1 Timoti 1

1Pool, laalop kì̵ Kristi Jesu, ntiit kì̵ po ɗi Naan Nguɓam funu wuri sat, ki̶ pe Jesu Kristi, ɗi muu leyit nkaa wuri. 2So pe Timoti ɗi, làa fi̶na ɗii azeen-nzeen ndi̶ghi̶n cínzeen ni. Naan puun kì̵ Daa funu Jesu Kristi, mo naa wugha shi yit mu naajeel, mo le ɗiiret nkaa wugha, ki̶ tongriyang zak. 3Wan ki̶n riɓet ku wugha tong Afisus, kaaɗi jí wan sat si, ɓe wan a ar so mMasidoniya si, mpeku a sat ɗi nyemkám mu ɗung si mo, ku mo nook c`in kám ɗiiɗik, ɗi ndi̶ghi̶n yil Afisus. 4A sat mmo nook katpo nkaa tongɗirem mo. Po ɗiibuu mi̶ni mo, ki̶ zak mo nook sat sum mu puun kì̵ puunkaam kì̵ mo, ɗi mo kì̵ ten murap mo. Kiyeet kì̵ mbii mo kaa ɗiisi mo si, moo le a ɓeetshik ngurum mo ɓejee, ba mbii mi̶ni mo ki̶ mee koghop ni ndi̶ghi̶n ar kì̵ Naan kas, mpeeɗi muu man pan kì̵ Naan ni a ndi̶ghi̶n cínzeen ɓejee. 5Mbii ɗi ni le ɗang mu satpo ɗiisi, ni a pe wal ɗi ni put a ndi̶ghi̶n putughup ɗiiɓang azeen-nzeen ki̶ pan ɗiiret ki̶ cínzeen. 6Pak gurum mo taa mer a ar ɗi azeen-nzeen ni, ku mo ɗee mwaan li̶ɓetpo ɗiibuu mo. 7Nyem ɗiisi ni mo, mo riɓet ɗee a nyemkám Waar mo, amma ba mo man mbii ɗi moo sat ni kas, koo mbii ɗi mo fes canciin nkaa ni kas. 8Yaksi, mu man nee, Waar ni ret, katɗang gurum c`in ɗak ki̶ni a ndi̶ghi̶n ar ɗiiret, kaaɗi Waar ni sat si. 9Taji a mander nee, ba mo lewaar ni a mpee nyemɗiiret mo kas, amma ni a mpee nyem ɗi moo tep Waar ni mo, ki̶ nyem cíi ki̶lingpee mo, ki̶ nyem ɗi ba mo man Naan kas. Ki̶ mpee nyemshikbish mo, ki̶ mpee nyemɗiirap mo, ki̶ mpee nyem ɗi ba moo seyil nNaan kas. Ni a mpee nyem ɗi moo twa puun ki̶ ni̶ghi̶n furu mo. Ni a mpee nyemtukáa mo. 10Waar ni a mpee nyem c`in ngaa mo, ki̶ mpee nyemteer ki̶ mish mo, nyemwatlàa mo, nyem c`in ɗung mo, ki̶ mpee nyem ɗi moo c`in mee mbii ɗik ki̶ kám ɗi ni azeen-nzeen ni. 11Kám ɗi azeen-nzeen ni a ndi̶ghi̶n po ɗiiret, ɗi Naan wuri lesar fi̶na, mpeku wan sat ni ɗi ngurum mo. Po ɗiiret ɗi ni put a pe Naan ɗiiɗes ɗi. 12Wan pi̶lang Daa funu Jesu Kristi, ɗi wuri cínɓal nwan mpee c`in ɗak ɗiisi ni. Wan pi̶lang wuri zak, mpeeɗi wuri naa wan ki̶ koghop ni, har wuri bi̶lip wan, mpeku wan c`in ɗak fi̶ri ɗi. 13Koo ɗi gyet yam ɓe wan ki̶n satpo ɗiibuu, ki̶ fulup wuri, ki̶ cínjeel nwuri. Amma Naan wuri naajeel fi̶na, mpeeɗi mbii ɗi gyet wan ki̶n c`in mo, ɓe gyet wan c`in mo a ɗin mman, ki̶ ndi̶ghi̶n ciin cínzeen. 14Daa funu wuri ɗoo ɗiiret fi̶ri nkaa wan ɗes hakyeng, har wuri wal nwan, ki̶ cínzeen, ɗi mun ki̶ ni ashak ndi̶ghi̶n Kristi Jesu. 15Po ɗiisi ni azeen-nzeen, ɗi ni ret ku gurum mo lap ni, ki̶ mo cínzeen nee, Jesu Kristi wuri sham ndi̶ghi̶n yil ɗiisi, mpeku wuri ɓam nyemshikbish mo ɗi. A wan a ɗin nshee mu nyemshikbish ni mo. 16Amma, jir ki̶si, ɓe Naan wuri c`in ɗiiret nwan, mpeku ndi̶ghi̶n wan, kaa ngo ɗin nshee mu nyemshikbish mo si, ɓe Jesu Kristi wuri kám agaak gung fi̶ri ɗin ndi̶re. Ɗii ni ɗee a mbiikám pee nyem ɗi mon nyaghal cínzeen nwuri, mpeku mo kat seen ɗiiso ngaa-ngaa ɗi. 17Pee mishkagham ɗiiso ngaa-ngaa, ɗi ba wurin nkyam muut kas, ɗi ba mee gurum kyam naa wuri kas, Naan ɗi wuri mmi̶shin a ɗiiɗes, ɗi har ngaa-ngaa. Amin. 18Làa fi̶na Timoti, wan lewaar ɗiisi ni a nsar fugha, ɗi ni ntiit-ntiit kì̵ po ɗi nyemsatpo kì̵ Naan mo kì̵ ten sat yam, ɗi gyet wan ki̶n ten nkám nwugha. Wugha c`in lek ɗiiret ni shiɓal, ki̶ po ɗiisi ni mo. 19A yaa cínzeen ni ɓal-ɓal ki̶ pan ɗiiret. Pak gurum mo kwar ki̶ling ɗoo ni mɓut pan furu mo, ni le ku cínzeen furu ni muut. 20Kiyeet kì̵ nyem mi̶ni mo a Himenayus, ki̶ Alekzanda, das ɗiisi ni mo, wan ki̶n cín mo nsar kì̵ Shetan, mpeku mo kám nook katpo ɗiibuu ɗi nkaa Naan.

will be added

X\