2 Koronti 6

1Kaaɗi mun muu c`in ɗak ashak ki̶ Naan zak, ɓe mu ɗang pe wun, mpeku taji wu lap ɗiiret kì̵ Naan wu le ni a mbii ɗiibuu kas. 2Wu ki̶ling mbii ɗi Naan wurii kì̵ sat nee: "Kaaɗi pee mu c`in ɗiiret ni wul, ɓe wan nc`in ɗiiret nwugha. Kaaɗi puus ɓam ni j`i wul, ɓe wan mɓam wugha zak." Azeen-nzeen wan sat nwun nee, cicinsi ni a pee mu lap ɗiiret mu Naan! Ki̶ zak, cicinsi ni a puus mu kat ɓam pe Naan ɗi. 3Ba mu le mee mbii canshii mmee gurum kas, mpeku taji mo ɓees ɗak funu ni kas. 4Amma koo a ndi̶ghi̶n ar ɗiiɗang ye, ɓe muu kám ngurum mo azeen-nzeen nee. Mun a ki̶rom mu Naan mo, ki̶ muu kám nee, mun a ki̶rom kì̵ Naan mo shi gung ki̶ shwaajeel ɗes, ki̶ mwaan ndi̶ghi̶n mbii lejeel mo. 5Muu shwaanas, ki̶ mo naa mɓwaghat mun, ki̶ muu tong mɓut nyemyaghal ki̶ ɓi̶lep mo, ki̶ ɗak mo ɗes, ki̶ tong shi gongpee, ki̶ tong ki̶ neen, ki̶ ciin saam zak. 6Muu kám zeen funu shi mi̶se ɗiiret ki̶ man, ki̶ gung shi mi̶se ɗii mu naajeel ndi̶ghi̶n Riin Ɗiiɓang, ki̶ shi wal ɗiiɗes zak, 7ki̶ shi po ɗi mo azeen-nzeen, ki̶ shiɓal kì̵ Naan. Mun ki̶ zeen ni, kaa leelek ɗin ndi̶re mo si, nsarse ki̶ nsarkul funu mo. 8Gurum mo le mun a ɗiiɗes, amma pak moo waa lejeel mmun zak. Pak gurum moo kwoop mun, amma pak moo waa ɓees mun zak. Moo le mun a kaa nyemɗung mo si, amma mun a nyemsat zeen mo. 9Gurum mo le mun a kaa ba mo man mun kas si, amma mun a ɗii mi̶man pe mmo. Mu ɗee kaa muu mumurap si, amma mun ɗiki̶ seen. Mo ni̶ram mun, jir ki̶si, ɓe ba mo twa mun kas. 10Mu ɗee kaa mun aa putughup ɗiiwuwat si, amma ɓe mun a mɓut nretnyit shidaar-shidaar. Mu ɗee kaa nyemjeel mo si, amma jir ki̶si, ɓe muu le ku gurum mo ɗes mo kat long. Mu ɗee kaa ba mun ki̶ mee mbii kas si, amma jir ki̶si, ɓe koo mbii ɗiiɗang ye ɓe ni a munu. 11Wun nyem Koronti mo, wu man nee, ba mu sok mee mbii nwun kas. Gyet muu satpo nwun agaak mbii ɗi mo ndi̶ghi̶n putughup funu jir. 12Ba gyet mu nook sat nwun mbii ɗi mo ndi̶ghi̶n putughup funu kas. Gyet a wun wu nook sat mmun mbii ɗi mo ndi̶ghi̶n putughup fuu mo. 13Wan ɗang pu wun kaa jep fi̶na mo si, mpeku wu woo mbii ɗi mo ndi̶ghi̶n putughup fuu mo mmun. 14Taji wu ɓàlsuk ashak ki̶ nyem ɗi ba mo cínzeen nNaan kas. Mpeeɗi a me ɓàl ɗak ɗiiret ki̶ ɗak ɗiibish ye? Ki̶ a me ɓàl peeɓang ki̶ peenkoo ye? 15Ba mee shaar ashak ɗi nnaar kì̵ Kristi ki̶ Shetan kas. A me ɓàl ngucínzeen, ki̶ ngo ɗi ba wuri cínzeen kas ye? 16A me ɓàl Lu kì̵ Naan ɗiiɗes ki̶ lu k`um ye? Putughup funu mo a peeɗi Naan wurii tong ɗi, kaaɗi wuri kì̵ ten sat si nee: "Wan ntong ashak ki̶ mo, ki̶ wan mmwaan nnaar furu zak. Wan nɗee a Naan furu, ki̶ mon nɗee a nyem fi̶na mo zak. 17Mpeemi̶ni ɓe wu pwat aku, mɓut nyem ɗi ba mo cínzeen kas, ki̶ wu ɓàkshak ki̶ mo zak, Daa Naan wuri sat aasi. Taji wu tung mee mbii ɗi ni a ɗiirap kas, ɗangɓe wan nlap wun. 18Wan nɗee a puun fuu, ki̶ wun nɗee a jep fi̶na ɗiimish mo, ki̶ ɗiimat mo. A Daa ɗiiɓal met jir, wuri satpo mi̶ni."

will be added

X\