1 Koronti 16

1Yaksi, ɓe po nkaa kyak shaghal ɗi wun ntul ni mpee ɓam nyem kì̵ Naan ɗi mo nyil nJudiya, ni ret ku wu c`in kaaɗi gyet wan ki̶n sat nEki̶lisya ɗi mo ndi̶ghi̶n yil nGalati mo c`in si. 2Koo a puus Láadi ɗiiɗang ye, ɓe ni ret ku koo weye wuri le mee shaghal mpee cín zughum ntiit-ntiit ki̶ ɓal fi̶ri, mpeku katɗang parpuus ɗi wan nso pe wun ɗi, ɓe taji wu ɗee nkyak mee shaghal kas. 3Katɗang wan nso wul pe wun ɗi, ɓe wan ncín wasika nyem ɗi wuu ten wu bi̶lip mo, mpeku mo so ɗi ki̶ shaghal ni nyil nJerusalem. 4Katɗang wan naa ni ret, ku wan so nJerusalem, ɓe mon nso ashak ki̶ wan zak. 5Wann nj`i pe wun ɗi, aɓwoon ɗi wan ki̶n so nyil mMasidoniya, mpeeɗi wan ki̶n riɓet yaa ar ni ɗel so a nyil mMasidoniya ni. 6Meeɓe wan mpan nyém pe wun ɗi mpee rep pee mo lee ɗak, ki̶ meeɓe wan ntong pe wun ɗi mpee tar kut, mpeku wu ɓam wan ɗi, a ar mwaan fi̶na, koo pee ɗiiɗang ye ɗi wann nso ɗi. 7Ɗyen nwan nnaa wun zam, ba a ɗi wan nnaa wun, ɓe wan a ar ɗel so ki̶lak-ki̶lak kas. Katɗang Daa wuri riɓet, ɓe wan ncanciin mpee so tong pe wun ɗi panpoong. 8Amma wan ntong mpesi nyil Afisus, har see parpuus mu seriɓet mu Pentikos. 9Mpeeɗi, peeɗi nwan ɗes mpee ɗiisi, mpeku wan katpee c`in ɗak ɗiiret, ki̶ ɗi nii koghop ni ndi̶ghi̶n nyil Afisus ni zak. Koo ɗi gurum mo ɗes moo kwar ɗak fi̶na ni. 10Katɗang Timoti wuri so wul pe wun ɗi, ɓe wu kaat wuri riret nnaar fuu. Taji wu le mee ki̶i̶rmuut yaa wuri kas, mpeeɗi wurii c`in a ɗak kì̵ Daa, kaaɗi wan ki̶n c`in si zak. 11Taji mee gurum ɓák wuri kas, amma ni ret ku wu ɓam wuri ndi̶ghi̶n mwaan fi̶ri, mpeku wuri sekiyeen ɗi ki̶ mwaan fi̶ri ni ndi̶ghi̶n riyang, ki̶ mpeku wuri baaj`i ɗi pe wan ɗi zak, mpeeɗi wan ki̶n leyit mpee naa baaj`i fi̶ri ashak ki̶ pak ɗyemnaa mo zak. 12Yaksi, po nkaa ɗyemni̶ghi̶n funu, Apolos, jí wan ki̶n satpo nwuri shiɓal nee, ni ret ku wuri so naa wun ashak ki̶ ɗyemni̶ghi̶n mo. Ba gyet ɗyen nwurin nso pe wun ɗi ntiit ki̶ mi̶ni kas, amma katɗang wurin nkatpee, ɓe wurin nso pe wun ɗi. 13Wu tong shi gongpee, ki̶ wu ɗar ɓal-ɓal ndi̶ghi̶n cínzeen fuu. Wu ɗee a nyemgung mo ndi̶ghi̶n putughup, ki̶ nyemɗiiɓal mo. 14Wu c`in mbii mo jir ndi̶ghi̶n wal. 15Wu man nee, gyet a nyemtulu ki̶ Stifenas mo a nyem ɗi gyet mo shee cínzeen ndi̶ghi̶n nyil Akaya, ki̶ mo cín sut furu mo mpee c`in ɗak ɗi mo ɓam nyem kì̵ Naan mo ɗi zak. Wan ki̶n ɗang pu wun ɗyemnaa fi̶na mo. 16Ku wu mwaan ndang mi̶se kì̵ gurum mo kaa mi̶ni mo si, ki̶ wu mwaan ndang koo weye ɗi wuri cín káa fi̶ri, mpee c`in ɗak mu ɓam, ashak ki̶ mo. 17Ni fes ret nwan nyit zam, mpee j`i ki̶ Stifenas ki̶ Fortunatus, ki̶ Akaikus, mpeeɗi mo j`i ki̶ mbii mo nwan a koppee fuu, mbii ɗi ba jí wan ki̶ mo kas. 18Ki̶ zak, mo caa wan, kaaɗi jí moo caa wuwun si. Gurum mo kaa mo si, ni ret ku wu cín ɗiiɗes mmo. 19Eki̶lisya ɗi mon nkoghop nyil mu Eshiya moo lop tokshik furu mo so pe wun ɗi. Akwila ki̶ Priskila, ki̶ Eki̶lisya ɗi moo kaat ashak ndi̶ghi̶n tulu furu, mo lop tokshik mu nyemso ndang Jesu mo so nwun ndi̶ghi̶n sum kì̵ Daa. 20Ɗyemni̶ghi̶n funu, ɗi mo mpesi, moo lop tokshik furu mo so pe wun ɗi jir. Wu tok ki̶ shak ndi̶ghi̶n wal kaa mu nyemso ndang Naan mo si. 21A wan Pool, ki̶n ran tokshik ɗiisi nwun, shi sar fi̶na. 22Koo ngo ɗiiɗang ye ɗi ba wuri wal nDaa kas, ɓe wu yit ku gwar mi̶ni ɗee a mbiifulup. Daa funu wurin ndung baaj`i. 23Ɗiiret kì̵ Daa funu Jesu ni tong ashak ki̶ wun jir. 24Wal fi̶na ni tong ashak ki̶ wun jir ndi̶ghi̶n sum kì̵ Kristi Jesu. Amin.

will be added

X\