3 Yoowaana 1

1Anii nyoo boontēēt. Āmiitē āsiruung' inyiing', choorweenyuu Kāyō, nyoo āchāmiing' manta. 2Choorweenyuu, āsooyē Yēyiin kule inyōōru bāybooyyēēt āk kaalyeet ām kiy ake tukul nyēē iyēyē. Ānkētē kule imiitē iriibē nyēē karaam ng'ālyoontēētaab Yēyiin. 3Kōbākumwoowoo mbo :ng'eetaabiya alake wōlēē iriibtooy ng'ālyoontēētaab manta. Kunyoo, ang'erechaat miisin. 4Māmii :ng'erekweek alake chēē āboontē kusiir chēbo akas kule mii :lōkōkyuu kubēēsyētēē manta. 5Choorweenyuu, imiitē iyēyē kiyēē karaam. Itoochē mbo :ng'eetaabiya ānkoo ku tāyēēk ām wōlēē imiitē. 6Kōōkumwoochi :icheek biikaab Yēyiin kurubta keey ākoo chamateeng'uung'. +Meeyey nyēē karaam, yoo kēēyoomiis tāyēēchu ām kēēlto nyēē ing'ērēēchē Yēyiin. 7Ki kubo kaayneetaab Yēēsu, yu sukuba :bichoo nyēē manaamach kuyēētyēēchi :biiko choo manaanam ng'ālyoontēētaab Yēyiin. 8Kunyi, māchāktōōs kēēyēētyēēchinē biiko chēē wuu chooto sukung'eet kēēyēyiisyē :tukul kubo ng'ālyoontēētaab manta. 9Kyāāsirchi barwa biikaab Yēyiin ām wōloo imiitē, nteenee mākāswēēch :Tyooturefe nyoo kicham kuyēyē keey kuyēk kāāntōōyiintēēng'waa. 10Kunyi, yoo kāāchōō, +māchāāsyooru kiyēē mii kuyēyē. Kiitoomchēēch ng'ālyoo nyēē miyaat. Mēēbērē mbo nyoo baateey, māchāmē mbo kut kutorooch mbo ng'eetaabiya choo kēēytooy. Kērēktooy mbo subak choo māchē kutōrōōkiis nto yēē katorooch /kēēchēkwēytēē wōlēē mii :biikaab Yēyiin. 11Choorweenyuu, -meerub tukuuk chēbo ng'ōōki, nteenee iyēyē chēē kāroomēch. Chii nyoo yēyē tukuuk chēē kāroomēch ku bo :chiichoo Yēyiin. Nto nyoo yēyē chēbo ng'ōōki, -mēēnkētē :nyoo Yēyiin. 12Ng'āloolēē :chii ake tukul Tēmētēēryō nyēē karaam. Nto subak ibooru mbo wōlēē rubtooy :inee ng'ālyoontēētaab manta. Kēēng'āloolēē :nkacheek nyēē karaam, ānkiinkētē :inyiing' kule man :kiyēē kēēmiitē kēēmwooyē. 13Kātāāboontē ng'aleek chēē chaang' chēē kātāāmāchē tāāsiruung', nteenee -māāmāchē taasiruneeniing' kalaamuut. 14Ābērē machaakasiing' ku lēēkit subakyaam tukwaay lōkōōy. Ibuurtē tāloosyēēt. Isubooyiing' :chōōrōōnuutēk ām wōli. Kunyi, isubaay :nkinyiing' choorwa ake tukul ām wōloo.

will be added

X\