1 Yaksi, ɓe wan ki̶n riɓet satpo nwun nkaa mbii ɗi jí wu ran mo. Ni ret ku gurum tong ɗiisí ɗin nlapmat. 2 Amma mpee jwaan mu c`in ngaa, ɓe ni ret ku koo a mish ɗiiɗang ye, ɓe wuri ki̶ mat fi̶ri, ki̶ koo a mat ɗiiɗang ye, ɓe wura ki̶ mish fi̶ra. 3 Ni ret ku mish ni wuri c`in mbii ɗi ni ret ku wuri c`in mmat fi̶ri, ki̶ ni ret ku mat ni wura c`in mbii ɗi ni ret ku wura c`in mmish fi̶ra zak. 4 Ba mat wura ki̶ iiko nkaa sat fi̶ra kas, amma mish fi̶ra wuri ki̶ ni. Ni aasi zak, ba mish wuri ki̶ mee iiko nkaa shin fi̶ri kas, amma a mat fi̶ri wura ki̶ ni. 5 Taji wu cíi nshak aki̶ suk fuu mo kas, see katɗang wuu ten wu riɓet ki̶shak nee, wun nnookɗi mpee rep mee pee mo lee ɗak, mpeku wu lekáa fuu ɗi mpee c`in aduwa. Amma aɓwoon mi̶ni, ɓe wu baa wu kaat ɗi ki̶shak, mpeku taji Shetan num wun mpee cíi yaasuk kas. 6 Wan ki̶n satpo ɗiisi mo nwun a kaa ciin si, ba wan ki̶n sat a mee Waar nwun kas. 7 Azeen, wan riɓet ku, ɗi wun ntong kaa wan si, amma koo weye, ɓe wuri ki̶ lap zughum pe Naan ɗi ɗik ki̶ mu gi̶ni̶ghi̶n. Naan wuri cín zughum mo mmun a shini-shini. 8 Yaksi, wan ki̶n sat nyem ɗi ba mo kì̵ c`inɗik kas, ki̶ matkáa mo nee, ni ret ku mo tong ɗiisí, kaaɗi wan si. 9 Amma katɗang ɓe ba mo mak yaasut kas, ɓe ni ret ku mo c`inɗik, mpeeɗi ngyal gurum c`inɗik, met aku ɗi kyaghar se seen ngurum. 10 Mpee nyem ɗi mo kì̵ c`inɗik, ɓe wan ki̶ mee Waar ɗi, (ba a wan kas, amma a Daa wuri ki̶ cín nwan,) mpeku wan sat ɗi mo nee. Taji mat wura ɓàkshak ki̶ mish fi̶ra kas. 11 Katɗang wura ɓàkshak ki̶ mish fi̶ra, ɓe taji wura baa c`in mee ɗik ɗi zak kas, kasɓe, wura baaj`i pe mish fi̶ra ɗi, ku mo ɗak ɗik furu ɗi. Taji mee mish wuri tuɗik mmat fi̶ri kas. 12 Mpee kaghar ni mo, ɓe wan sat nee, (ba a Daa wuri sat mi̶ni kas, a wan), katɗang mee nguso ndang Jesu, wuri ki̶ mat ɗi ba wura kì̵ cínzeen kas, ɗangɓe wuraa riɓet tong ashak ki̶ mish fi̶ra, ɓe taji wuri ɓàkshak ki̶ wura kas. 13 Katɗang mee mat so ndang Jesu wura ki̶ mish ɗi ba wuri kì̵ cínzeen kas, ɗangɓe wurii riɓet tong ashak ki̶ wura, ɓe taji wura ɓàkshak ki̶ wuri kas. 14 Mpeeɗi mish ɗi ba wuri kì̵ cínzeen kas, ɓe wuri ɗee a ɗiili̶lap nyit kì̵ Naan, mpee mat fi̶ri ɗi wura kì̵ cínzeen. Ki̶ zak, mat ɗi ba wura kì̵ cínzeen kas, ɓe wura ɗee a ɗiili̶lap nyit ki̶ Naan, mpee mish fi̶ra ɗi wuri cínzeen. Kat ki̶si kas, ɓe jep fuu mon nɗee a kaa jep kì̵ nyemk`um mo si, amma yaksi ɓe mo a ɗiili̶lap nyit kì̵ Naan. 15 Amma katɗang mish koo mat, ɗi ba mo kì̵ cínzeen kas, moo riɓet ɓàkshak, ɓe wu yit ku mo ɓàkshak ɗi. Katɗang ni aasi, ɓe ngucínzeen ni, kyet a mish aa, koo a mat ni ye, ɓe ngo ni ki̶ pee, mpee c`in mbii ɗi wuri naa ni ret. Mpeeɗi Naan wuri pi̶rep mun a mpeku mu tong ɗi riyang. 16 Wii mat so ndang Jesu, cirang yin mman ɗi ye? Ngul yin nyaghal yi ɓam mish fii? Wugha mish nguso ndang Jesu, cirang wugha mman ɗi ye? Ngul wughan nyaghal a ɓam mat fugha ye? 17 Koo weye, ɓe wuri tong ntiit ki̶ peeɗi Daa wuri le ngo ni, ɗi Naan wuri kì̵ pet ngo ni mpee ni. A ɗiisi ni a Waar fi̶na pe koo a Eki̶lisya ɗiiɗang ye. 18 Ngo ɗi gyet mo kì̵ ten can wuri akuɗang Naan kì̵ pet wuri, ɓe taji wuri tangpee ɗi wurin nɗee ɗi nsuluk kas. Ngo ɗi ba gyet mo kì̵ ten can wuri kas, ɗangɓe Naan pet wuri, ɓe taji wuri waa tang ar ɗi mon ncan wuri ɗi kas. 19 Mpeeɗi koo ɗi mo can ngo ni, ki̶ koo ɗi ba moo can ngo ni kas, ɓe ba mi̶ni mo kì̵ koghop ni kas. Amma mbii ɗi ni ki̶ koghop ni, a ɗi gurum ntap kì̵ Waar kì̵ Naan mo ɓejee ɗak. 20 Koo weye, ɓe wuri tong ɗi ndi̶ghi̶n peeɗi gyet wuri ki̶ni, akuɗang Naan pet wuri si. 21 Katɗang gyet wugha a ki̶rom, akuɗang Naan ki̶ pet wugha, ɓe taji mi̶ni daampee nwugha kas. Amma katɗang wugha mak katpee, mpeku a ɗee ɗi a mukáa fugha, ɓe a gung ku a kat ni ɗi. 22 Ngo ɗi gyet Naan pet wuri ɓe wuri kuɗi a ki̶rom, amma yaksi, ɓe wurii ɗee a mukáa fi̶ri ndi̶ghi̶n Daa. Ni aasi zak, ngo ɗi gyet wuri a laalu kaaɗi Naan pet wuri, amma yaksi ngo mi̶ni ɗee a ki̶rom mu Kristi. 23 Jesu Kristi si̶rep wun a shi toghom ɗiiki̶rim, mpeemi̶ni ɓe taji wu ɗee a ki̶rom mu gurum mo kas. 24 Ni aasi, ɗyemnaa mo, koo ɗi gyet mo pi̶rep wun a ndi̶ghi̶n tong ɗiiɗang ye, ɓe ni ret ku mu tong ɗi a ndi̶ghi̶n tong mi̶ni ashak ki̶ Naan. 25 Po nkaa nyem ɗi ba mo kì̵ c`inɗik kas, ɓe ba wan ki̶ mee Waar pe Daa ɗi, mpee mo kas. Amma wan ki̶n sat a pan fi̶na, kaa ngo ɗi ndi̶ghi̶n kussuk kì̵ Naan, ɓe gurum mo mak cínzeen wan si, ɓe wan ki̶n pan nee. 26 Mpee mbii daampee ɗi mo ɗi yaksi, ɓe wan naa ne ni ret ku taji gurum c`inɗik kas. 27 Amma katɗang wugha ki̶ mat, ɓe taji a tang ar mpee tuɗik ni kas. Katɗang ba wugha ki̶ mat kas, ɓe taji a tang ar mpeku a lapmat ɗi kas. 28 Amma katɗang wugha c`inɗik, ɓe ba wugha c`in a shikbish kas, ki̶ katɗang mee reep c`inɗik, ɓe ba wura c`in shikbish kas. Amma jir ki̶si, nyem ɗi mo c`inɗik, ɓe mon nkat jeel mu yil ni. Mpeemi̶ni, nnaa fi̶na ɓe taji gurum c`inɗik kas, mpeku taji wuri shwaajeel. 29 Mbii ɗi wan ki̶n riɓet sat ni nɗiisi ɗyemnaa mo, peeɗi Naan wuri kì̵ ten bi̶lip ni le, ni kì̵ wul kus. Yaghal nyaksi, ɓe nyem ɗi mo ki̶ mat mo, ɓe mo tong kaa ba mo kì̵ kyam c`inɗik kas si. 30 Nyem ɗi mon mmaap, ɓe mo tong kaa nyem ɗi ba mon mmaap kas si. Nyem ɗi mon nretnyit, ɓe mo tong kaa ba mo a nretnyit kas si. Nyem ɗi mo nkaa nwor mo, ɓe mo tong kaa nyem ɗi ba mo ki̶ mee mbii kas si. 31 Nyem ɗi moo c`in ɗak ki̶ mbii mu yil ɗiisi mo, ɓe mo tong kaa ba mo ki̶ kyam c`in mee mbii ki̶ mbii mu yil ni mo kas si. Mpeeɗi mbii ɗii mu yil ɗiisi ni mo nkaa ɗel so. 32 Ɗyen nwan, ku taji wu daampee nsuk kas. Ngo ɗi ba wuri kì̵ c`inɗik kas, ɓe wurii le putughup fi̶ri a nkaa mbii ɗi mo a mu Daa. Wurii pan a ar ɗi wurin nc`in ɗak ɗi mo ret ɗi nDaa nyit. 33 Amma ngo ɗi wuri kì̵ c`inɗik, ɓe wurii le putughup fi̶ri a nkaa mbii mu yil ni mo, wurii pan a ar ɗi wurin c`in mbii ɗi mo ret ɗi mmat fi̶ri nyit. 34 Ɗiisi ni le ku pan fi̶ri mo ɓak vul mmi̶ni. Mat ɗi ba wura kì̵ c`inɗik kas, koo reep, ɓe wuraa le putughup fi̶ra a nkaa ar ɗi wuran nc`in mbii ɗi mo ret ɗi nDaa nyit, kì̵ ar ɗi wuran nɗee a ɗiiɓang ndi̶ghi̶n nan, ki̶ ndi̶ghi̶n Riin. Amma mat ɗi wura ki̶ c`inɗik, ɓe wuraa le putughup fi̶ra a nkaa mbii mu yil ni mo, ɗi wuran nc`in, mpeku ni ret ɗi mmish fi̶ra nyit. 35 Wan ki̶n sat ɗiisi a mpeku ni ɓam wun ɗi, ba wan cíi a c`inɗik nwun kas, amma wan sat po si mo a mpeku mbii mo so ɗi nwun ndi̶re-ndi̶re, ki̶ mpeku wu c`inɗak mu Daa ɗi shi putughup mi̶ndong. 36 Po nkaa reep ɗi wura kì̵ tong, har peeɗik fi̶ra ni kì̵ ɗel. Katɗang ɓe puun fi̶ra wuri naa nee, ba ni ret nwura kas, ki̶ katɗang mi̶se ni c`in, ɓe wuri c`in mbii ɗi wuri naa ni ret, ɓe wuri cín wura nɗik ɓe ba wuri c`in a shikbish kas. 37 Amma katɗang ɓe wuri naa nee, ba ni a ting ku wuri c`inɗik nreep fi̶ri kas, ki̶ wuri ɗar ki̶ pan fi̶ri nkaa mbii ɗi wuri naa ni ret nwuri, ki̶ wuri fes le putughup fi̶ri ɓal-ɓal nee, wurin mmak tap ki̶ wura, ɓe wuri c`in a mbii ɗi ni ret. 38 Ngo ɗi wuri c`inɗik nreep fi̶ri, ɓe wuri c`in a mbii ɗi ni ret, amma ngo ɗi ba wuri c`inɗik nreep fi̶ri kas, ɓe wuri c`in a mbii ɗi ni waa ret met. 39 Mat wura a nder ki̶ mish fi̶ra, har parpuus ɗi wurin mmuut. Katɗang mish ni muut, ɓe wura ki̶ pee mpee c`inɗik koo a weye ɗi wura ki̶ riɓet, amma ɓe see a ngo ɗi wuri ndi̶ghi̶n Daa. 40 Amma katɗang a nnaa mi̶na, ɓe wuran ntong shi retnyit met, katɗang wura nook c`inɗik. Pan fi̶na, ɓe wan ki̶ Riin kì̵ Naan zak.
