James 5

1ኧዃም ደንገነ አኹ ኔኹ ስሞ፤ ያጨንቅ ግርድ ይቸንብኹ የኸሬ ኦኖም ብኾ። 2ዱንያኹ እንም ብሰበሰም ተብላሸም፤ ዀጅራኹም ንቅስ ᎄናንም። 3ወርቃኹም ብራኹም ᎄሸ ባረም፤ ᎄሸ የባሬም ምስክር ይኸርብኹቴ፤ ሰብነትማኹ እሳት ኸማ ይᎀⷍንቴ፤ የዝም የቀጥወ ዘበር ብዘ ዱንያ ስበሰብኹም። 4ቢኸርም በቹቻኹ ቲቾቶ የዋሮ ሜነነ ዋጋዀና አንካስኹኖዌ ማተቦም ቲያኸሮ ይትሰማ፤ ዝነ ይስበስቦንኩኽኖም ኦያት ንቅ የኸረ እግዘር ሰማም። 5አኹ ተመቸናኹም ቲሽርኹ በምበሮት ⷕናኹ ያርጭዬ ያፈቈሪ መሴና ኸማ አፈቀርኹም። 6የፃዲቅ ሰብ በፍጥር ፈንድኹᎌም፥ ቀጠርኹዊም፤ ዀትም ኤያትቋናኹ። 7ጐፔቾ ኼታ የⷘታ ተኖተታ ፍረኾም ቀሮ፤ ቸዋች ይፍትወረርም የቀጥወም ዝራብ ቲረኽብ ዳር ፈነኸም ወኼ ያፈር ᎃርት ይቅየ። 8አኹም የኽክም ፍረኾ፤ ⷘታ ይቸንወ ወክተታ የትⷀነቤ በተስፋ ተቋመሮ። 9ጐፔቾ ባኹ ቤትፈንድብኹዌ አኹም ታኹ አትጭቃጨቆ፤ ይፈርድዀታ ይቸንወ ወክተታ ሰናም። 10ጐፔቾ ይእግዘር ሽም ነሶም የዝረከቦ ነቢ የሰናቦ መከራ ፈነኾም የትⷀፐሮዌ ወኼ መሰሮ የኸሮ ኸማ ኻሮ። 11የኽክም በፍረኾት የትቋመሮ "የትዳሮሎ" ንብኔዮ፤ እዮብ መምር የፈነኸ ኸማ ሰማኹም። እግዘር የቀጥወ የቾተለ ወኼ ዘንጋ አሸኹም፤ በዝመታ እግዘር ይመርም ሜራም የኸረ ኸማ አሸኹም። 12ጐፔቾ ትንም ይፍቴ በሰሜ ዌም ባፈር ዌም ብንጐድ በሟኒም ዘንጋ ተየ እንተነኹ፤ ጮዳኹ ውረም በኸረ ውረሙ በሮ፤ አንኸረ በኸረ አንኸረ በሮ። እካ ባንኸረ ጭን ይትፈንድብኹ። 13ታኹ ግብት ያጐነን ሰብ ቢረብር ይእግዘር የጠስ፤ የሳረን ሰብ ቢረብር ይእግዘር የሽርት ዝምራ ያዝምር። 14ታኹ ግብት የⷀᎀን ሰብ ቢረብር የቤተክርስቲያን ባሪቅ የዀትኼ የጥራ፤ ኽኖም በⷘታ ሽም ዘይት የቅቦም ጠሎት ያምሮለ። 15ዝካ ብእግዘር ተᎀᎀርም ይጨሺ ጠሎት የⷀᎀን ያተርፍ፤ ⷘታም ተባሸታ ያተርᎋን፤ የቾተን ባጢርም ቢረብር አፍ ይውሪ። 16አኹም ትተርፎዌ አኹም ታኹ ባጢራኹ ተራዘዞ፤ ታኹም ያታተታ ይንጐደታ ጠሎት ያሚ፤ የፃዲቅ ሰብ ጠሎት ብዘ ቃር ይቾቴ ንቅ ደረግ ነረን። 17ኤልያስ ይናም ኸማ ሰብ ባነ፤ ቢኸርም ዝራብ ቤዘርቤ ንቃር ጠሎት ቤፐ ግዝየ የሶስት ዘበር ተግብት ባፈር ᎈር ስርም ዝራብ አንዘነበ። 18ዠፐረም ጠሎት ቤፐ ግዝየ ሰሜ ዝራብ አበም፤ አፈርም ኻበም ᎃርት አበም። 19ጐፔቾ ታኹ አተታ ተውረም ኤማ ተሳሰተም ቢወጣ እንጐደታ የውረም ኤሜ ቢዠᎏን፥ 20ባጢረተነ ተትሳሰተወ ኤማ የዠፐረዀታ የባጢረተነ ነብስ ተሞት ያተነᎈን ኸማ ዀትም ብዘ ባጢር አፍ ይውሪ ኸማ የኻር።

will be added

X\