1 Pita 4

1Kaaɗi gyet Jesu wuri shwaajeel ndi̶ghi̶n nan, ni aasi ɓe ni ret ku wun wu ɗak suk fuu mo, mpeku wu shwaajeel ɗi ndi̶ghi̶n nan kaaɗi gyet wuri shwaa si zak. Mpeeɗi koo ngo ɗiiɗang ye, ɗi wuri shwaajeel ndi̶ghi̶n nan ɗiisi, ɓe wuri yit shikbish. 2Yaghal nyaksi, taji wu yit ku kyaghar mu putughup fuu mo se koghorong nkaa wun kas, amma ni ret ku wu c`in a mbii ɗi Naan ki̶ riɓet ku wu c`in shidaar-shidaar. 3Wuu ten wu watpee ɗes nkaa c`in mbii ɗiibish, kaa nyem ɗi ba mo man Naan kas, moo c`in si. Taji wu c`in mbii mi̶ni mo kas. Gyet yam ɓe wuu mwaan a ndi̶ghi̶n kyaghar mu nan fuu mo, ba gyet tong fuu ni mo ret kas. Gyet kyaghar mu nan ni mo se koghorong nkaa wun. Gyet wuu sat a nshwaamwos, ku ni yughur wun ɗi ɗak, shidaar-shidaar ɓe wuu kuur ashak mpee shwaayughur, ɗi har gyet wuu seyil nk`um mo, jir mbii ɗiisi mo, ɓe Naan wuri kwar mo hakyeng. 4Amma yaksi, ba wu kuɗi wuu c`in mbii ɗiibish si mo ashak ki̶ mo kas. Ni aapo ngurum mo, mpeeɗi ba wu kuɗi wuu c`in mbii ɗiisi mo ashak ki̶ mo kas, mpeemi̶ni ɓe moo kàss wun. 5Amma parmeeci, ɓe nyem ɗiisi mon nɗar ntoghom kì̵ Naan, ku wuri tokɗiyeel ɗi mmo, mpee mbii ɗi mo c`in mo ndi̶ghi̶n yil ɗiisi. Ba pee ni kuɗi jong-jong kas, aku Naan tokɗiyeel ɗi mmo, nyem ɗi mo kuɗi ki̶ seen ndi̶ghi̶n yil ɗiisi, ki̶ nyem ɗi mo kì̵ ten murap mo. 6A ni le ɗang mo satpo Naan ni nyem ɗiimumurap mo, a mpee ku riin furu mo kat seen ɗi, kaaɗi Daa Naan wuri ki̶ seen si. 7Parɗi yil ɗiisi nin nkyes, ba ni kì̵ j`i wul kas, mpeemi̶ni wu tap ki̶ káa fuu mo, ki̶ wu ɗar ɗi ɓal-ɓal, mpeku wu mak c`in aduwa ɗi. 8Mbii ɗi nii koghop ni met jir ni a nee, wu sat a walnshak shi putughup mi̶ndong shidaar-shidaar. Mpeeɗi katɗang wuu wal ngurum mo, ɓe ba wun nsat a pan shikbish ɗi mo c`in mo nkaa wun kas. 9Wu wang polu fuu mo nshak. Wu cín mbii ngurum a shi putughup mi̶ndong. 10Naan wuri le ɗiiret nkaa wun ndi̶ghi̶n ar mo shini-shini. Wuri cínɓal ngurum mo mpee c`in ɗak mo shini-shini. Mpeemi̶ni, ɓe ni ret ku koo weye, ɓe wuri c`in ɗak ni ndi̶ghi̶n ar ɗiiret. Ni ret ku wuri c`in ɗak ki̶ ɓal ɗi Naan kì̵ le ni nsar fuu, mpeku wu ɓam gurum mo ɗi. 11Katɗang Naan wuri cín a iiko mee gurum ɗii mu katpo ngurum, ɓe wu yit ku gwar mi̶ni sat a po ɗi ni put pe Naan ɗi. Katɗang Naan wuri cín mmee gurum, a iiko ɗii mu c`in ɗak mpee niyee mo, ɓe wu yit ku wuri cín ɗiiɗes nNaan mpee mbii mo jir, ndi̶ghi̶n Jesu Kristi. A wuri a ngo ɗi wuri ki̶ ɗiiɗes ki̶ iiko har ngaa-ngaa. Amin. 12Wun ɗi wan wal nwun, taji ni ɗee nwun a mbii aapo kas, mpeeɗi wu ɗel ndi̶ghi̶n jeel ɗiinaat mo ɗes. Mbii ɗiisi mo kat wun, a mpeku mo kyam cínzeen fuu ɗi ndi̶ghi̶n Naan. Mpeemi̶ni taji wu pan ne jeel ɗi mo j`i nkaa wun ni, mo a mee mbii ɗiiɗik kas. 13Wun a nkaa ɓàlkáa ndi̶ghi̶n jeel ɗi gyet Daa Jesu Kristi wuri ki̶ shwaa, mpeku parpuus ɗi gurum mon nnaa ɗiiɗes fi̶ri agaak, ɓe wun ngam ki̶ retnyit. 14Katɗang gurum mo katpo ɗiibuu nkaa wun, mpeeɗi wun a nyem mu Kristi mo, ɓe wu c`in retnyit, mpeeɗi Riin kì̵ Naan ɗi wuri a ɗiiɗes hakyeng wuri ashak ki̶ wun. 15Amma katɗang mee gurum shwaajeel a mpeeɗi wuri c`in mbii ɗiibish, kaa tukáa si, koo c`in wat, koo ngule po ndi̶ghi̶n mbii ɗi ba mi̶ri ɗiɓut kas, ba kiyeet kì̵ shwaajeel mi̶ni ki̶ mee mbii ɗiiret ɗiɓut, ɗi gurum mon nkwoop ni kas. Wu tap ki̶ káa fuu mo. Taji mee ngo c`in mbii ɗiibish, ɗi nin nle ku wuri lap kiyeet kì̵ kwat mi̶ni kas. 16Amma kat mee ngo shwaajeel, a mpeeɗi wuri a nguso ndang Kristi, ɓe taji wuri kat yitluwaan kas, amma ni ret ku wuri kwoop Naan, mpeeɗi gurum moo naa wuri a ngo mu Kristi. 17Katɗang pee ni wul ɗi Naan wurin ntokɗiyeel ngurum mo, ɓe wuri nshee a nkaa nyem fi̶ri mo. Katɗang Naan wuri nshee tokɗiyeel ni a nkaa nyem fi̶ri mo, ɓe a me nc`in ki̶ nyem ɗi mo kwarpo kì̵ Naan ye? 18Ni a riran ndi̶ghi̶n takarda kì̵ Naan nee: "Katɗang nin nluk, mpeku nyem ɗiiret mo kat ɓam, ɓe a me nkat nyem shikbish ɗi ba mo man Naan kas ye?" 19Mpeemi̶ni nyem ɗi mo shwaajeel, ɗi ni a shi riɓet kì̵ Naan, ɓe ni ret ku mo sat a nc`in mbii ɗiiret mo. Ki̶ zak, ni ret ku mo lekáa furu ndi̶ghi̶n sar kì̵ Naan ɗi wuri le mo, ki̶ ɗi wurii gam mbii mo jir. Mbii ɗi wuri sat ne, wuɗin ncín mmo.

will be added

X\