mu kat retnyit ɗiki̶ ɗes, mpee retnyit kì̵ Titus, mpeeɗi gyet wun jir wuu kaat wuri shi retnyit. 14Gyet wan ki̶n ten canjagham fuu nwuri, ɓe ba gyet mee naashoop yaa wan mpeemi̶ni kas. Mbii ɗi mu sat mo nwun si, mo azeen-nzeen. Canjagham funu ɗi mu sat nTitus nkaa wun, ni azeen aasi zak. 15Wuri le putughup fi̶ri nkaa wun jir met ɗiiyam hakyeng. Kaaɗi gyet wuri pan nee, wun jir, wun a nyem ɗi wu lappo ɗi wuri sat mo nwun. Ki̶ wun kì̵ kaat wuri shi retnyit, ki̶ gyet wu c`in mbii ɗiiret wuri zak. 16Wan kat retnyit mpeeɗi wan ki̶k nkaa wun riret hakyeng.

will be added

X\