1 Koronti 2

1Ɗyemnaa mo, kaaɗi gyet wan j`i pe wun ɗi, ɓe ba gyet wan satpo nwun nkaa mbii ɗiisi̶sok mu Naan ni mo a shi liispo ɗiishang ki̶ling, ki̶ man satpo mu seen kas. 2Mpeeɗi, kaaɗi gyet wan ashak ki̶ wun, ɓe gyet wan kì̵ ten lesan a kaa ngo ɗi wuri man Jesu Kristi, ɗi mo kì̵ pwas wuri nkaa shiyeepyoghom si. 3Gyet wan a shak ki̶ wun, ɓe wan a ndi̶ghi̶n cíinɓal, ki̶ ndi̶ghi̶n ki̶i̶rmuut ki̶ ɗaar zak. 4Ki̶ gyet po ɗi wan ki̶n sat ni, ki̶ kám fi̶na ni mo, ba gyet wan ki̶n sat mo a shi po ɗiishang ki̶ling ki̶ seen mu man satpo kas, amma gyet ni a ndi̶ghi̶n kám mu iiko kì̵ Riin. 5Mpeku taji wu le cínzeen fuu mo tong a ndi̶ghi̶n seen mu gurum mo kas, amma wu le cínzeen fuu mo a ndi̶ghi̶n iiko kì̵ Naan. 6Amma muu sat a po ɗii mu man, pee nyem ɗi mo kì̵ wurang ndi̶ghi̶n mbii ɗi mo a mu Riin kì̵ Naan. Ba man ɗiisi ni a mu yil ɗiisi kas, ki̶ ba ni put a pe nyem mulki mu yil ɗiisi mo, ɗi mon ndung ɗel so si kas. 7Amma mun muu sat a po nkaa man kì̵ Naan ɗi ni a si̶sok ngurum mo, man ɗi Naan wuri kì̵ ten le mpee ɗiiɗes funu akuɗang wurii leyil ni. 8Ba mee ngumulki mu yil ɗiisi mmak man man mi̶ni kas. Katɗang ɗi gyet moo man mi̶ni, ɓe ba gyet mon mpwas Daa ɗiiɗes nkaa shiyeepyoghom kas. 9Kaaɗi mo kì̵ ten ran ndi̶ghi̶n takarda si nee: "Mbii ɗi ba gurum kì̵ kyam naa ki̶ yit kas, ɗi ba gurum kì̵ kyam ki̶ling ni shi kom kas, ɗi ba putughup kì̵ gurum ki̶ kyam pan mbii ɗi Naan wuri kì̵ tap ɗak ni le, nyem ɗi mo wal nwuri mo kas." 10Amma Naan wuri kámshii ki̶ mi̶ni mmun a shi Riin fi̶ri, mpeeɗi Riin wurii bi̶lip mbii mo jir, har koo ɗi a jurung kì̵ mbii aapo kì̵ Naan mo. 11A gurum ɗiiɗang mmak man pan ki̶ mee ngo ye? Katɗang ba a riin kì̵ ngo ni kas ye? Ni aasi zak, ba mee ngo kyam man pan kì̵ Naan kas, see a Riin kì̵ Naan ɓejee ɗak. 12Ba mun mu kat a riin mu yil ɗiisi kas, amma mu lap a Riin kì̵ Naan, mpeku mu manshii kì̵ mbii ɗi Naan wuri ten c`in mmun ɗi. 13Mpeemi̶ni, po ɗi muu sat nwun, ba ni put a mɓut mman mu gurum kas, amma a Riin wurii woo ni mmun. Riin ni wurii woo zeen, mpee nyem ɗi mo kì̵ Riin kì̵ Naan ndi̶ghi̶n putughup furu mo. 14Ngo ɗi ba wuri ki̶ Riin kì̵ Naan ndi̶ghi̶n putughup fi̶ri kas, ɓe ba wuri mak lap zughum ɗi mo a mu Riin kì̵ Naan kas. Mpeeɗi mbii ɗi mo a mu Riin kì̵ Naan, mo a po ɗiibuu pe ngo mi̶ni ɗi, ki̶ zak, ba pan ki̶ ngo mi̶ni mak manshii kì̵ mo ni kas, mpeeɗi a Riin kì̵ Naan ki̶ mak le gurum man mbii ɗiisi ni mo. 15Ngo ɗi wuri ki̶ Riin kì̵ Naan ndi̶ghi̶n putughup fi̶ri, ɓe wuri mak manshii kì̵ mbii ɗiisi ni mo, amma ba mee gurum mak tokɗiyeel nwuri kas. 16Kaaɗi mo kì̵ ten ran ndi̶ghi̶n takarda kì̵ Naan si nee: "A we ki̶ man pan kì̵ Daa ye? Mpeku ngo mi̶ni ɓeetpo ɗi ki̶ wuri ye? Amma mun, mu man pan mu Kristi, mpeeɗi mun ki̶ Riin fi̶ri ndi̶ghi̶n putughup funu mo."

will be added

X\