प्रकास 6

1खकामा थूमावा मक सावाबो छापालोक मूठामी पाईलाकबो खीतूमा हतूक कँङा तूङ्, खतालो मक लँकाबो लीतामीक प्रानीहँपीक ईत्‍ता “भाना” ग्‍यामा पाताक नाम्‌गूलूपामी सँलँवातीका कँङा ईनूङ्। 2खकामा कँङा ईत्‍ता अम्‍बललक चसूपा तूङ्, मक चसूपा कूदामूकाबीवा ईत्‍ता रीखीबी ऊम्‍हूपी लापूक तूवा, मकामा खोलाई ईत्‍ता सील्‍तँखप्‌सँ प्‍या। खकामा खो जीताछूकाबी छाहँ जीताछूसी लता। 3खकामा खोसावा हीसाकबो छापा खीतूमा, लीतामीक प्रानी हीसाकवाबो “भाना” ग्‍याक कँङा ईनूङ्। 4खकामा आर्क ईत्‍ता हालालाक चसूपा पाखा लतामा भाना। मकामा मीनाची सेमोमीने ग्‍यामीमा मक चसूपा कूदामूकाबीवा खँदीमापीक साङ खल्‍बला मूमातीङ्‍माक आधीकारा तू। खोलाई ईत्‍ता ढ्‍याप्‍पा लाम्‍छाप्‌सँ प्‍याक तूवा। 5खकामा खोसावा सूम्‍छीकबो छापा खीतूलो, मक लीताक प्रानी सूम्‍छीकवाबो “भाना” ग्‍याक कँङा ईनूङ्। खतालो कँ ईत्‍ता माकाचूक चसूपा तूङ्। मकामा मक चसूपा कूदामूकाबीमी हूपी ईत्‍ता तूङ् तूवा। 6मक लँकाबो लीताक प्रानीचीमी म़झापी आता ग्‍यामीक सँलँवा कँङा ईनूङ्, “ईलेक नाम्‍यपी ईकीलो दँच्‍यार्, खकामा ईलेक नाम्‍यपी सूम्‍छीकीलो छङ्‍का, खताधँसँ क्‍याप्‍लालो आङ्‍गूरामी खँमवा यँसँ नाक्‍साना मूःन।” 7खकामा फेरीसँ खोसावा लँकाकबो छापा खीतूमा हतूलो, लीताक प्रानी लँकाकवाबो “भाना” ग्‍याक कँङा ईनूङ्। 8खकामा कँङा ईत्‍ता बबरीमा चसूपा तूङ्, खकामा मक चसूपा कूदामूकाबीमी नूङ् “सीमारी” तूवा, खकामा सी:मीक मीनाची छीमीक खम्‌वा खोलाई तीङूयोक तूवा। खोचीलाई साप्‍तेमूलूङ्‍क लँकाबो भागापीक ईभागा मीनाचीलाई, लाम्‍छाप्‌वा, सूसँवावा, महामारीवा खकामा साप्‍तेमूलूङ्‍क वलीखाक लँपेर्‌वाचीलामा सेमाक आधीकारा प्‍याक तूवा। 9खकामा खोसावा नँकाबो छापा खीतूहँ हतू मातालो कँङा नीनाबूङ्‍मी खामी गार्नावा खकामा ऊम्‍गाभाई पीमालाई बीस्‍वसील छामीकमी गार्नावा सीतामीकचीमी आत्‍मा बेदीमी खूँपी तूङ्। 10खकामा खोची ढ्‍याप्‍पा सँलँवापी पातामीमा ग्‍यामी, “झारापीका ढ्‍याप्‍पा ऊम्‍रलोक प्रभू, आनानी पबीत्‍रा खकामा ऊम्‍छूङ् तूईनी, आनानीवा हाल्‍लोतो खँदीमापी तूकाबीचीमी न्‍याया मीनूम्‌न खकामा खोचीपीका काएकालाई सीतेकामूङ्‍कमी बद्‍ला लासूनूम्‌न?” 11खकामा खोची झारालाई ईत्‍ता ईत्‍ता अम्‍बललक ते प्‍या, खकामा ऊम्‍चू बूमी बीस्‍वसीची खोचीतीकाङा सीतचीमा ऊम्‍चू ताल्‍मा छाक साङ्‍खे तीलीनतो, आनानी चसी दँमातो सावाभ्‍यातानूम्‌मा तूवानी लामी। 12खकामा खोसावा मक चूकीकबो छापा खीतूहँ हतू, खतालो कँङावा ढ्‍याप्‍पा लूप्‍लीमा खाताक तूङ्। खकामा नाम् भाङ्‍ग्रातीकाङा माकाचू छातीङा, मकामा पूर्नेक लाबो हीतीका हालालाक छातीङा। 13मकामा आन्‍जीरामी पो हूवावा हाल्‍लामीलो तूमीहँनक आन्‍जीराची धीतीकाङा नाम्‌छूरीपीक साङ्‍गूँङ्‍ची खँदीमापी धामी। 14खतालो नाम्‌छूरी चर्मपत्‍रामी मूठावा रीमीतीका रीमाहँ मासाखाता, मकामा झारा पप्‍चीलालो टापूची ऊम्‍चू ऊम्‍चू खम्‌पीका सयामीमा खातामी। 15मातालो खँदीमाक हँची, ढ्‍याप्‍पा मीनाची, तीलीङ्‍गेचीमी तँबप्‌ची, बूलूमीलो रमीची, खकामा आरू झारा मीनाची, चापँवाछाची, चापँवाछा मनकची झाराङा पप्‍चीलापीक लूङ्‍बूचीपीलो, ढ्‍याप्‍पा लूङ्‍मी खूःचीपी कूमामी। 16खोचीवा मक पप्‍चीलाचीलो लूङ्‍चीलाई लूची, “काएकाछोपी धा खकामा सींहासनपी तूकाबीमी लाम्‍लोपीका, थूमामी ङायूवापीकालो ऊम्‍क्रोधापीका काएकालाई सूलेका। 17यँमाधँ थूमामी ढ्‍याप्‍पा क्रोधामी ले ताताक तूई, खकामा ऊम्‍क्रोधापी आसा खाडा छूमा दूरहँल्‍या?”

will be added

X\