1 Pita 5

1Wan ki̶ mee mbii mpee sat nwun, wun ɗi wun a nyemnan mo ndi̶ghi̶n Eki̶lisya. Wan shikáa fi̶na, wan a ngunan kaa wun si. Gyet yam, ɓe wan ki̶n naa shi yit fi̶na kiyeet kì̵ shwaajeel ɗi gyet Daa Jesu wuri shwaa, amma yaksi, wan ki̶n ɓàlkáa ki̶ wun, mpeku mo naa ɗiiɗes kì̵ Jesu ɗi ni ndi̶ghi̶n mun, ɗi Naan wuri woo ni mmun agaak. A mpeemi̶ni, ɓe wan ki̶n ɗang pu wun nee, 2wu naa nyem kì̵ Naan mo. Nyem ɗi wuri le mo nsar fuu, mpeku wu tap ɗi ki̶ mo. Wu tap ki̶ mo kaaɗi ngukiyeer tum wurii tap ki̶ tum fi̶ri mo si, mpeku taji mee mbii tung mo kas. Taji wu c`in ɗak ni a kaaɗi mee gurum sat ne, ting wu c`in si kas. Amma wu c`in ɗak shi putughup mi̶ndong, kaaɗi gurum ki̶ fes cín káa fi̶ri mpee c`in ɗak si. Wu lekáa fuu mo nkaa c`in ɗak ɗiisi ni. Taji wu ɗee nleyit a nkaa shaghal ɗi gurum mon nkwat wun kas, mpeeɗi ni a mbii naashoop ku gurum ɗee, ntang shaghal ndi̶ghi̶n ɗak kaa ɗiisi si. 3Taji wu ɗee nkám ɓàl fuu nkaa nyem ɗi Naan wuri le mo nsar fuu kas, mpeku wu tap ɗi ki̶ mo. Amma ni ret ku shiimwaan fuu mo ɗee a mbii ɗi ni ret kám ngurum mo. 4Katɗang mwaan fuu ni mo a ɗiiret, ɓe parpuus ɗi Daa Jesu Kristi, ɗi wuri a káa kì̵ nyemkiyeer tum ni mo, wuri j`i put agaak, mpeku gurum mo naa wuri ɗi jir, ɓe wurin ncín mee mbiizughum ɗi nii koghop ni hakyeng nwun nyem ɗi wu ɗar ɓal-ɓal. Mbiizughum ɗiisi ni a ɗiiso ngaa-ngaa ɗi ba nin nkyam wat kas. 5Wun jepzi̶lang mo, wu sham ki̶ káa fuu mo nder ki̶ nyemnan mo. Wun jir, wu cín ɗiiɗes nshak, ki̶ wu tong shi ɗak suk mpee c`in ɗak nshak. Mpeeɗi ni a riran ndi̶ghi̶n takarda kì̵ Naan nee: "Naan wuri kwar nyemroghop mo, amma wurii le ɗiiret nkaa nyem ɗi mo sham ki̶ káa furu mo." 6Ni aasi ɓe wan ki̶n sat nwun nee, wu sham ki̶ káa fuu mo ntoghom kì̵ Naan ɗi wuri ki̶ ɓal, mpeku wuri ɗiyeep wun ɗi, katɗang wuri naapee ni wul wurin nyit. 7Mbii ɗi moo daampee nwun jir, ɓe wu le mo ndi̶ghi̶n sar kì̵ Naan, mpeeɗi a wurii tap ki̶ wun jir. 8Taji wu ɗee ntan kas, amma wu tong shi gongpee, mpeeɗi shaarlek fuu Shetan wurii mwaan mass-mass kaa mbwoor ɗi nii wal kaaɗi ni nkaa tang ngo ɗi nin nse. 9Wu ɗar ɓal-ɓal. Taji wu cín pee nwuri kas. Wu sekiyeen ki̶ c`in ɗak mu Naan ɓejee ɗak. Taji ki̶i̶rmuut yaa wun kas. Wu man nee, ɗyemni̶ghi̶n fuu nyem kì̵ Jesu mo koo a neye ndi̶ghi̶n yil ɗiisi, ɓe mon nkaa shwaajeel kaaɗi wuu shwaajeel yaksi si. 10Katɗang wu shwaajeel ni mpee reppee lee, ɓe Naan ɗi mbii ɗiiret mo jir, moo put a pe wuri ɗi, wuri ɗi gyet wuri pet wun, mpeku wu tong ɗi ashak ki̶ Kristi ndi̶ghi̶n ɗiiɗes fi̶ri, ɗi ni so ngaa-ngaa. A Naan shikáa fi̶ri, wurin nj`i ɗak wun. Wurin ncín ɓal nwun, mpeku wu ɗar ɗi ɓal-ɓal ndi̶ghi̶n mbii mo jir. 11Naan wuri le ku ɓal fi̶ri ni ɗee ashak ki̶ wun jir. Amin. 12A Silas ɓam wan mpee ran rep wasika ɗiisi ni, nwun. Wan ki̶n naa wuri a kaa ɗyemni̶ghi̶n ndi̶ghi̶n Kristi si, ɗi wurii koghop ni hakyeng, ɗi gurum mak gangkáa nkaa wuri. Wan ki̶n ran po ɗiisi mo nwun, a mpeku wan caa putughup fuu mo ɗi. Wan a nkaa sat zeen ni nwun agaak nee, Naan wuri le ɗiiret nkaa wun. 13Eki̶lisya ɗi ni ndi̶ghi̶n pee ɗiisi nyil mBabilon, ɗi Naan wuri kì̵ ten bi̶lip ni, kaaɗi wuri bi̶lip wun si, moo tok ki̶ wun jir. Làa fi̶na Maak wuri tok ki̶ wun zak. 14Wun zak, wu tok ki̶ shak ndi̶ghi̶n wal, ku ni kám ɗi nee, wuu wal nshak kaa ɗyemni̶ghi̶n ɗi moo so ndang Jesu ashak si. Wu yit ku riyang kì̵ Daa Jesu Kristi ni tong ashak ki̶ wun jir, wun ɗi wun a mu Jesu Kristi mo. Amin.

will be added

X\