MATIYO 15

1Hapa--eg, ma--in nakalateng ya Pawparisiyo boy mawmangitorò nin kawkapanogo--an ya na-ibat ha siyodad nin Hirosalim ya nagpastang koni Apo Hisos: 2"Antà nin hay aw-alagad mo," wanla, "ay ahè anhomonol ha kawka-ogali--an ya na-iknawan ha kawka-apo-apowan tamo, ta ampangan hila nin ahè ampag-ibano kompormi ha kawka-ogali--an tamo?" 3Tinombay konla hi Apo Hisos, "Antà man hikawo ay anlomabag ha pawpanogò nin Diyos ta hay anhonolen moyo ay kawka-ogali--an ya na-iknawan moyo? 4Hinalità nin Diyos ya ombayri: 'Igalang moy tatay mo boy nanay mo,' boy ombayri et ya hinalità na: 'Hinoman ya maghalità nin mala--et ha tatay na o ha nanay na ay dapat patyen.' 5Piro an-itorò moyo ya no ma--in tawoy ma--in itambay ha tatay na o ha nanay na, ta halita--en nay, 'Habayti ay inggawà ha Diyos,' 6ay alwa naynan ka-ilangan igalang ya mawmato-antawo na. Ombayri moyo an-alihan alagà ya kawkapanogo--an nin Diyos ha panhohomonol moyo ha sarili moyon kawka-ogali--an. 7Hikawoy mawmagkakanwari̇̀! Tamà baytoy holà ni propita Isayas hin hato ya tongkol komoyo ya ombayri ya pagkahalità: 8'Habayti ya tawtawo, wanan Diyos ay ampaghalità nin an-igalang la ko, piro marayò ya nakem la kongko. 9Ayin kowinta ya panhomamba la kongko, ta hay an-itorò lay pawpanogò nin tawtawo ay anhalita--en la nin habayto ay pawpanogò ko.' " 10Hapa--eg, iningat ni Apo Hisos baytoy kalak--an tawo nin pakarani kona ta hinalità na konla, "Manlengè kawo," wana, "boy intindiyen moyo bayti ya halita--en ko. 11Hay ampakapakasalanan ha tawo ay alwan pamamangan ya an-ihobò na, no alwan hay ampakapakasalanan kona ay hatoy anhalita--en na." 12Hapa--eg hay aw-alagad ay napakarani koni Apo Hisos ta hinalità la kona, "Haba--in," wanla, "ya hinalità mo ay nakakhit nakem nin Pawparisiyo." 13Piro ombayri ya alimbawà ya intobay konla ni Apo Hisos: "Balang," wana, "nin tanaman ya ahè intanem nin Tatay koy anti ha katatag-ayan ha kama-inan na ay oloten. 14Pa-olayan moyo hila ta hila ay bilang bowag ya mangangakay. No bowag ya ampangakay nin kapariho nan bowag ay pariho hilan matata ha malalè ya lobot." 15Hapa--eg, naghalità hi Pidro, "Ipalinaw mo," wana, "konnawen no anyay labay totolen nin hatoy alimbawà mo ya tongkol ha ampakapakasalanan." 16Hinalità konla ni Apo Hisos, "Wari̇̀ kateng hikawo," wana, "ay ahè ampaka-intindi? 17Wari̇̀ agmoyo tandà ya anyaman ya an-ihobò ay ampagdiritso ha tiyan biha mipalwah nin ma-alih kona? 18Piro hay mala--et ya hawhalità ay ampangibat ha mala--et ya nakem boy ampakapakasalanan ha tawo. 19Ha nakem ampangibat ya kala-etan ihip ya bilang ha pamatin tawo, pamabayi, pamakilalaki, panakaw, pamongkok, boy paninirà pori nin kanayon. 20Habayti ya bawbagay ya ampakapakasalanan. Piro hay mangan ya ahè nag-ibano kompormi ha ka-ogali--an nin Pawparisiyo ay ahè ampakapakasalanan." 21Hi Apo Hisos ay nog-alih ha dogal ya habayto ta nako ya ha mihay dogal ya marani ha banowan Tiro boy banowan Sidon. 22Bayro ay ma--in ampa-iri ya mihay babayi ya alwan Hodiyo ya nako koni Apo Hisos. Habaytoy babayi ay an-ingaten Kananiya ta alalak ya nin taga Kana--an. Hapa--eg, nambolyaw baytoy babayi, ya wana, "Pangino--on, alalak ni Ari̇̀ Dabid, ingalowan mo ko, ta hay anak koy babayi ay masyadon ampa-irapan nin dimonyoy pinomahok kona." 23Piro ni mihay halità ay ahè tinombay kona hi Apo Hisos. Hapa--eg, napakarani koni Apo Hisos ya aw-alagad na ta impaki-ilgo la kona, ya wanla, "Gaw--en mo payna ya labay na emen yayna morong ta ampibobo-angaw yay anhomono kontamo." 24Hapa--eg, hinalità ni Apo Hisos do ha babayi, "Hay aw-inalalak ni Israyil," wana, "ay bilang tawtopa ya nitawon. Hilan bongat ya pinangihogo--an kongko nin Diyos." 25Piro hatoy babayi ay napakarani koni Apo Hisos ta nanlokob yan naghalità kona, ya wana, "Pangino--on, tambayan mo ko!" 26Tinombay kona hi Apo Hisos, "Hay pamamangan," wana, "ya para ha aw-anak ay ahè itapon ha aw-aho no alwan ipakan ha aw-anak." 27"Peteg bayto, Pangino--on," wanan hatoy babayi, "piro hay aw-aho ay ampangan nin mawmomo ya angkatata ha hilong lamisawan nin amo la." 28Hapa--eg, hinalità ni Apo Hisos do ha babayi, "Makhaw ya pantotompel mo," wana; "kayà hay andawaten mo ay igwà komo." Habayto et oras, hay anak nin hatoy babayi ay hinomampat. 29Hi Apo Hisos ay nog-alih bayro ta nako ya ha ambay Dagat nin Galiliya. Hapa--eg, nilomakat ya ha bakil ta bayro ya niknò. 30Malakè ya tawo ya nako kona ya nantan pawpilay, pawpokol, bawbowag, pawpipi, boy malakè et ya tawoy ma--in kanayon ya dawdipirinsya. Habayti ya mangama--in dipirinsya ay inggawà la ha dani ni Apo Hisos ta pinakahampat na hila. 31Hapa--eg hatoy tawtawo ay nag-ispanta hin nakit la ya hay pawpipi ay ampakapaghalità ana, hay pawpokol ay nag--in anan alwan pokol, hay pawpilay ay ampaka-owakoyna, boy hay bawbowag ay ampakakit ana. Hapa--eg, pinori lay Diyos ya anhambawan nin aw-inalalak ni Israyil. 32Hapa--eg, iningat ni Apo Hisos ya aw-alagad na ta hinalità na konla, ya wana, "Angka-ingalowan ko bayti ya kalak--an tawo ta tatloy allo layna bayri kontamo, boy ayin hilaynan ma-ekan hapa--eg. Agko hila labay pa-orongen nin ahè nangan, ta maka ma-olaw hila ha daan mintras amporong hila." 33Hinalità kona nin aw-alagad na, "Habayti," wanla, "ay powiray dogal. Ayri tamo mangwan pamamangan ya magkasya nin ipakan bayri ha kalak--an tawo?" 34Pinastang hila ni Apo Hisos, "Ongnoy tinapay ya ma--in komoyo?" wana. "Pitoy tinapay," wanla, "boy ma--in ongnoy mangayamò ya ikan." 35Hapa--eg hatoy kalak--an tawo ay minandawan ni Apo Hisos nin miknò ha lotà. 36Nayari̇̀ bayto ay kinwa na baytoy pitoy tinapay boy hatoy ikan, ta pinasalamatan na ha Diyos biha na binibi--hil. Hapa--eg, inggawà na ha aw-alagad na ta hilay pinatayak na ha tawtawo. Hatoy tawtawoy nipampangan ay nikabhoy boy nakatipon et ya aw-alagad nin natilà ya nakapnò et nin pitoy bakol. 38Hay nipampangan ya lawlalaki ay apat ya libo powira et ya bawbabayi boy aw-anak.

will be added

X\