1 Koronti 15

1Ɗyemnaa mo, yaksi ɓe wan riɓet baa lepan ɗi nwun, nkaa po ɗiiret, ɗi gyet wan ki̶n sat ni nwun, ɗi gyet wuu lap ni, ki̶ ɗi wu cínzeen, ɗi wuu ɗar a nkaa ni zak. 2A shi po ɗiiret ɗiisi ni, ɓe wuu kat ɓam katɗang ɓe wu yaa po ɗi wan ki̶n sat ni nwun ɓal-ɓal. Katɗang aasi kas, ɓe cínzeen fuu ni a ɗiibuu. 3Mbii ɗi gyet wan ki̶n lap ni, ɓe wan kì̵ cín a ni nwun, ɗi ni ki̶ koghop ni hakyeng nee; Kristi wuri muut mpee shikbish funu mo, kaaɗi mo kì̵ ten ran ndi̶ghi̶n takarda kì̵ Naan si. 4Mo wum wuri, ɓe wuri yaghal a peemúut par shii ɗiikun, ntiit ki̶ mbii ɗi mo kì̵ ten ran ndi̶ghi̶n takarda kì̵ Naan si. 5Wuri shee kámshin fi̶ri mPita, ɗangɓe wuri kámshin fi̶ri njeplop fi̶ri ɗiikaghapaat baavul si mo. 6Aɓwoon mi̶ni, ɓe wuri kámshin fi̶ri nyemcínzeen mo, ɗi mo met ɗaripàat a pee mi̶ndong. Pak nyem ɗi j`i mo naa wuri, mo ɗi ɗes ɗi mo kuɗi ki̶ seen, amma pak mo kì̵ ten murap. 7Wuri kámshin fi̶ri nJemis zak, ki̶ jeplop fi̶ri ni mo jir. 8Ɗangɓe a peekyes ni, ɓe wuri kámshin fi̶ri nwan zak, wan ɗi wan a kaa làa ɗi mo kì̵ ten taa làa, ɓe ba tar làa ni ki̶ wul kas si. 9Mpeeɗi wan a ɗiilee mɓut jeplop kì̵ Jesu ni mo. Ba ɗi ni ret ku mo pet wan a memee mɓut jeplop kì̵ Jesu mo kas, mpeeɗi gyet wan ki̶n cín jeel Eki̶lisya kì̵ Naan. 10Amma mpee ɗiiret ki̶ kussuk kì̵ Naan, ɓe wan ɗi, kaaɗi wan ɗi yaksi si. Ɗiiret ki̶ kussuk ɗiisi ɗi Naan wuri cín nwan, ni kì̵ c`in ɗak ɗes ndi̶ghi̶n wan. Har wan ki̶n c`in ɗak shiɓal met jeplop fi̶ri ni mo jir. Amma jir ki̶si, ɓe ba a wan c`in ɗak mi̶ni mo kas, amma a ɗiiret ki̶ kussuk kì̵ Naan ɗi ni c`in ɗak ndi̶ghi̶n putughup fi̶na. 11Ni aasi, koo ɗi gyet, a wan satpo ni, koo ɗi gyet a mo satpo ni, ɓe muu sat a mbii ɗiimi̶ndong, ki̶ wun wuu cínzeen a po mi̶ni. 12Katɗang moo satpo nee, Kristi wuri kì̵ yaghal a peemúut, ɓe a me le ɗang pak fuu moo sat ne, ba mee yaghal a peemúut ɗi mpee nyem ɗi mo kì̵ ten murap mo kas ye? 13Katɗang ba mee yaghal a peemúut ɗi, mpee nyem ɗi mo kì̵ ten murap kas, ɓe ni kám nee, ba Kristi wuri ki̶ yaghal a peemúut kas mmi̶ni. 14Katɗang ɓe ba ɗi Kristi wuri kì̵ yaghal a peemúut kas, ɓe po ɗiiret, ɗi muu sat ni ɗee a ɗiibuu, ki̶ ɓe ɗi cínzeen fuu ni ɗee a ɗiibuu zak. 15Ɓe ɗi mu ɗee a nyem c`in langting mu ɗung mo nkaa Naan, mpeeɗi muu c`in langting nkaa Naan nee, a Naan wuri yaghal ki̶ Kristi a peemúut. Amma katɗang ɗi ni azeen-nzeen ne, ba nyem ɗi mo kì̵ ten murap mon nyaghal a peemúut kas, ɓe ba Naan wuri kì̵ yaghal ki̶ Kristi a peemúut kas mi̶ni zak. 16Katɗang ba nyem ɗi mo kì̵ murap mon nyaghal kas, ɓe ba Kristi wuri kì̵ yaghal kas zak. 17Katɗang ɗi ba Kristi wuri kì̵ yaghal a peemúut kas, ɓe cínzeen fuu ni ɗee a ɗiibuu, ɓe ɗi har yaksi, wuu tong ɗi a mɓut shikbish fuu mo vit. 18Ɓe ɗi nyem ɗi mo kì̵ ten murap mɓut Kristi, mo kì̵ ɗee a ɗiili̶lagham mo mmi̶ni zak. 19Katɗang ɗi canciin funu ndi̶ghi̶n Kristi ni a mpee seen ɗii mu yil ɗiisi ɗak, ɓe ɗi mu ɗee a mbii naajeel, met kaghar gurum mo jir. 20Yaksi Naan wuri kì̵ yaghal ki̶ Kristi a peemúut azeen-nzeen. A wuri a ɗin nshee, mu yaghal a peemúut, mu nyem ɗi mo kì̵ ten murap mo jir. 21Kaaɗi gyet, muut ni ɗel ndi̶ghi̶n yil ɗiisi, a mpee ngumi̶ndong, ni aasi zak, ɓe a mpee ngumi̶ndong, ɓe Naan wurin nyaghal ki̶ gurum ɗi mo kì̵ ten murap mo a peemúut zak. 22Mpeeɗi a mpee Adam ɓe gurum mo jir mo murap, ni aasi zak, a ndi̶ghi̶n Kristi ɓe gurum mo jir mon nyaghal a peemúut ki̶ seen. 23Amma koo meye ɓe mo a ndangshak-ndangshak. A Kristi wuri a ɗin nshee mu yaghal a peemúut akuɗang. Katɗang wurin mbaaj`i, ɗangɓe nyem fi̶ri mon nyaghal a peemúut zak. 24Ɗangɓe peekyes kì̵ yil nin nj`i wul, ɓe Kristi wurin ncín mulki ni nNaan puun, aɓwoon ɗi wuri kì̵ ten twa koo a mulki, ki̶ iiko, ki̶ koo a ɓal ɗiiɗang ye. 25Mpeeɗi ting Kristi wurin nc`in mulki ni har parpuus ɗi Naan wurin nle shaarlek kì̵ Jesu mo ɗee nder shii fi̶ri. 26Shaarlek ɗi wurin ntu ni a pee kyes ni, a muut. 27Mpeeɗi Naan wuri kì̵ ten le mbii mo jir nder shii fi̶ri. Kaaɗi mo ki̶ sat si nee, "mo kì̵ le mbii mo jir nder shii fi̶ri". Ɓe ni ɗee agaak ne, ba a Naan ɗee nder fi̶ri kas, amma Naan wuri kì̵ le mbii mo jir nder kì̵ Kristi. 28Amma, aɓwoon ɗi mo kì̵ le mbii mo jir, nder kì̵ mulki mu Naan, ɓe Làa ni wuri shikáa fi̶ri, wurin nleshin fi̶ri nder kì̵ Naan. Naan ɗi wuri le mbii mo jir nder kì̵ Kristi, mpeku Naan wuri se mulki ɗi nkaa mbii mo jir. 29Yaksi, katɗang ɓe ɗi ba mee yaghal a peemúut ɗi kas, ɓe ɗi nyem ɗi moo c`in baptisma mmo a koppee kì̵ nyem ɗi mo ki̶ murap, ɓe mon nkat a meye? Katɗang ɗi ba mee yaghal a peemúut ɗi kas, ɓe a me le ɗangɓe gurum moo c`in baptisma a koppee kì̵ nyemmuut mo ye? 30Ki̶ zak, ɓe ɗi a me le ɗangɓe muu lappee, ku muu shwaajeel ɗi ki̶si shidaar-shidaar ye? 31Ɗyemnaa mo, wan ki̶n naa muut, koo a puus ɗiiɗang ye. A roghop ɗi wan ki̶ni ndi̶ghi̶n wun, ɗi ni a seen funu ndi̶ghi̶n Kristi Jesu, Daa funu, a ni le ɗang wan satpo mi̶ni. 32Katɗang ɗi gyet wan c`in lek ashak ki̶ luwayil mo nyil Afisus a mpee pan mu gurum ɗak, ɓe li̶ɓet ɗi wan nkat ni a meye? Katɗang ɓe ba mo yaghal ki̶ nyem ɗi mo kì̵ ten murap a peemúut kas, "Ɓe wu yit ku mu se, mu shwaa, mpeku daɗaar ɓe mu murap ɗi." 33Taji wu yit ku mee gurum num wun kas. Katɗang gurum ki̶ mwaan ashak ki̶ nyemɗiibish mo, ɓe mi̶se fi̶ri nin nɗee a ɗiibish zak. 34Wu baa wu j`i ndi̶ghi̶n pan fuu mo kaaɗi ni ret ku wu c`in si, ki̶ wu nook c`in shikbish. Wan ki̶n sat nwun nee, ba pak fuu mo man Naan kas. Wan ki̶n sat ɗiisi a mpeku ni shoop wun ɗi. 35Meeɓe, mee gurum ntal nee, "Cirang ɗangɓe nyem ɗi mo kì̵ ten murap, mon mbaa yaghal ɗi a peemúut ki̶ seen ye? Mon nyaghal a shi kiyeet kì̵ sut ɗiiɗang ye?" 36Wugha mwen! A man nee, katɗang a kop cirem ndi̶ghi̶n yil, ɓe see cirem nin nwam, ɗangɓe àas kì̵ mbii ɗi a kop ni kàa put. 37Katɗang a kop mee cirem nyil, ɓe ba wugha ki̶ iiko nkaa ni kas, amma wugha ki̶kop a àas ni ɓejee ɗak. Bishmee ɓe, ni a àas kì̵ shwaa, kas meeɓe mee cirem ɗiiɗik. 38Amma Naan wurin ncín mee shin ɗi nni, kaaɗi wuri kì̵ ten le ni si. Koo àas cirem ɗiiɗang ye, ɓe Naan wurin ntap cín shin ki̶ ni ɗik. 39Ba nan mo a ntiit-ntiit jir kas. Gurum mo ki̶ nan muru ɗik, ki̶ luwa mo ki̶ nan muru ɗik, ki̶ ny`er mo ki̶ nan muru ɗik, ki̶ pupwap mo ki̶ nan muru ɗik zak. 40Mun ɗi ki̶ sun ɗi mo a mu ɗengnaan, ki̶ mun ɗi ki̶ sun ɗi mo a mu yil ɗiisi zak. Amma sun funu ɗi mo a mu ɗengnaan, ret ki̶ ɗiiɗes kì̵ mo ni ɗik zak ki̶ sun funu ɗi mo a mu yil ɗiisi. 41Ret kì̵ ɗiiɗes mu puus ni ɗik, ret kì̵ ɗiiɗes mu tar ni ɗik, ki̶ mu zar mo ɗik zak, jir ki̶si, ɓe pak ret kì̵ ɗiiɗes, mu zar ni moo met nshak zak. Mo ɗi ki̶ ɗiiɗes furu mo shini-shini. 42Nin nɗee aasi zak, parpuus ɗi nyem ɗi mo kì̵ ten murap, mon nyaghal a peemúut. Kaaɗi mo wum gurum, ɓe shin fi̶ri ni wam, amma kaaɗi Naan wurin nyaghal ki̶ gurum a peemúut, ɓe ba shin fi̶ri nin mbaa wam ɗi zak kas. 43Kaaɗi mo wum gurum, ɓe nii bish naa, ki̶ ba ni ki̶ ɓal kas, amma parpuus ɗi Naan wurin nyaghal ki̶ ni a peemúut, ɓe nin yaghal a ndi̶ghi̶n ɗiiɗes, ki̶ nin nret naa zak. 44Kúm gurum ɗi moo wum ni aa shin mu nan ɓejee ɗak, amma parpuus ɗi Naan wurin nyaghal ki̶ gurum a peemúut, ɓe ni ɗen a shin mu riin. Kaaɗi sun ɗi ni a mu nan ni ɗi si, ɓe azeen-nzeen sun ɗi ni a mu riin ni ɗi zak. 45Mo kì̵ ten ran ndi̶ghi̶n takarda kì̵ Naan nee; "Naan wuri shee le Adam wuri a gurum ɗiiseen." Amma Adam ɗii mu kyes ni, wuri a Riin mu seen, ki̶ wuri cín seen ngurum mo. 46Ba gyet a ngo mu riin wuri shee j`i kas, amma gyet a ngo mu nan shee j`i ɗangɓe ngo mu Riin kì̵ baaj`i. 47Gwar ɗi gyet Naan shee le wuri, ɓe gyet Naan ɗak wuri a shi yil, amma gwar ɗiivul ni wuri tong aɗeng sham ɗi. 48Nyem ɗi mo a mu yil ni, ɓe mo a kaa gwar ɗi gyet Naan shee ɗak wuri shi yil ni si. Amma nyem ɗi mo a mu ɗeng, ɓe mo a kaa gwar ɗi gyet wuri tong a ɗeng sham ɗi si. 49Kaaɗi muu lop a sun ɗi ni a kaa mu gwar ɗi gyet Naan ɗak wuri a shi yil si, ɓe mun nyaghal mu lop a sun ɗi ni a kaa mu gwar ɗi wuri tong aɗeng sham ɗi si zak. 50Ɗyemnaa mo, wan ki̶n sat nwun agaak nee, ba gurum ndi̶ghi̶n mi̶se mu nan ki̶ toghom, mak sekop mu mulki kì̵ Naan kas. Ki̶ ba mbii ɗiiwam, nin mmak sekop a koppee kì̵ mbii ɗi ba nii kyam wam kas, zak. 51Wu lekom, ku wan sat mee mbii ɗi ni a si̶sok ɗi nwun. Ba mun jir mun mmurap kas, amma Naan wurin ncighi̶r ki̶ sun funu ni mo jir. 52Ki̶lak kaa ɗyaghapyit si, parpuus ɗi mon ntaa feer ɗii mu kyes ni, ɓe nyem ɗi mo kì̵ ten murap, mon nyaghal ki̶ seen. Ba mon mbaa wam ɗi zak kas. Ɗangɓe mon ncighi̶r ki̶ sun funu ni mo jir. 53Mpeeɗi ni a ting parpuus mi̶ni, ɓe sun funu ɗi mo a mu wam, mon nlop sun ɗi ba mi̶ni mon nkyam wam kas zak, ki̶ sun funu ɗi mo a mu muut, ɓe ba mon nkyam murap kas zak. 54Aɓwoon ɗi sun funu ɗi mo a mu wam, mo lop sun ɗi ba mon nkyam wam kas, ki̶ sun funu ɗi mo a mu muut, mo lop sun ɗi ba mon nkyam murap kas zak. Ɗangɓe sumpo ɗi mo kì̵ ten ran ni ndi̶ghi̶n takarda kì̵ Naan nin ngam ɗi, ɗi ni sat nee: "Mo kì̵ tu muut hakyeng ki̶n ndi̶ng-ndi̶ng. 55Muut, koghorong fii ni a neye? Muut, ɓal fii ɗi wii twa gurum mo ɗishik si ni a neye?" 56Ɓal mu twapee kì̵ muut ni a shikbish, ki̶ a mpee Waar ɗangɓe shikbish ni kat iiko. 57Amma yaksi, mu pi̶lang Naan, ɗi wuri cín se koghorong mmun ndi̶ghi̶n Daa funu Jesu Kristi. 58Mpeemi̶ni ɗyemnaa mo, wu ɗar ɓal-ɓal. Taji wu le ku mee mbii tup wun kas. Amma wu sat a nc`in ɗak mu Daa shidaar-shidaar, mpeeɗi wu man nee, koo a ɗak ɗiiɗang ye ɗi wuu c`in ni mpee Daa, ɓe ba nin nkyam ɗee a mbii ɗiibuu kas, koo diɓen

will be added

X\