1 Koronti 3

1Ɗyemnaa mo, ba wan mak katpo ki̶ wun kaa nyem ɗi mo ki̶ Riin kì̵ Naan si kas, amma wan katpo ki̶ wun a kaa nyem ɗii mu yil ni mo si, mpeeɗi gyet wun a laanjuu mo ndi̶ghi̶n mbii ɗi mo a mu Kristi. 2Gyet wan ki̶n cín a wur nwun. Ba gyet a mbiise ɗiiɓal kas, mpeeɗi ba gyet wu mak se mbiise ɗiiɓal kas, har yaksi ɓe ba wuu ɗaksuk mpee se mbiise ɗiiɓal ni kas. 3Tong fuu, ni ɗi a mu yil ɗiisi, mpeeɗi wun kì̵ c`in zughur, ki̶ wuu jighi̶r ki̶ shak. Kiyeet ki̶ tong ɗiisi kám nee, wun ɗi a mu yil ni, ki̶ wuu mwaan a ndi̶ghi̶n shiimwaan mu yil ɗiisi ni. 4Katɗang memee fuu sat nee, wuɗi a mu Pool, ki̶ memee sat nee, wuɗi a mu Apolos, ashee azeen-nzeen ɓe wuu sat mbii mi̶ni mo a ndi̶ghi̶n pan mu gurum. 5A we a Apolos ye? A we a Pool ye? Mun a ki̶rom kì̵ Naan, ɗi Naan wuri c`in ɗak mun ki̶ har wu cínzeen. Koo a weye ndi̶ghi̶n mun, ɓe gyet muu c`in a mbii ɗi Naan wuri kì̵ ten le nsar funu. 6A wan kop, ɗangɓe Apolos wuri le am ɗiki̶, amma a Naan wurii le ni wurang. 7Mpeemi̶ni ɓe ngo ɗi wuri kop mbii, ki̶ ngo ɗi wuri le am ɗiki̶, ɓe ba mo a mee mbii kas, amma a Naan mmi̶shin wuri kì̵ le mbii ni mo wurang. 8Ngo ɗi wuri kop, ki̶ ngo ɗi wuri le am ɗiki̶, ɓe mo a ntiit-ntiit. Koo a weye ɓe wurin nlap kwat fi̶ri a ntiit-ntiit ki̶ ɗak ɗi ngo ni c`in. 9Mun jir a shaar ɗak kì̵ Naan. Wun a bong kì̵ Naan, ki̶ wun a kaa lu ɗi Naan wuri ɗik si. 10Shi ɗiiret ɗi Naan wuri kì̵ ten cín ni nwan, ɓe wan ki̶n ɓwot kuklu ni, a kaa nguman ɗiklu si, ki̶ mee ngo ɗiklu nkaa kuk ni. Amma ni a ting ku koo a weye, ɓe wuri tap ki̶ ɗikpee ɗi wurii ɗik ni nkaa kuk ni. 11Ba mee kuk ɗi, ɗi mee gurum nwaa baa ɓwot ɗi, waa met kuk ɗi Naan wuri kì̵ ten ɓwot ni, shi Jesu Kristi kas. 12Yaksi, katɗang mee ngo ki̶ ɗikpee nkaa kuk ni a shi zinariya, koo shi azurfa, koo shi jwak ɗiiki̶rim mo, koo shi yoghom, koo shi yangkas. 13Ɓe ni ret ku ngo mi̶ni man nee, ret ki̶ ɗak fi̶ri nin nɗee agaak parpuus ɗi Daa Jesu wurin mbaaj`i ndi̶ghi̶n yil ɗiisi. Parpuus mi̶ni ɓe mon nwoo ɗak kì̵ koo a ngo ɗiiɗang ye, har a wus nkyam ret mu ɗak kì̵ koo weye. 14Katɗang ba wus se mbii ɗi gurum kì̵ ten ɗik nkaa kuk ni kas, ɓe gwar mi̶ni nlap kwat. 15Amma katɗang wus se mbii ɗi gurum kì̵ ten c`in ni, ɓe nin nɗee a ɗak ɗiibuu, amma gwar mi̶ni shikáa fi̶ri, ɓe wurin nkat ɓam, amma ni ɗee kaa wuri ɗel put wus ni a shi dikyet si. 16Ba wu man nee, wun shikáa fuu wun a lu ɗiiɗes kì̵ Daa Naan kas aa? Ki̶ Riin kì̵ Naan ki̶ tong ndi̶ghi̶n wun kas aa? 17Katɗang mee ngo wat lu kì̵ Naan ni, ɓe Naan wurin nwat gwar mi̶ni zak. Mpeeɗi lu kì̵ Naan ni a ɗiiɓang ki̶ a wuwun a lu kì̵ Naan ni. 18Taji mee gurum numkáa fi̶ri kas, katɗang mee gurum ndi̶ghi̶n wun ɗi wuri ki̶ lekáa fi̶ri a kaa ngo ɗi ki̶ seen ny`iicinsi, ɓe ni ret ku gwar mi̶ni lekáa fi̶ri kaa mwen si, mpeku wuri kat seen ɗi. 19Mpeeɗi seen mu yil ɗiisi ni a mwen nyit kì̵ Naan ɓejee, kaaɗi mo kì̵ ten ran ndi̶ghi̶n takarda kì̵ Naan si nee: "Naan wurii yak nyemseen mu yil ɗiisi mo, ndi̶ghi̶n seen furu ɗiibish." 20Ki̶ zak, "Daa wuri man ne, pan kì̵ nyemseen mu yil ɗiisi mo ni a mbii ɗiibuu." 21Mpeemi̶ni ɓe taji mee gurum canjagham nkaa gurum mo kas. Mpeeɗi mbii mo jir a muu. 22Koo ɗi a Pool, koo a Apolos, koo a Kefas, koo ɗi a yil ɗiisi, koo ɗi a seen, koo ɗi a muut, koo ɗi a yaksi, koo ɗi a mbii ɗi mo akiyeen, ɓe mo jir a muu. 23Ki̶ zak, wun a mu Kristi, ki̶ Kristi wuri a mu Naan.

will be added

X\