1 Koronti 13

1Katɗang wan mak katpo shi li̶po mu gurum mo, ki̶ mu nyemlop kì̵ Naan mo, amma katɗang ba wan ki̶ wal ndi̶ghi̶n putughup fi̶na kas, ɓe wan ɗee a kaa wal ki̶ garwa ɗi nin nfii si, koo kaa wal kì̵ kunguleng si. 2Katɗang ɓe wan ki̶ zughum mu satpo kì̵ Naan nkaa mbii ɗi mon ndung j`i, ki̶ wan manshii kì̵ mbii ɗiisi̶sok mo, har ki̶ kaghar seen mo jir, ki̶ koo ɗi wan ki̶ cínzeen ɗi ni le ku wan sat njwak mo yaghal aku, a peeɗi mo ɗi, ɓe katɗang ba wan ki̶ wal ndi̶ghi̶n putughup fi̶na kas, ɓe ba wan a mee mbii kas, koo diɓen. 3Koo ɗi wan cín long fi̶na mo jir ngurum mo shi zughum, ki̶ koo ɗi wan cín san fi̶na mpeku mo wus ni ɗi, ɓe katɗang ba wan ki̶ wal kas, ɓe ba nii mee koghop pe wan ɗi kas, koo ɗiɓen. 4Wal ni a gung mbii mo, ki̶ naajeel kì̵ gurum mo zak. Ba wal ni ki̶ c`in zughur koo canjagham kas koo wup nsat kas. 5Ba wal ni ki̶ roghop, koo toklong ngurum mo kas. Ba wal ni ki̶ ɗar a nkaa mbii ɗi mo ret ni nyit ɓejee ɗak kas. Ba wal ni ki̶ langtughup, koo ni wet nyaa shikbish ɗi gurum kì̵ ni mputughup kas. 6Ba wal ni ki̶ kat retnyit ki̶ mbii ɗiibish mo kas, amma wal nii kat retnyit a ndi̶ghi̶n mbii ɗi mo azeen. 7Wal ni ki̶ gung ndi̶ghi̶n mbii mo jir, ki̶ nii cínzeen ndi̶ghi̶n mbii mo jir zak. Wal nii canciin ndi̶ghi̶n mbii mo jir, ki̶ nii yaa sat ndi̶ghi̶n mbii mo jir. 8Ba wal nii kyam taa kat kas. Ba wal nii kyes kas, har ngaa-ngaa. Amma satpo kì̵ Naan nkaa mbii ɗi mon ndung j`i mon nɗel so, ki̶ zughum mu iiko mu katpo shi li̶po mo shini-shini, mon nɗel so. Manshii kì̵ mbii mo, ɓe mi̶ni nɗel so zak. 9Azeen ba man funu ni a ɗi gi̶gam kas, ki̶ zak, satpo kì̵ Naan nkaa mbii ɗi mon ndung j`i, ba ni a ɗiigi̶gam kas. 10Amma katɗang parɗi ngo ɗi wuri a ɗiigi̶gam wurin nj`i, ɓe mbii ɗi ba mo a ɗiigi̶gam kas, mon nɗel so si. 11Kaaɗi gyet wan kuɗi a làa, ɓe wan ki̶n katpo a kaa làa si. Wan ki̶n c`in a pan kì̵ jep mo ndi̶ghi̶n putughup fi̶na, ki̶ zak, wan ki̶n c`in mbii mo a kaa làa si. Amma, yaksi kaaɗi wan a ngunan, ɓe wan yit ɗak ɗi mo a mu jep mo jir. 12Mbii ɗi muu naa mo yaksi, ɓe muu naa mo a shir-shir kaaɗi muu naa muriin ndi̶ghi̶n mbii naayit ɗi ba ni naapee riret kas si. Amma parmeeci ɓe mun nnaa mbii mo riret shi yit ki̶ yit. Yaksi ɓe mbii ɗi wan man mo akáa-akáa ɓejee ɗak, amma parpuus mi̶ni ɓe wan mman mbii mo ndi̶re-ndi̶re jir, kaaɗi Naan wuri kì̵ ten man wan si. 13Mbii mo ɗi kun, ɗi ba mon nkyam ɗel kas, mo a cínzeen, ki̶ canciin, ki̶ wal, amma wal ni ɗes met mmo jir.

will be added

X\