1 Koronti 9

1Ba wan mak c`in mbii ɗi wan ki̶n riɓet kas aa? Ba wan a laalop kì̵ Kristi kas aa? Ba wan ki̶n ten naa Daa funu Jesu Kristi kas aa? Ba gyet a wan satpo Naan ni nwun, ɗangɓe wu ɗee a nyemso ndang Daa kas aa? 2Koo ɗi ba pak gurum mo lap wan kaa laalop kì̵ Kristi si kas, ɓe ni a ting wan a laalop kì̵ Kristi pe wun ɗi. Mpeeɗi wun a langting mu ɗak fi̶na kaa laalop kì̵ Kristi si pe Daa ɗi. 3A ɗiisi ni a mbii ɗi wan ki̶n sat, nyem ɗi moo kyakpo ndang wan. 4Ba wan ki̶ pee mpeku wan se mbiise ki̶ shwaa mbii shwaa kas aa? 5Ba wan ki̶ pee, mpee lapmat ɗi wura a nguso ndang Jesu, ku wan pan wura ndang san kas aa? Kaaɗi kaghar jeplop kì̵ Kristi mo, ki̶ ɗyemni̶ghi̶n mo mu Daa, ki̶ Pita moo c`in si kas aa? 6Aa koo a wan ki̶ Barnabas ɓejee ɗi ting see mu c`in ɗak aku mu kat mbiise ɗi mun nse ɗi aa? 7A mee sooja ɗiiɗang wuri kì̵ kyam kwat shaghal ɗak ɗi wuri c`in nshin ye? A we kì̵ kyam kop anab mbong, ɓe ba wurin nyaghal se làa anab ni kas ye? A we kì̵ kyam kiyeer long mo, ɓe ba wurin nshwaa wur ki̶ mo ni kas ye? 8Kyet wan ki̶n sat ɗiisi ni a shi pan mu gurum wa? Ba Waar kì̵ Mosis ni sat aasi zak kas aa? 9Mo kì̵ ten ran ni ndi̶ghi̶n takarda Waar ki̶ Mosis nee: "Taji a lop shang nkus randong mpo, kaaɗi ni nkaa ti̶reng ɗiɓen mbong mpeku aas ni put ɗi kas." Naan wurii tap aa randong mo ɓejee aa? 10Amma gyet wuri le ku mo ran Waar mi̶ni mo a mpee mun gurum. Mpeku ngo ɗi wuri ki̶ kop ki̶ ngo ɗi wurii ɗiip, ɓe mo c`in ɗak furu ɗi shi canciin mpee se ɗiɓen ni. 11Katɗang mun, muu ten mu kop a mbii ɗi ni a mu Riin mɓut nwun, ɓe ba ni ret, ku wuwun wu ɓam mun ki̶ mbii ɗii mu yil ni mo kas aa? 12Katɗang pak gurum moo kat mbii ɗiisi mo pe wun ɗi, ɓe ba ni ret ku mun, mu kat mbii mo ɗes met mumo ni pe wun ɗi kas aa? Ba mun muu le ting nwun, mpeku wu cín mbii ɗiisi mo ɗi mmun kas, amma muu gung mbii mo jir, a mpeku taji mu ɗaam sekiyeen mpo ɗiiret mu Kristi kas. 13Ba wu man nee, nyem ɗi moo c`in ɗak ndi̶ghi̶n Lu kì̵ Naan ɗiiɗes, ɓe moo kat mbiise furu a nlu kì̵ Naan ɗiiɗes ni kas aa? Ki̶ ba wu man nee nyem ɗi moo wus mbiizughum a peewus mbiizughum mo, ɓe moo se a pak mbiizughum ni kas aa? 14Ni aasi zak, ɓe Daa wuri satpo nee. Nyem ɗi moo satpo ɗiiret ngurum mo, ɓe ni ret ku mo kat mbiise furu a ɗiɓut zak. 15Amma, ba wan ki̶n kyam c`in ɗak ki̶ iiko fi̶na ɗiisi kas, ki̶ ba wan ran wasika ɗiisi nwun, a mpeku wu cín mbii mo ɗi nwan kas. Ngyal ɗeesi ɓe wan muut, met a kuɗi mee ngo le mbii ɗi wan ki̶n canjagham nkaa ni ɗee a mbii ɗiibuu. 16Mpeeɗi koo ɗi wan ki̶n satpo ɗiiret ni, ɓe ba wan ki̶ pee mpee canjagham kas. Amma ki̶n satpo ɗiiret ni a mpeeɗi, a Naan wuri ki̶ leting wan, mpeku wan satpo ni ɗi. Jeel ɗi mpee wan, katɗang ba wan satpo ɗiiret nin ngurum mo kas. 17Katɗang ɗi wan ki̶n satpo ni a shi ɗyen fi̶na, ɓe ɗi wan nkat kwat. Amma wan ki̶n satpo ɗiiret ni ngurum mo, ba a shi ɗyen fi̶na kas, mpeeɗi a ɗak ɗi Naan wuri ki̶ le ni nsar fi̶na mmi̶ni. 18Kwat fi̶na ni a meye? A kwat fi̶na nin nɗiisi, a peeɗi Naan wuri ki̶ cínpee nwan, mpeku wan satpo ɗiiret ni ngurum mo shi zughum, ba wan ki̶n c`in ɗak ki̶ iiko fi̶na mpee tang kwat pe wun ɗi kas. 19Koo ɗi ba wan a ki̶rom ki̶ mee gurum kas, amma wan ki̶n ten nlesan a ki̶rom kì̵ gurum mo jir, mpeku wan j`i ɗi ki̶ gurum mo ɗes nDaa. 20Mpee nyem Yahudi mo, ɓe wan ɗee a kaa mo si, mpeku wan j`i ki̶ mo ɗi nDaa. Ki̶ zak, nyem Yahudi mo, a nder kì̵ Waar kì̵ Mosis, ɓe wan ɗee a kaa mo si, koo ɗi ba wan shikáa fi̶na wan a nder kì̵ Waar kì̵ Mosis kas. Amma wan ki̶n ɗee a kaa nyem ɗi mon nder kì̵ Waar kì̵ Mosis ni si, mpeku wan j`i ki̶ mo ɗi nDaa. 21Mpee nyem ɗi ba mo ki̶ Waar kì̵ Mosis kas, ɓe wan ɗee a kaa mo si, mpeku wan j`i ki̶ mo ɗi nDaa. Amma ɓe wan ki̶n tap ki̶ Waar kì̵ Naan. Azeen-nzeen wan a nder kì̵ Waar mu Kristi. 22Mpee nyem ɗi ba mo ki̶ ɓal ndi̶ghi̶n cínzeen kas, ɓe wan fwang mo, mpeku wan j`i ki̶ mo nDaa. Wan ki̶n ten ɗee a mbii mo jir, pe gurum mo ɗi jir, mpeku koo ɗi a ndi̶ghi̶n ar ɗiiɗang ye, ɓe wan ɓam pak mo ɗi. 23Wan ki̶n lesan ndi̶ghi̶n mbii mo jir, a mpee po ɗiiret ni, ki̶ mpeku wan kat pak ɗiiret mu po ɗiiret ni ɗi zak. 24Ba wu man nee, ndi̶ghi̶n kaghan mu sushii, ɓe gurum mo ɗes moo swa, amma a ngumi̶ndong ki̶ lap zughum ni ɓejee ɗak kas aa? Ni aasi zak, ni ret ku wu swa, mpeku wu kat zughum ni ɗi. 25Koo weye, ɗi wuri a ngusushii, ɓe wuri naa nkar shin fi̶ri ndi̶ghi̶n mbii mo jir. Wurii kar shin fi̶ri, mpeku wuri lap zughum ɗi nii ki̶lak ki̶ wat ɗi, amma mumun, muu lap a zughum ɗi ba nin nkyam wat kas. 26Ba wan ki̶n su a buu-buu kas, ki̶ cutpee ɗi wan ki̶n c`in ni, ba wan ki̶n cut a buu kas. 27Amma wan ki̶n c`in ki̶ san fi̶na, mpeku san fi̶na ni ɓal ɗi, ku ni ɗee ɗi nder fi̶na kaa ki̶rom si, mpeku taji aɓwoon ɗi wan ki̶ satpo ɗiiret ni ngurum mo, ɗangɓe mo yaghal baa ki̶ wan shikáa fi̶na mɓwoon kas.

will be added

X\