Yuuta 1

1Anii :nyoo Yuuta, ng'eetaab kaametiitaab Yāākōbō, nyēē āyēyē yiisyēētaab Yēēsu Kiriistō. Āsirwook akweek biiko choo /kikeekweyaak ānkuchāmook :Baaba Yēyiin ānkuriibook :Yēēsu Kiriistō. 2Kuriireenaak :Yēyiin miisin ānkukōōnook kaalyeet āk chamateet. 3Mbo ng'eetaabiya, ānkoo kāāmāchē miisin āsirwook kiyēē rubtooy keey āk soboonto nyēē lēēl nyoo kēēboontē :tukul, kaakas kule māchāktōōs āsirwook kuu nyi ākiimook sōōbooryē ōriib kāānēētuutēchoo kyōōyēnchi choo kiikoochinē :Yēyiin biikyii. 4Kōōkuwoow keey :biiko alake chēē moosē chamateetaab Yēyiintēēnyoo sukunyōōr tiiyēywoontēēt nyēē yēētēē keey ām ng'ōōkiswookikwaa chēē yēyē, ankutay Yēēsu Kiriistō nyoo :inee nkit Mokoryoontēēnyoo nyoo bāwu kiy ake tukul. /Kisimkeesir kēny kule +/makiiruusta bichoo. 5Ānkoo ōnkētē sinee :akweek ng'aleechu, āmāchē āsōōtwook kule kisār :Yēyiin biikyii kung'ēētyēē Miisir, nto ām lētuunoo kichākōōmukuus biiko choo mēēbērē kiiyēnchi inee. 6Ōsōōtyēēchi baa :akweek malayikaanik choo kikeeytee kāāmuukēywēēk choo /kikiitōōrtoochinē, nto yooto kubakaakta wōlēē kiminyē. Kiikoochi :Yēyiin malayikaanichaa wōlēē mēēnān ānkurātootiin ām nyōrōōrōōnikaab kibchuulyo ākoy bēsyoonoo wōō nyoo +/mabakiiruustee. 7Okas mbo subak kiyēē kiyeyakay ām Sotooma, Komoora ākoo kiriinkōōsyēchoo kilēēkitēē yooto. Kisikōrākiis :nkicheek biikaab kiriinkōōsyēchoo ankuyey ng'aleek chēē rubtooy keey āk martaayeet. Yooto /kiing'woonchi bichoo kulāyo ām maataab kibchuulyo. Iboorwēēch :yooto kule +/mākiing'woonchi biiko choo kayey ng'aleek chēē wuu chooto. 8Ām ng'aleek chēē wuu chooto, nyēērēē :ng'oomng'ookichoo bōōrwoonikwaa ām choolwookātēēt nyoo yēyē. Mōōntooy :bichoo kāāmuukēywēēkaab Yēyiin ānkung'āloolēē nyēē miyaat malayikaanik. 9Ānkoo mbo yoo kikwiilē keey :Mikāyēēl, malayikaanaa wōō, āk Kibrōkōsyoontēēt kubo muustaab Muusa, kiiywey kumwoochi Kibrōkōsyoontoonoo ng'aleek chēē miyootēch. Kimwoochi kule, "Iburyoong'tiing' :Yēyiin." 10Nteenee chubē :bichoo mbo ng'aleek chēē -mēēnkētē. Imukuusē bichoo mbo :ng'aleek choo kāsēē moonikwaa kuu tyoong'in. 11Lēyyē, ng'woonin nyēē tyaa nyēē mākunyōōr :bichoo! Kaakurub kēēltaab Kaayin. Kāākōōroonchi kukusta kuu Balaam kuuyu boonto muchastaab beesaanik. Kāākukāwōōtēn :bichoo kuu yoo kikāwōōtēnē :Koora ānku +/mākiimukuus nkicheek kuu yoo /kikiimukuusē Koora. 12Biich :bichoo chēē mānyoolu ām kaabsaakwa nyēē choomnyēē :biiko. Yoo ō-āmiisyē :tukul lāklākānē āmiik nyēē māmuytōōs. Kerkeey :bichoo bool chēē iwuuyē :yoomat chēē māboonto roob. Kerkeey keet chēē māboonto āmit ānkoo ku bēsyōōsyēk chooto chēē yēyēē āmiik, anku wuu nyēē /kikeeng'ey ānkiikubēk areet āyēēng'. 13Kerkeey :bichoo wusōōnēētaab araarayta nyēē nyēērunoot nyēē tooku :bukaanteet kubo tukuuk chēē yēyē chēē mānyoolu. Kerkeey :bichoo kookeelik chēē wooliinkēnootē chēē kiikukōnōrchi :Yēyiin mēēnānēēt nyēē tuuy miisin ākookoy. 14King'oor :Enok, tilyaanaa kibo tisab ām areetaab Atam, ng'aleekaab bichuutēchu. Kimwooy kule, "Okas! Mākuchōōnto keey :Mokoryoontēēt lukēētaab biikyii chēē chaang' miisin 15chēē kwoonii bākōōtiilchinē chii ake tukul ng'aleek chēē kiikuyey, āk subak bākōōruustooy biiko tukul choo mā bo Yēyiin ām rōkōsng'waa nyēē kiikuyey, ākoo ng'aleek tukul choo miyootēch choo kiikumwooy :bichoo kumoolootēē Yēyiin." 16Ing'unyng'uung'tōōs :bichu kwaak ānkung'āloolootēē nyēē miyaat biiko alak. Rubē :icheek muchasng'waa nyēē samis. Ng'āsootē keey ānkōōchooytooy alak sukuboorēē :icheek yooto. 17Nteenee, ii, chōōrōōnuutēkyuu, -mōōwuutyēē kiyēē kisimkumwooy :lēbkēēyikaab Mokoryoontēēnyoo Yēēsu Kiriistō. 18Kimwoowook :bichoo kule, "Ām bēsyōōsyēkaab lētuut mākutook :biiko chēē mākōōnchuruurook kuyēyē kuu nyooto kubo muchastaab ng'aleekwaa bo rōkōsto." 19Biiko chēē wuu chuutēchu chēē yibu bcheyateet. Rubē :bichooto ātēbuutēkaab biikaab kōōrēēt, biich chēē māboonto Tāmirmiryēētaab Yēyiin. 20Nteenee, lēyyē, akweek chōōrōōnuutēkyuu, ōtitiir keey ām kaakaaseeng'woong' nyēē tiliil ānkōōsooyē ām Tāmirmiryēētaab Yēyiin. 21Ōriib keey sōōbuurtē chamateetaab Yēyiin yooto ōmiitē ōkānyē bēsyoonoo chōōnii :Mokoryoontēēnyoo Yēēsu nyoo riirēēnook ānkuchākukōōnook soboontaab kibchuulyo. 22Ōriirēē biiko choo botyinē :tonkoy ām kaakaaseeng'waa. 23Ōsōru biiko choo kariik kōōsuuchi ma. Ōriirēē ām muyātēēt biiko choo choolwookēnootē ānkōōwēchē ātēbuutēkwaa choo miyootēch. 24Kutōrōriit :nyoo imuuchē kuriibook simōōsuuytē, ankoomutaak ōtiliilēch boong'erechee taayeenyii ām Barak. 25Kutōrōriit :Yēyiin nyoo akeenke nyoo kiiraraacheech kubununēē Yēēsu Kiriistō Mokoryoontēēnyoo. Wōō Yēyiin. Boonto :inee kāāmuukēywēēk tukul. Kibāwu :inee tukuuk tukul kēny, bāwu tukuuk tukul raat ānku mākubāwu tukuuk tukul ākookoy. Wuu nyooto.

will be added

X\