2 Koronti 11

1Wan canciin nee, wun gung ki̶ wan mpee rep mwen fi̶na si. Kussuk wu gung ki̶ wan! 2Wan ki̶n c`in zughur nkaa wun mpee Naan. Wun a kaa reep ɗi ba wura ki̶ man mish kas. Wan ki̶n tuwoorpo mpee cín wun nɗik, kaa matpoo si pe mish fi̶ra ɗi, a Kristi wuri a mish fuu ni. 3Amma wan ki̶n ki̶i̶r, taji ni yaghal ɗee a kaa gyet nw`oo num Iif shi seen fi̶ri ɗii mu ɗung si kas. Taji mo yaghal num wun, ki̶ mo mer ki̶ pan fuu mo nkaa wal ɗiiret, ɗi wun ki̶ ni mpee Kristi kas. 4A me le ɗang katɗang mee gurum j`i satpo nkaa mee Jesu ɗi ɗik ki̶ po ɗi mun mu sat ni nwun ɓe wuu ki̶ling po mi̶ni ye? Wu pan nee riin mi̶ni ɗik ki̶ Riin kì̵ Naan ɗi wuu kat ni me? Ki̶ wu pan nee, mee po kì̵ Naan ni ɗi ɗik waa met po Naan ɗi wuu lap ni me? 5Wan man azeen nee, ba wan a ɗiikat met jir ndi̶ghi̶n jeplop ni mo kas. 6Meeɓe, ba wan man satpo riret kas, amma ɓe wan man satpo ɗiiret ni. Muu kám man ni nwun agaak koo a pi̶rang ye mɓut mbii mo jir. 7Ashee, gyet wan c`in a mbii ɗiibish, mpeeɗi gyet wan sham ki̶ káa fi̶na, mpeku Naan wuri ɗiyeep wun ɗi kaaɗi wan satpo kì̵ Naan ni nwun shi zughum si wa? 8Wan lap ɓam pu pak Eki̶lisya mo, mpeku wan c`in ɗak ɗi nnaar fuu. Wan mak sat nee, gyet wan hi̶r a long furu mo, mpeku wan ɓam wun ɗi. 9Kaaɗi gyet wan ɗi ashak ki̶ wun, ɓe ba gyet wan ki̶ mee mbii kas, ki̶ zak, ba gyet wan lejeel mmee gurum kas. Mpeeɗi ɗyemni̶ghi̶n funu ɗi mo tong mMasidoniya j`i ɗi, a mo j`i cín wan mbii ɗi wan ki̶n riɓet mo. A mpeemi̶ni, ɗangɓe koo a ndi̶ghi̶n ar ɗiiɗang ye, ɓe ba wan le mee jeel wun kas. Kaaɗi ba gyet wan lejeel wun kas si. 10Mpeeɗi wan man nee, po ɗi wan ki̶n sat ni a po mu Kristi azeen, ɓe ba mee ngo mak cíi canjagham nwan ndi̶ghi̶n yil Akaya kas. 11A me le ɗang wan sat ki̶si ye? A mpeeɗi ba wan wal nwun kas aa? Naan wuri man nee, wan wal nwun zam. 12Ɗak ɗi wan nkaa c`in ni, ɓe wan sat a nc`in a ni, mpeku wan shaghatpo mu canjagham ɗi jeplop ɗi moo sat ne, ɗak furu ni a ntiit ki̶ munu. 13Kiyeet ki̶ nyem mi̶ni mo a jeplop mu ɗung mo. Moo c`in a ɗak ɗii mu numpee mo. Moo lekáa furu kaa mo a jeplop mu Kristi mo si, amma ba mo a jeplop Kristi kas. 14Ba ni ɗee a mbii aapo kas, mpeeɗi koo a Shetan shikáa fi̶ri, ɓe wurii leshin kaa wuri a ngulop mu peeɓang si. 15Mpeemi̶ni ɓe ba ni ɗee a mbii aapo kas, katɗang ɓe ki̶rom mu Shetan mo lesut furu, kaa mo a nyem c`in ɗak ɗiiret mo si zak. A peekyes ki̶ ni, ɓe mon nlap kwat furu mo ntiit ki̶ ɗak furu mo zak. 16Wan ki̶n baa sat ɗi zak nee, taji mee gurum pan ne, wan a mwen kas. Amma katɗang wu pan ne, wan a mwen, ɓe wu lap wan ɗiisi kaa mwen ni si, mpeku wan kat pee can rep jagham ɗi diɓen. 17Po ɗi wan sat si, ɓe ba wan sat a mee po ɗi Daa wuri lop wan kas, amma wan ki̶n satpo ni a kaa mwen si, wan ki̶n satpo mi̶ni a kyap. 18Kaaɗi gurum mo ɗes moo can a jagham ɗii mu yil ɗiisi ɓejee ɗak si, ɓe wan canjagham ni aasi zak. 19Wun nyem ɗi wu seen ɓe wuu gung ki̶ nyemmwen mo shi retnyit. 20Mpeeɗi katɗang, ɓe mee gurum le wun kaa ki̶rom mo si, koo wuri hi̶hi̶r wun, koo wuri se li̶ɓet nkaa wun, ki̶ koo wuri kám a ɓal mu tughur nwun, ki̶ koo wuri ni̶nas wun, jir ki̶si ɓe wuu gung ki̶ ngo mi̶ni. 21Ni shoop wan mpee lap ii, ne gyet mun ki̶ ɓal mpee c`in mbii ɗiisi mo kas, amma katɗang mee gurum ki̶ canjagham nkaa mee mbii, ɓe wan ki̶n satpo ni a kaa mwen si. Wan ncanjagham aasi zak. 22Katɗang ɓe, mo a nyem Hiburu mo, ɓe wan a ngu Hiburu zak. Katɗang ɓe, mo a nyem Yahudi mo, ɓe wan a ngu Yahudi zak. Katɗang ɓe mo a dang ki̶ Abraham, ɓe wan a dang ki̶ Abraham zak. 23Katɗang ɓe mo a ki̶rom mu Kristi mo, ɓe wan a ki̶rom mu Kristi zak. Wan katpo ni a kaa ngutar si! Mpeeɗi wan c`in ɗak ɗi ni ɗes met mumo ni. Mo ki̶ ɓwaghat wan le lushaghat, ki̶ wan shwaanas met mo sat zak. Wan ki̶n shwaajeel mo shini-shini har kus ki̶ muut zak. 24Gyet yit paat, ɓe nyem Yahudi mo fwo ngwam nwan laarkun baapofeer. 25Nyemnan-nan mu Rom mo si̶ram wan shi kám yitkun. Nyem Yahudi mo car wan shi ndi̶ng yit mi̶ndong, mpeku mo tu wan ɗi. Yitkun ɓe jirgi am, ni taa pyan ki̶ mun. Wan ki̶n kyam teer ki̶ wet nkaa am bahar. 26Shidaar-shidaar ɓe wan a ar mwaan mo ɗes, ki̶ wan ki̶n naa muut shi yit fi̶na mɓut ndung mo. Wan ki̶n naa muut nsar kì̵ nyemwat mo, ki̶ wan naa muut nsar kì̵ dang funu mo zak. Wan ki̶ naa muut nsar kì̵ nyemk`um mo. Wan ki̶n naa muut ndi̶ghi̶n birni mo, ki̶ zak, wan ki̶n naa muut a naar yil mo. Wan ki̶ naa muut nkaa am bahar mo. Wan ki̶n naa muut nsar kì̵ ɗyemni̶ghi̶n ɗii mu ɗung mo. 27Wan ki̶n shwaaɗak mo, ki̶ wan ki̶n shwaajeel mo, ki̶n nnaa nteer mmeen, ki̶ wan ki̶ shwaaneen zak, ki̶ neen am tu wan zak. Yit mo ɗes ba wan kat mee mbiise kas. Wan ki̶n shwaakut, mpee ciin mbiisup, 28ki̶ pak mbii mo ɗes ɗiki̶ zak. Mbii ɗi mo daampee nwan, koo puus ɗiiɗang ye, ni a mpeeɗi wan ki̶n tap ki̶ Eki̶lisya mo jir si zak. 29Katɗang ba mee ngo kat ɓal kas, ɓe ni le ku ba wan kat ɓal kas zak. Katɗang mee ngo taa pal ndi̶ghi̶n shikbish, ɓe ni shwal nwan zam. 30Katɗang ɓe ni a ting ku wan canjagham, ɓe wan canjagham ni a nkaa mbii ɗi nin nkám agaak ne ba wan ki̶ ɓal kas, 31Naan puun kì̵ Daa Jesu ɗi sum fi̶ri ni kat ɗiiret har ngaa-ngaa. Wuri man azeen-nzeen nee, ba wan ki̶n sat a ɗung kas. 32Ndi̶ghi̶n yil nDamaskus, ɓe gofna ɗi wurin nder kì̵ mishkagham Aretas wuri shaghatpo fwang ɗin nDamaskus mo, mpeku mo yaa wan ɗi. 33Mo le wan sham ndi̶ghi̶n kacik ɗiiɗes mmee fung mu fwang mu birni ni, har wan put kagham nsar fi̶ri.

will be added

X\