1 Sulat itu min aku, si Paul, maka min seheˈku si Silas maka si Timuti, pinasampay piˈilu ni palhimpunan Tessaloneka, ya sukuˈ Mmaˈtam Tuhan maka Panghūˈtam si Isa Al-Masi. Mura-murahan, bang paˈin kam pinaniyaˈan tatabangan maka kasannangan. 2 Magsukul kami ni Tuhan ma sababbi sakahabaˈ waktu kapangamuˈ-ngamuˈ kami ni Tuhan. 3 Nientom kam ma alopan Mmaˈtam Tuhan, nientom kahāpan ya hinangbi luwas min pangandolbi, nientom pagsangsāˈbi ma sabab lasabi ma iya, maka kahogot imanbi isab ma sabab Panghūˈ Isa Al-Masi ya pangasahanbi. 4 Saga dauranakan, kaˈam kinalasahan eˈ Tuhan, kataˈuwan kami in kaˈam bay tapeneˈ eˈna. 5 Sabab nggaˈi ka pangupama manusiyaˈ ya panganasihat kami ma kaˈam, sagōˈ lapal abarakat bay min Rū Tuhan, angkan ahogot pagsabˈnnalbi. Kataˈuwanbi bay bowahan kami waktu katˈnnaˈ kami ma kaˈam boˈ ahāp kahālanbi. 6 Bay sunuranbi kajarihan kami maka kajarihan Panghūˈtam. Minsan kalabayanbi katiksaˈan abisa, tinaimaˈ eˈbi lapal itu, lāgi kinōgan kam sabab min Rū Sussi. 7 Angkan buwattinaˈan, kaˈam ya panunuran eˈ kamemon saga aˈa magpangandol ma lahat Makidunya maka ma lahat Akaya. 8 Pasaplag isāb lapal pasal Panghūˈ Isa sabab min kaˈam, pasampay ni kaluhaˈan lahat Makidunya maka Akaya. Nggaˈi ka hal jadjahan inaˈan, pasaplag habal pasal pangandolbi ni Tuhan ni sabarang lahat. Minsan kami mbal na ahˈlling, 9 sabab amissala na paˈin saga aˈa inān pasal kapanaimaˈbi ma kami. Tabissala pasal kapangˈbbabi min taˈu-taˈu ya bay pagtuhananbi tagnaˈ boˈ kam papinda angisbat Tuhan bˈnnal, ya kakkal salama-lama. 10 Angagad konoˈ kam ma waktu kapiˈitu min sulgaˈ Anakna, ya bay pakallumna min kamatayna. Si Isa koˈ inān, ya angalappas kitam min mulkaˈ song pinatˈkka ni saga manusiyaˈ.
