1 Timoti 4

1Riin wurii sat agaak nee, ndi̶ghi̶n teer ɗi mu kyes ni mo, ɓe pak gurum mon nyit cínzeen furu ni, mpeku mo so ɗi ndang riin ɗii mu ɗung mo, ki̶ kám mu riin ɗiibish mo. 2Kiyeet kì̵ mi̶ni mon nswa so a pe nyemɗung mu numpee mo, nyem ɗi pan furu mo ɗee a ɗiimumuut, pan furu ni mo ɗee kaa mo caan mo a shi shaghal ɗiinaat mɓut wus si. 3Nyem mi̶ni mo, a ɗi moo sat nee, taji gurum mo c`in ɗik, koo mo se pak mbiise mo kas. Amma Naan wuri le mbiise mo, a mpeku gurum mo se ɗi, shi pi̶lang, mpee nyem ɗi mo cínzeen, ki̶ nyem ɗi mo man zeen ni. 4Mbii ɗi Naan wuri le mo jir, ɓe mo a ɗiiret, taji mu kwar mee mbii kas, amma mu lap mbii mo jir a shi aduwa mu pi̶lang. 5Mpeeɗi shi po kì̵ Naan ki̶ aduwa, ɓe ni le ku mbii mo ɗee a ɗiili̶lap nyit kì̵ Naan. 6Katɗang wugha c`in kám ɗiisi mo jir nɗyemni̶ghi̶n funu ni mo, ɓe wugha nɗee a ki̶rom ɗiiret mu Kristi Jesu, kaaɗi wugha kì̵ se ki̶ sak ndi̶ghi̶n riin nkaa po ɗii mu zeen, ki̶ kám ɗii mu zeen, ɗi wugha aa mwaan a ndi̶ghi̶n ni. 7Taji a ɓàlkáa fugha ki̶ mbii ɗi ba mo a mu Naan kas, koo po tongɗirem mo. Amma a ɗak sak, a mpee c`in mbii ɗi mo a mu Naan mo. 8Kar sak fugha, ni ki̶ koghop ni, amma kar sak fugha ndi̶ghi̶n mbii ɗi mo a mu Naan, mo ki̶ koghop ni ndi̶ghi̶n ar mo jir, mpeeɗi mo c`in ɓam mmun ndi̶ghi̶n seen ɗiiyaksi, ki̶ seen ɗi ni nɗung j`i. 9Po ɗiisi ni azeen-nzeen, ni ret ku gurum mo lap ni, ki̶ mo cínzeen ni hakyeng. 10Muu gung nkaa c`in ɗak mo shiɓal, a mpeeɗi muu leyit funu a nkaa Naan ɗi wurin mmeen, ɗi wuri a nguɓam kì̵ gurum mo jir, met jir ni a nyem ɗi mo kì̵ cínzeen nwuri. 11A kam-kam ɗiisi ni mmo jir. 12Taji a le ku mee gurum ɓák wugha, ne mpeeɗi wugha a làa ɗiilee kas. Amma a ɗee a mbiikám ngurum mo jir ndi̶ghi̶n shiimwaan fugha, ki̶ ndi̶ghi̶n mbii ɗi wugha aa sat mo jir, ki̶ ndi̶ghi̶n wal, ki̶ ndi̶ghi̶n cínzeen ki̶ ndi̶ghi̶n tong ɗiiɓang. 13Kat ba wan ki̶n j`i, ɓe wugha cínpee mpee tangpo kì̵ Naan ni ngurum mo zak. 14Taji wugha ɓees zughum ɗi gyet Naan wuri cín ni nwugha shi po kì̵ nyemsatpo fi̶ri mo kas, kaaɗi gyet nyemnan mo lesar furu mo nkaa wugha si. 15A gung ku a c`in mbii ɗiisi mo jir. A c`in mo shi putughup mi̶ndong, mpeku gurum mo jir mo naa sekiyeen fugha ni ɗi. 16A tap ki̶ káa fugha, ki̶ kám ɗi aa cín ni zak. A yaa mi̶ni ɓal-ɓal, mpeeɗi katɗang a yaa mi̶ni ɓal-ɓal, ɓe wughan mɓam káa fugha, ki̶ nyem ɗi mo ki̶ling kám fugha zak.

will be added

X\