1 Koronti 12

1Ɗyemnaa mo, po nkaa zughum ɗi Riin kì̵ Naan wurii cín ngurum. Ba wan riɓet ku wu nook manshii ni kas. 2Wu man nee, kaaɗi gyet wu kuɗi a nyemseyil nk`um mo, ɓe wuu seyil nk`um ɗi ba mo ki̶ seen kas, shi ar mo shini-shini. 3Wan riɓet ku wu man nee, ba mee ngo, ɗi wurii katpo shi Riin kì̵ Naan, wurin mmak sat ne Jesu wuri a mbii fulup kas. Ki̶ ba mee gurum mak c`in langting nee, "Jesu wuri a Daa." Katɗang ba wurii mwaan a ndi̶ghi̶n Riin kì̵ Naan kas. 4Zughum ɗi Riin kì̵ Naan wurii cín ngurum mo, mo ɗi shini-shini, amma a Riin ɗiimi̶ndong wurii cín mo ngurum mo. 5Ɗak mo ɗi shini-shini, amma Daa a mi̶ndong. 6Man ɗi gurum moo c`in ɗak ɗishik mo shini-shini, amma a Naan ɗiimi̶ndong wurii c`in man ni ngurum mo, mpeku mo c`in ɗak ni ɗi. 7Riin kì̵ Naan wurii kám shin ngurum mo ndi̶ghi̶n ar mo shini-shini, mpeku mo c`in ɗak ɗi nin mɓam niyee mo ɗi jir. 8Mee gurum, ɓe Riin kì̵ Naan ni cín a zughum mu man satpo nwuri shi seen, ki̶ mee gurum ɓe Riin ni c`in a zughum mu man mbii nwuri. 9Mee gurum, ɓe Riin ni cín a zughum mu cínzeen nwuri, ki̶ mee gurum ɓe Riin ni cín a iiko nwuri mpee bar nyemgok mo. 10Mee gurum ɓe Riin kì̵ Naan ni cín a zughum mu c`in mbii aapo nwuri, ki̶ mee gurum ɓe Riin kì̵ Naan ni cín a iiko mu satpo Naan ngo ni. Mee gurum ɓe Riin wuri cín a man mu ɓàkyit nzughum ɗi mo put a pe Riin kì̵ Naan ɗi, ki̶ riin ɗi ba mo put a pe Naan ɗi kas zak. Mee gurum ɓe Riin wuri cín a zughum mu katpo shi li̶po mo shini-shini ngwar mi̶ni. Mee gurum zak, ɓe wuri cín a zughum ɗii mu manshii kì̵ pi̶ring ki̶ li̶po mu gurum mo shini-shini ngo ni. 11A Riin kì̵ Naan ɗiisi wuri mi̶ndong, ɗi wuri cín zughum ɗiisi mo ngurum mo shini-shini zak, kaaɗi wuri naa ni ret nwuri nyit si. 12Kristi wuri a kaa shin kì̵ gurum si. Kaaɗi wu man nee, shin kì̵ gurum ni ki̶ ɓeep mo ɗes, amma jir ki̶si ɓe shin kì̵ gurum ni a mi̶ndong ɓejee ɗak, koo ɗi ni ki̶ ɓeep mo shini-shini. 13Mo c`in baptisma mmun jir a ndi̶ghi̶n Riin ɗiimi̶ndong, aasi ɓe mu ɗee a ɗiimi̶ndong, koo ɗi mun a nyem Yahudi mo, koo ɗi ba mun a nyem Yahudi mo kas, koo ɗi mun a ki̶rom mo, ki̶ koo ɗi mun a jeplu mo zak. Mun jir, ɓe muu ten mu lap a Riin kì̵ Naan ɗiimi̶ndong. 14Ba shin kì̵ gurum ni ki̶ ɓeep a mi̶ndong ɓejee kas, amma ni kì̵ ɓeep mo a ɗes. 15Katɗang shii sat nee; "Ba wan a sar kas, mpeemi̶ni ɓe ba wan a memee mɓut shin kì̵ gurum kas." Koo ɗi shii satpo mi̶ni, ɓe ba nin nnook ɗee a memee mɓut ɓeep mu shin kì̵ gurum kas. 16Ki̶ zak, katɗang ɓe kom sat nee, "ba wan a yit kas, mpeemi̶ni ɓe ba wan a memee mɓut shin kì̵ gurum kas." Koo ɗi kom satpo mi̶ni, ɓe ba kom nin nnook ɗee a memee mɓut shin kì̵ gurum kas. 17Katɗang ɗi shin kì̵ gurum ni a yit jir, ɓe ɗi gurum ki̶ ki̶lingpee a shi meye? Katɗang ɗi shin kì̵ gurum a kom jir ɓejee, ɓe ɗi cirang gurum nki̶ling ɗu kì̵ mbii mo ɗi ye? 18Amma Naan wuri leɓeep mo shini-shini ndi̶ghi̶n shin kì̵ gurum, kaaɗi wuri naa ni ret nwuri nyit si. 19Katɗang ɓe ɗi ɓeep ni a mi̶ndong ɓejee ɗak, ɓe ɗi shin kì̵ gurum ni a neye? 20Kaaɗi ɓeep kì̵ gurum mo ɗi ɗes, amma ɓe shin kì̵ gurum ni a mi̶ndong ɓejee ɗak, 21mpeemi̶ni, ɓe ba yit mmak sat nsar nee. "Ba wan ki̶n riɓet wii kas." Ki̶ zak, ba káa mmak sat nshii nee, "Ba wan ki̶n riɓet wii kas." 22Azeen-nzeen, ba ni aasi kas, mpeeɗi rep ɓeep ɗi muu naa mo kaa ba mo ki̶ ɓal kas si, ɓe mo ki̶ koghop ni ɗes mpee shin kì̵ gurum. 23Ki̶ muu tap ki̶ ɓeep ɗi muu ɓák mo ɗes zam. Ɓeep ɗi mo mɓut nsun funu mo, ɗi ba mo ret naa kas, ɓe muu tap ki̶ mo riret. 24Amma ba muu cín ɗiiɗes mi̶ni mɓeep funu ɗiiret naa ni mo kas. A Naan wurii tap leshin kì̵ gurum aasi, mpeku ɓeep ɗi ba mo ki̶ ɓal kas, ɓe mu tap ɗi ki̶ mo riret zak. 25Mpeku taji mee ɓàkshak yaghal ndi̶ghi̶n shin kì̵ gurum kas. Amma koo a ɓeep ɗiiɗang ye ɓe nii tap ki̶ gi̶ni̶ghi̶n. 26Katɗang jeel taa nkaa mee ɓeep ni, ɓe kaghar ɓeep ni mo jir mon nshwaajeel ni. Amma katɗang mo kwoop mee ɓeep ni, ɓe kaghar ɓeep ni mo jir, mon nc`in retnyit ashak ki̶ ɓeep mi̶ni. 27Wun jir wun a shin kì̵ Kristi, koo a weye ndi̶ghi̶n wun, ɓe wuri a memee mɓut mɓeep fi̶ri. 28Ndi̶ghi̶n Eki̶lisya, ɓe Naan wuri kì̵ bi̶lip gurum mo le shini-shini. Ɗin nshee, ɓe wuri kì̵ bi̶lip jeplop kì̵ Jesu mo, ɗiivul, ɓe wuri bi̶lip nyemsatpo kì̵ Naan mo, ɗiikun, ɓe wuri kì̵ bi̶lip nyemkám mo. Ki̶ wuri bi̶lip nyem c`in ɗak mu mbii aapo mo. Ɗangɓe wuri kì̵ bi̶lip nyem bar gurum mo, ki̶ nyemɓam gurum mo, nyemnaa gurum mo, mpeku mo c`in ɗak ɗi ndi̶re-ndi̶re, ki̶ nyemkatpo mo shi liispo mo shini-shini zak. 29Ba a gurum mo jir a jeplop kì̵ Jesu kas. Ba a gurum mo jir mo a nyemsatpo kì̵ Naan kas. 30Ba a gurum mo jir, ɗi moo c`in ɗak ɗii mu aapo kas. Ba a gurum mo jir, ɗi mo mak yakshii kì̵ mbii ɗi moo sat shi liispo mo shini-shini kas. 31Amma ni ret ku putughup fuu mo ɗee a nkaa zughum ɗi mo ki̶ koghop ni met ndi̶ghi̶n zughum ɗiisi ni mo. Yaksi, ɓe wan nkám wun mee mbii ɗi ni ret ku wu c`in met kaghar mbii mo jir.

will be added

X\