1 Koronti 8

1Yaksi, po nkaa mbiise ɗi mo kì̵ ten c`in nk`um mo, mu man nee, mun jir mun ki̶ man. Man nii le ku gurum ɗiyeepkáa, amma wal nii tap ɗik gurum kàa riret. 2Katɗang mee gurum ki̶ pan nee, wuɗi man mee mbii, ɓe ba wuri kì̵ man mee mbii kaaɗi ni ret ku wuri man si kas. 3Amma ngo ɗi wurii wal nNaan, ɓe Naan man ngo mi̶ni. 4Yaksi, po nkaa se mbiise ɗi mo kì̵ ten cín ni nk`um mo, mu man azeen nee, ba k`um mo ki̶ mee seen kas. Ki̶ zak, mu man nee, Naan wuri a mmi̶shin ɓejee ɗak. 5Koo ɗi pak mbii mo ɗi, ɗi moo pet mo a naan mo, ɗi mo ndi̶ghi̶n ɗengnaan, ki̶ ɗi mo ndi̶ghi̶n yil ɗiisi, mpeeɗi naan mo ɗi ɗes, ki̶ daa mo ɗi ɗes zak. 6Amma jir ki̶si, ɓe pe mumun ɗi, ɓe Naan wuri a mi̶ndong ɓejee, ɗi wuri a puun funu, a wuri le mbii mo jir, ki̶ a mpee wuri ɗangɓe mun ki̶ seen. Daa funu wuri a mi̶ndong ɓejee zak, wuri Jesu Kristi, ɗi a ndi̶ghi̶n wuri ɓe Naan le mbii mo jir, ki̶ a ndi̶ghi̶n wuri ɓe mun ki̶ seen. 7Amma ba a gurum mo jir mo kì̵ man zeen ɗiisi ni kas. Pak mo ki̶ fes loghot kì̵ k`um mo hakyeng, har mpee cicinsi, ɓe katɗang mo se mbiise, ɓe moo pan ne mbiise ni a mu k`um. Ba pan ɗin mputughup furu ni ɓal kas, ki̶ mo pan nee, wuɗun kì̵ ɗee, a ɗiiwuwat mpee mbiise. 8Ba mbiise mak j`i ki̶ mun kus ki̶ Naan kas. Koo ɗi mu se mbiise, ɓe ba mun nshee ɗi kas, ki̶ koo ɗi ba mu se mbiise kas, ɓe ba mun ntaa mu kat kas. 9Amma wu tap taji katpee fuu mpee c`in mbii ɗi wuu riɓet ni ɗee a mbii canshii nyem ɗi ba cínzeen furu ni ɓal kas. 10Mpeeɗi katɗang mee gwar ɗi ba cínzeen fi̶ri ni ɓal ndi̶ghi̶n mbii ɗiisi mo kas, wuri naa wugha gwar ɗi wugha ki̶ man, aa se mbii nluk`um, ɓe ba nin nc`in ɓal nwuri ndi̶ghi̶n putughup ku wuri se mbiise ɗi mo kì̵ ten cín ni nk`um kas aa? 11Ni aasi, ɓe shi man fugha, wugha le ku ɗyemni̶ghi̶n fugha ɗi Kristi kì̵ muut mpee wuri, wuri ɗee a ɗiili̶lagham. 12Katɗang wugha c`in mbii mi̶ni, ɓe wugha c`in shikbish nkaa gi̶nang, mpeeɗi wugha ki̶ le ku putughup fi̶ri ɗi ba ni kì̵ ɗar ɓal-ɓal kas ni pal, ki̶ zak, wugha c`in shikbish a nkaa Kristi shikáa fi̶ri. 13Mpeemi̶ni, katɗang mbii ɗi wan nse, nin nɗee a mbii le canshii nɗyemni̶ghi̶n fi̶na, ɓe ba wan nkuɗi ki̶n se mbiise mi̶ni zak kas, mpeku taji wan le ku ɗyemni̶ghi̶n fi̶na canshii kas.

will be added

X\