2 Koronti 10

1Wan Pool shikáa fi̶na, wan ɗang pu wun, mpee mi̶se mu puɗok ki̶ ɗiiret mu Kristi. Wan ɗi moo sat ne, wan a nguɗokpo titik, katɗang wan ashak ki̶ wun, amma ne wan ki̶n sat mbii mo nwun agaak, katɗang ba wan ashak ki̶ wun kas. 2Wan ɗang pu wun, mpeku taji wu leting nwan satpo nwun shiɓal kas, katɗang wan j`i pe wun ɗi. Mpeeɗi wan man azeen nee, wan mak satpo shiɓal nyem ɗi moo sat ne, mbii ɗi muu c`in si ɓe ni a ɗak mu yil ɗiisi. 3Koo ɗi muu tong a ndi̶ghi̶n yil ni, ɓe mbii ɗi mun nkaa c`in lek mpee ni, ba ni a mu yil ɗiisi kas. 4Leelek ɗi muu c`in lek ɗishik, ba ni a mu yil ɗiisi kas. Amma leelek funu ni a iiko mu Naan, ɗi nin mmak shirip fwang ɗiiɓal mo. 5Muu shirip po ki̶ nyem ɗi moo j`i ki̶ mbii langkáa nkaa man kì̵ Naan, ki̶ zak, muu shirip koo a fwang mu roghop ɗiiɗang ye ɗi nii daam man Naan ngurum mo. Ki̶ muu le ku koo a pan kì̵ weye, ɓe ni c`in ɗyen kì̵ Kristi ɗi zak. 6Aɓwoon ɗi wun nkám agaak azeen-nzeen nee, wuu ki̶lingpo funu, ɓe mun ɗak sun funu riret mpee kar nyemcíi ki̶lingpee mo. 7A me le ɗang wuu leyit fuu mo nkaa mbii ɗi mo a ɓwoon ye? Katɗang mee gurum ki̶ leshin ne, wuɗi a mu Kristi, ɓe ni ret ku wuri pan riret, ki̶ wuri man ne mun a mu Kristi zak. 8Mpeeɗi koo ɗi wan canjagham ɗes shi iiko ɗi Daa wuri cín mmun, ɓe ni a mpeku mu ɗak wun ɗi, ba a mpeku mu shirip wun ɗi kas. Ba mee naashoop yaa wan kas. 9Taji wu pan nee, wan ki̶n gung a mpeku wan leki̶i̶rmuut ɗi nwun shi wasika fi̶na ni mo kas. 10Mpeeɗi pak gurum moo sat nee, mbii ɗi wurii ran ndi̶ghi̶n wasika fi̶ri ni mo toghon, ki̶ mo ɓal zam, amma katɗang gurum naa wurin nyit, ɓe ba shin fi̶ri ni ki̶ mee ɓal kas. Po ɗi wurii sat ni, ɓe ba nii koghop ni kas. 11Ni ret ku nyemsatpo mi̶ni mo man nee, mbii ɗi muu sat ndi̶ghi̶n wasika, ɓe ba ni ɗik ki̶ mbii ɗi muu sat nwun nyit ki̶ yit kas, katɗang mu kaat ashak ki̶ wun. 12Ba mu mak lekáa funu, koo mu kámkáa funu mo ntiit ki̶ nyem ɗi moo canjagham a shi sut furu mo kas. Mpeeɗi moo kám sut furu mo ki̶ shak, ki̶ moo kyamsut furu ki̶ shak zak. Nyem mi̶ni mo a mwen mo. 13Ba mun ncanjagham ɗel peeɗi ni ret ku mu ɗar ɗi kas. Amma mu ɗar a nkaa pee ɗak ɗi Naan wuri ki̶ can ni mmun, ɗiisi ni ɓàl ki̶ ɗak funu ndi̶ghi̶n wun. 14Wun a ndi̶ghi̶n pee ɗak ɗi Naan wuri ki̶ can mun, aasi ɓe ba jí mu canjagham mpee ɗak funu ɗik kas, kaaɗi gyet mu so ki̶ po mu Kristi ni nwun si. 15Ba canjagham funu ni ɗel met mbii ɗi ni ret kas, ki̶ ba ni tuwaas ɗak ki̶ mee gurum mo kas. Amma mu canciin nee, a cínzeen fuu ni ɓul hakyeng, ɓe ɗak funu ndi̶ghi̶n wun, nin mɓul ɗes hakyeng zak. 16Mpeku mu katpee satpo kì̵ Naan ɗi ndi̶ghi̶n yil ɗi mo a kiyeen fuu. Ba mu canjagham a shi peeɗi mee gurum ki̶ kyam c`in ɗak ɗi kas. 17Amma kaaɗi mo kì̵ ran ndi̶ghi̶n takarda kì̵ Naan si nee, "Jir ngo ɗi wuri canjagham, ɓe ni ret ku wuri canjagham ni a shi mbii ɗi Daa wuri ki̶ c`in." 18Mpeeɗi ba Naan wuri riɓet ngo ɗi wurii kwoop a shin kas, amma see a ngo ɗi Daa wurii kwoop ɓejee.

will be added

X\