1 Tasoloni 1

1Wasika ɗiisi ni put a nsar kì̵ Pool ki̶ Silas ki̶ Timoti so pe nyemso ndang Naan ɗi mo ndi̶ghi̶n yil nTasoloni, ɗi ni ndi̶ghi̶n Naan puun kì̵ Daa Jesu Kristi. Naan wuri c`in ɗiiret nwun ki̶ tongriyang zak. 2Koo pi̶rang ye, ɓe muu pi̶lang Naan mpee wun jir, ki̶ zak, muu pan wun jir ndi̶ghi̶n aduwa funu mo shidaar-shidaar. 3Muu pan wun mpee Naan funu, ɗi wuri aɗeng, kaaɗi wu kám cínzeen fuu ni ndi̶ghi̶n mbii ɗi wuu c`in mo. Ki̶ kaaɗi wal fuu nii le ku wu c`in ɗak shiɓal, ki̶ kaaɗi canciin fuu nkaa Jesu Kristi ni ɗar ɓal-ɓal si. 4Ɗyemnaa mo, mu man nee, Naan wuri wal nwun, ki̶ wuri kì̵ ten bi̶lip wun, ku wu ɗee a nyem fi̶ri mo zak. 5Mpeeɗi ba gyet mu satpo ɗiiret ni nwun a shi li̶po funu ɓejee kas, amma a ndi̶ghi̶n ɓal kì̵ Riin Ɗiiɓang. Ki̶ mun mu cínzeen nee, mbii ɗi mu sat ni azeen. Wuu man tong funu, kaaɗi gyet mun ɗi ashak ki̶ wun. Muu c`in mbii mo jir a mpee sum fuu. 6Gyet wun, wuu yaa mwaan ndi̶ghi̶n shiimwaan funu, ki̶ ndi̶ghi̶n shiimwaan kì̵ Daa funu, koo ɗi wuu shwaajeel, amma mpeeɗi wun kì̵ lappo ɗiiret ni shi retnyit ɗi Riin Ɗiiɓang cín nwun. 7Ni aasi ɓe, wu ɗee a mbiikám nkaghar nyemcínzeen nJesu Kristi ɗi mo ndi̶ghi̶n nyil mMasidoniya kì̵ Akaya. 8A mpee wun ɗangɓe nyem ɗi mo kus, ki̶ ɗiijong mo, mo ki̶lingpo kì̵ Daa. Ba a mMasidoniya kì̵ Akaya ɓejee kas, amma cínzeen fuu ndi̶ghi̶n Naan nii so wul koo pee ɗiiɓang ye. Mpeemi̶ni, ba mun ki̶ mee mbii ɗiki̶, mpee sat nwun kas. 9Gurum mo, koo a neye, ɓe moo sat a wun, kaaɗi gyet wu lap mun shi putughup mi̶ndong si, ki̶ kaaɗi gyet wu yit k`um fuu mo, mpeku wu seyil ɗi nNaan ɗi wurin mmeen ki̶ wuri azeen. 10Ki̶ wuu tong shi gongpee mpee baaj`i kì̵ Làa fi̶ri ndi̶ghi̶n ɗengnaan, shii kì̵ mi̶ni a Làa fi̶ri Jesu Kristi ɗi Naan wuri yaghal ki̶ wuri a peemúut, ki̶ wuri ɓam mun ndi̶ghi̶n ɗiyeel kì̵ Naan ɗi nin ndung j`i zak.

will be added

X\