1 Tasoloni 4

1Ɗyemnaa mo peekyes ni, muu ɗang pu wun ndi̶ghi̶n sum kì̵ Daa Jesu. Wu kám shi mun, kiyeet ki̶ mwaan ɗi mun muu c`in, mpeku ni gam ɗyen kì̵ Naan ɗi. Azeen, wuu ten wu yaa kiyeet kì̵ mwaan mi̶ni, see wu sekiyeen ndi̶ghi̶n mwaan mi̶ni ɗiki̶-ɗiki̶. 2Wu man kám ɗi gyet mu c`in nwun ndi̶ghi̶n ɓal kì̵ Daa Jesu Kristi. 3Naan wuri riɓet ku wu ɗee a ɗiiɓang. Taji wu ɗel ndi̶ghi̶n shikbish ɗi ni a mu ngaa kas. 4Koo weye ndi̶ghi̶n wun, ɓe ni ret ku wuri man kaaɗi wurin nlap mat fi̶ri ndi̶ghi̶n ar ɗiiɓang, ɗi ni ret. 5Ba a shi kyaghar mu nan kas, kaaɗi nyemk`um ɗi ba mo man Naan kas, moo c`in si. 6Taji mee ngo c`in shikbish nkaa ɗyemni̶ghi̶n fi̶ri ndi̶ghi̶n mbii kaa po ɗik si kas, mpeeɗi Daa wurii kwar nyem ɗi moo c`in kiyeet ki̶ mbii mi̶ni mo jir. Muu ten mu satpo nwun shiɓal nkaa ni. 7Ba Naan wuri pet mun a mpeku mu ɗee ɗi a ndi̶ghi̶n shikbish kas, amma ku mu ɗee ɗi a ɗiiɓang. 8Mpeemi̶ni kat mee gurum kwar kám ɗiisi mo, ɓe ba gwar mi̶ni kwar a gurum kas, amma wuri kwar a Naan, ɗi wurii c`in Riin fi̶ri Ɗiiɓang nwun. 9Ba nii mee koghop ni ku wan ran mee mbii nwun, nkaa wal nɗyemni̶ghi̶n fuu mo kas, mpeeɗi Daa Naan shikáa fi̶ri, wuri kì̵ ten kám nwun kaaɗi wun nwal ɗin nshak zak. 10Azeen, wu wal nyemso ndang Jesu Kristi ɗi mo ndi̶ghi̶n Masidoniya jir, amma muu ɗang pu wun ɗyemnaa mo, mpeku wu sekiyeen ɗi ki̶ wal ɗiki̶-ɗiki̶, mpee mo jir. 11Wu gung ku wu mwaan ɗi shi mi̶se mu puɗok, mpeku wu naa mbii kì̵ Naan mo ɗiki̶ zak. Mpeku wu c`in ɗak ɗi shi sar fuu mo, kaaɗi gyet mu sat nwun si. 12Katɗang wu c`in mbii ɗi mu sat nwun si mo, ɓe nyem ɗi ba mo cínzeen nDaa Jesu kas, mon ncín ɗiiɗes nwun, ki̶ ba wun ntaa wu kat mɓut mmee mbii kas. 13Ɗyemnaa mo, mu riɓet ku wu man mee mbii hakyeng, nkaa nyem ɗi mo kì̵ ten murap mo, mpeku taji putughup fuu mo wat, kaa nyem ɗi ba mo cínzeen nyaghal a peemúut ni si kas. 14Mun mu cínzeen nee, Jesu wuri kì̵ muut, ki̶ wuri kì̵ baa yaghal a peemúut. Mpeemi̶ni, ɓe mu man nee, katɗang Jesu wurin mbaaj`i, ɓe Naan wurin nle ku nyem ɗi mo ki̶ murap ndi̶ghi̶n Jesu, ɓe mon nj`i ashak kì̵ Jesu. 15Po ɗi muu sat nwun si, ni put a pe Daa ɗi shikáa fi̶ri. Katɗang Daa Jesu wurin mbaaj`i ndi̶ghi̶n yil ɗiisi, ɓe mun nyem ɗi mu kuɗi mmeen, ba a mun ntaa ti̶leng, nyem ɗi mo kì̵ ten murap mo kas. 16Parpuus mmi̶ni, ɓe Daa wurin nɗiyeep ɗoo shiɓal, ki̶ ngulop kì̵ Naan ɗiiɗes, wurin ntaa feer. Ɗangɓe Daa Jesu wurin nyaghal yit ɗengnaan ku wuri sham ɗi ndi̶ghi̶n yil ɗiisi. Nyem ɗi mo kì̵ ten murap ndi̶ghi̶n Kristi, a mon nshee yaghal a peemúut ni. 17Mun nyem ɗi mu kuɗii mmeen ndi̶ghi̶n yil ɗiisi, ɓe Naan wurin nlap mun kàa ki̶ mun ndi̶ghi̶n nluu, mpeku mu kaat ɗiki̶ Jesu nnaar kì̵ ɗengnaan. Yaghal mmi̶ni ɓe mun ntong ashak kì̵ Daa har ngaa-ngaa. 18Mpeemi̶ni, ɓe wu caa putughup nshak shi po ɗiisi mo.

will be added

X\