1 Koronti 4

1Ni ret ku gurum mo man mun a kaa jeplop kì̵ Kristi mo si, ki̶ kaa nyemɗak mo, ɗi Naan wuri kì̵ ten le mbii fi̶ri ɗiisi̶sok mo ndi̶ghi̶n sar funu si. 2Ni a ting nyem ɗi mo kì̵ ten le mee mbii nsar furu, ɓe mo ɗee a nyem ɗi mon ncínzeen mmo. 3Ba ni daampee nwan kas koo diɓen, katɗang wu kyam wan, koo ɗi kyam ni a nluɗiyeel mu gurum mo, ba wan ki̶n tokɗiyeel nsan kas. 4Wan man nee, ba wan ɗel ɗiki̶ kas, amma jir ki̶si, ɓe ba ni kám ne wan a ɗin nshikbish kas. A Daa wuri a ngo ɗi wurii tokɗiyeel nwan. 5Mpeemi̶ni ɓe, taji wu canɗiyeel nkaa mee gurum kas, see pee ni wul akuɗang. Wu gong baaj`i kì̵ Daa. Daa wurin nj`i le mbii ɗi mo a si̶sok mo ɗee agaak, ki̶ wurin nwang pan ɗi mo ndi̶ghi̶n putughup kì̵ gurum mo ɗee agaak zak. A ntiit ki̶ mi̶ni ɓe koo a weye, ɓe Naan wurin nkwoop wuri ntiit-ntiit ki̶ kwoop ɗi ni ret ku wuri kat. 6Yaksi ɗyemnaa mo, wan ki̶n sat sumpo ɗiisi mo nkaa Apolos ki̶ san fi̶na, mpeku mu ɗee ɗi a mbiikám pe wun ɗi. "Taji wu c`in mbii mo met mbii ɗi mo kì̵ ten ran ni kas", ki̶ taji memee fuu c`in roghop nkaa mee gurum, ku wu ɓees mee gurum ɗi kas zak. 7A we le wugha met niyee mo ye? Ba jí a Naan cín mbii ɗi wugha ki̶ mo jir kas aa? Katɗang ni aasi, ɓe a me le ɗang wugha ki̶ ɗiyeepkáa ye, kaa baají wugha li̶lap a nzughum si kas si ye? 8Wuu ten wu kat mbii ɗi wuu riɓet mo jir. Wuu ten wu ɗee a nyemlong mo. Wuu ɗee a mishkagham mo, ba ashak ki̶ mun kas. Ɗyen nwan ku ɗi wuu ten wu ɗee a mishkagham mo, ku mun ɗee ɗi a mishkagham ashak ki̶ wun. 9Nnaa kì̵ mi̶na, ɓe Naan wuri kì̵ le mun a jeplop kì̵ Jesu mo. Muu ɗee a nyem ɗi mo tong sham si̶ghi̶t ni, kaa nyem ɗi mo kì̵ ten canɗiyeel muut mmo si, mpeku mo twa mun ɗi nyit kì̵ gurum mo ɗes. Mu ɗee a mbiishwar nyil ni jir, ki̶ nyit mu nyemlop kì̵ Naan mo, kì̵ nyit kì̵ gurum mo zak. 10Mu ɗee a mwen mo mpee sum kì̵ Kristi, amma wun a nyemseen mo ndi̶ghi̶n Kristi. Ba mun ki̶ ɓal kas, amma wun ki̶ ɓal. Gurum mo c`in ɗiiɗes nwun, amma mo ɓees mun. 11Har yaksi ɓe neen ki̶ láa mmun, ki̶ neen am ki̶ tu mun. Muu jwal a goklee mo, ki̶ gurum moo nas mun. Ba mun ki̶ mee tulu kas. 12Muu c`in ɗak ɓal-ɓal shi sar funu mo. Katɗang gurum mo ɓees mun, ɓe muu le ɗiiret nkaa mo. Katɗang mo lejeel mmun, ɓe muu gung. 13Katɗang mo satpo ɗiibish nkaa mun, ɓe muu lap mmo shi po ɗiiret. Yaksi si, ɓe mu ɗee a kaa giri̶ng ɗi gurum moo ɓeerpee ɗi si. Muu ɗee a mbii ɗiibish ɗi koo weye ki̶ kwar mun ndi̶ghi̶n yil ni. 14Wan ki̶n ran ɗiisi nwun, ba a mpeku wan cín nashoop ɗi nwun kas, amma a mpeku wan kámshii ni ɗi nwun, kaa jep fi̶na ɗi wan wal mmo si. 15Koo ɗi wun ki̶ nyemkám mo duɓu kaghapaat ndi̶ghi̶n Kristi, amma ɓe wun ki̶ puun a mi̶ndong. Mpeeɗi ndi̶ghi̶n Jesu Kristi, ɓe wan ki̶n ɗee a puun fuu ndi̶ghi̶n po ɗiiret ni. 16Mpeemi̶ni, ɓe wan ki̶n ɗang pu wun, ku wu mwaan ndi̶ghi̶n shiimwaan fi̶na zak. 17A mbii ɗi ni le ni mmi̶ni, ɗangɓe wan ki̶n lop Timoti, ɗyem fi̶na, ɗi wan wal nwuri, ɗi wuri kì̵ ɗar ɓal-ɓal ndi̶ghi̶n Daa, so pe wun ɗi. Wurin nlepan nwun nkaa mwaan fi̶na ndi̶ghi̶n Kristi Jesu. Mwaan fi̶na ni ntiit-ntiit kì̵ mbii ɗi wan ki̶n kám ngurum mo, koo a neye ndi̶ghi̶n Eki̶lisya mo. 18Pak mo ndi̶ghi̶n wun, moo roghop kaa ba wan nkuɗi ki̶n mbaaso pe wun ɗi kas si. 19Katɗang Daa wuri riɓet, ku wan so pe wun ɗi ki̶lak-ki̶lak, ɓe wan nnaa mbii ɗi nyemroghop ni moo sat, ki̶ wan nnaa iiko ɗi mo ki̶ ni zak. 20Ba mulki kì̵ Naan ni a sat shi po kas, amma ni a iiko. 21Wu riɓet a ɗiiɗang ye? Kyet wan nj`i pe wun ɗi a shi kám wa? Koo a shi wal mu riin ɗi ni a puɗok ye?

will be added

X\