1 Panganak Tuhan na kam landuˈ kinalasahan, angkan kam subay ameyaˈ-meyaˈan kajarihanna. 2 Subay kam alasa na paˈin, buwat kalasa Al-Masi ma kaˈam. Bay paglillaˈna baranna ni kamatay ma sababbi, tinukbal ni Tuhan saliˈ dalil pagkulban, saliˈ lalabotan ahāp hamutna pamasulut atay Tuhan. 3 Kaˈam ilu, pagka kam palsukuˈan Tuhan, subay mbal na maghinang kalaˈatan dˈnda maka lˈlla atawa maghinang kahinaˈan, atawa dumasiyaw magnapsu ai-ai. Mbal tapagsuli-suli saga kahinangan buwattēˈ. 4 Mbal apatut isab bang kam maglakaˈ-lakaˈ atawa magsuli-suli karupangan atawa maglata kasabulan. Ya patut hinangbi magsukul ni Tuhan. 5 Pataˈu kam toˈongan, sasuku maghinang kasabulan, atawa magkahinaˈan dˈnda maka lˈlla, atawa bahaya pilak, napsuna ya pagtuhanan aˈa inān. Tantu halam aniyaˈ lamudna ma deyom pagparintahan Al-Masi maka Tuhan. 6 Painsap kam boˈ mbal kaˈakkalan eˈ bissala halam pūsna. Hakaˈanta ka, dusa buwattēˈ ya sababan angkan pinataluwaˈan mulkaˈ eˈ Tuhan saga aˈa agagga ma iya. 7 Angkan kam bandaˈanku, daˈa kam palamud ma saga aˈa buwattēˈ. 8 Tagnaˈ, bay kam sapantun ma deyom kalendoman, sagōˈ ma karantaˈan na kam sabab Panghūˈ Isa ya pasōranbi. Subay ahantap maka asaltun kajarihanbi pagka kam aˈa ma deyom karantaˈan na. 9 Sasuku ma deyom karantaˈan, kahāpan maka kaˈadilan maka kasabˈnnalan ya kamattihanna. 10 Panuyuˈinbi ai-ai makasulut atay Panghūˈtam. 11 Daˈa kam palamud ma hinang halam pūsna, ya nihinang na paˈin ma kalendoman. Padpad kam palamud, gom paˈin patanyagunbi laˈatna. 12 Makaiyaˈ-iyaˈ ya nihinang eˈ saga aˈa ma deyom limbung, subay mbal minsan pinagsuli-suli. 13 Sagōˈ taˈndaˈan di-na ai-ai kamemon bang taluwaˈ kasawahan, 14 sabab asawa asal. Angkan takallam ma ayat Kitab, ya yuk-i, "Kaˈa atuli ilu, abatiˈ na ka. Pabangun ka min kamataynu, ati taluwaˈ ka kasawahan Al-Masi." 15 Jari pahatul-hatul kam boˈ ahāp bowahanbi ma kaul maka piˈil. Palalomunbi akkalbi, daˈa beyaˈ-beyaˈunbi akkal karupangan. 16 Tukirinbi hinang ahāp sakahabaˈ waktu, sabab aheka kalaˈatan nihinang ma patahunan ītu. 17 Daˈa kam magkarupangan, sagōˈ patukid kam anganad bang ai kahandak Panghūˈtam pamahinangna kaˈam. 18 Daˈa kam maglango binu sabab makamula koˈ inān. Ahāp lagiˈ kam kahōpan eˈ Rū Tuhan. 19 Bang kam maglanggal maka pagkahibi jamaˈa Al-Masi, paggunahunbi bissala min Kitab, maka kalangan ginisan pamudjibi Tuhan. Magkalangan kam pamudjibi Tuhan, pamaheyabi iya, luwas min bowaˈbi maka min deyom ataybi. 20 Subay kam magsukul ni Mmaˈtam Tuhan sakahabaˈ waktu ma pasal ai-ai kamemon, sabab Panghūˈ Isa Al-Masi ya pamanyabutanbi. 21 Subay kam magmalulus dangan maka dangan, pagka Al-Masi ya pagtaˈatanbi. 22 Kaˈam karˈndahan, subay asulut ma kabayaˈan hˈllabi, buwat kasulutbi ma Panghūˈtam. 23 Hˈllabi ya pagmakōkanbi, buwat Al-Masi ya pagmakōkan ma kitam saga aˈana. Manglalappas asal iya. 24 Magmalulus ma iya saga jamaˈana kamemon, damikiyanna kaˈam karˈndahan subay magmalulus ma hˈllabi ma ai-ai kabayaˈan sigām. 25 Kaˈam kalˈllahan, kalasahinbi hˈndabi, buwat ka-eˈ Al-Masi alasahan kitam saga aˈana. Bay paglillaˈna baranna pinapatay ma sabab kitam, 26 supaya kitam pinasukuˈ ma Tuhan sadja. Sinussi kitam eˈ Al-Masi min lapalna maka min boheˈ, 27 boˈ supaya halam aniyaˈ dusa panāˈan kitam, maka halam aniyaˈ tamaktam, atawa limpaˈ atawa sallaˈ. Jari aninag kitam kajamaˈahanna ati tinaimaˈ eˈna sapantun pangantin dˈnda. 28 Damikiyanna isab kaˈam kalˈllahan, subay alasahan hˈndabi buwat eˈbi alasahan baranbi. Bang kam alasa ma hˈndabi, saliˈ kam alasahan ginhawa-baranbi. 29 Sabab halam aniyaˈ abˈnsihan baranna, gom paˈin pakanna maka pahilalaˈna pahāp, buwat kapahilalaˈ Al-Masi ma kitam saga jamaˈana, 30 sabab sapantun kitam pagdayaw baranna. 31 Tasulat koˈ itu ma deyom Kitab, ya yuk-i, "Ya na itu sababanna angkan aˈa angˈbba min inaˈ-mmaˈna, boˈ papūn ni hˈndana. Jari dabaran na sigām karuwangan." 32 Alalom bissala inān, mbal agon tahati. Bang ma bistahanku, Al-Masi maka kajamaˈahanna ya sinambat inān. 33 Malaingkan kaˈam kalˈllahan subay alasahan kahˈndaˈanbi buwat eˈbi alasahan baranbi, maka kaˈam karˈndahan subay magaddatan kahˈllaˈanbi.
