१ पत्‍रूस 5

1ख्रीस्‍टवा असूक कास्‍टामी साँछी, खकामा प्रकट छीहँक माहीमापी दोकाबी छँकसावा, मकामा अँहँपासँ एल्‍डरङा छँकसावा आनानीहँपीक मन्‍डालीचीपीक एल्‍डरचीलाई बीन्‍ती मोनीनीमा लोनीनी। 2नीनाबूङ्‍वा आम्‍नू हूपी जीम्‍मा प्‍यानीक ऊम्‍मीनाची खान्‍नीतो खाङानूम्। कोई कसाईमी कारकापापी मन, बर्जू आम्‍नू सागूँवाहँपीका, बूलूमी झाली मानूम्‌मा मन खतालोने स्‍यावा मूमाक पूर सानूवापीका खाङानूम्। 3खकामा आम्‍नू हूपी तूईमीकचीछोपी आधीकारा तेमामासँ मन खतालोने नीनाबूङ्‍मी मीनाचीमी लागी आनानी यादे छानी। 4आतामा तूम्‍साबू चालाकू तीलो खोपीका आनानीवा हाल्‍लोसँ ङालीमा खातीनक माहीमामी सील्‍तँखप् तूनूम्। 5आतामाङा सँलँचेऊ, पासूम्‍पाचीमी हूपी तूवानी। ईत्‍ता आर्कमी हूपी तूवानीमा मारी सानूवापामी स्‍वभापा आनानीपी छूने। यँमाधँ धार्मसास्‍तारावा गी, “नीनाबूङ्‍वा आहाङ्‍कारीचीमी बीरोधा मी, मकामा सानूवापाचीलाई ममारूङ् प्‍यची।” 6आतामा आनानीवा नीनाबूङ्‍मी ऊम्‍रलोक हूपी आम्‍नूहँपालाई सानूवापा मूनाचीनी, खकामा खोसावा आनानीलाई ठीक्‍का दँमापी ढ्‍याप्‍पा मीःनी। 7आम्‍नू झारा चूलाईलोमाक थोकाची खोलाई प्‍यानूम्, यँमाधँ खोसावा आम्‍नू फूम् मी। 8आतामा आनानी चूङ्‍चूङ्‍ध छानी खकामा चँरीचूबानी, आम्‍नू सातूरा दीयाबलस आसालाई छीप्‍माहँ चामा गीहँ, चाप्‍चातीका ङरीहँ लामतीतक तूई। 9बीस्‍वसापी बाल्‍यो छानीमा मक आम्‍नू सातूरामी बीरोधा मानूम्। यँमाधँ साप्‍तेमूलूङ्‍क झारालाम्‍पेङा आम्‍नू रूमीपामीचीवासँ आताकाक कास्‍टाची असयीचीक तूई। 10झारा ममारूङ्‍मी नीनाबूङ्‍वा आनानीलाई ख्रीस्‍टपी हाल्‍लोसँ छीयीक ऊम्‍माहीमाक लागी काछानीक तूई। आनानी चसी दँमातो दूखा चीदूरूनूम्‌मा खोसावाङा आनानीलाई फेरी नयाँ मीःनी, बाल्‍यो मीःनी, मकामा ऊम्‍रलोक मीःनी। 11खोलाईङा हाल्‍लोसँ र छूनेयाने। आमेन। 12हँरेप्‍पालोक नूछ सीलासवा कँलाई नक रू आनानीलाई छाब्‍मालाई भँक ह। कँ आनानीलाई होतो नक नूवाताया पीनीनी, नीनाबूङ्‍मी ऊम्‍छूङ् ममारूङ् नकङा ह। आनानी ऊम्‍रलोक छानीमा तूवायानी। 13नीनाबूङ्‍वा छ्‌यातूक बेबीलोनपीक आम्‍नू बूमी मन्‍डालीवा आनानीलाई सेवा हानीक तूई, मातामाङा अँ छा मकूर्सवासँ आनानीलाई सेवा हानीक तूई। 14आनानी ईत्‍तावा आर्कलाई लालूखालोक पबीत्‍रा चूप्‍पावा सेवा मूमोनी। ख्रीस्‍टपी तूईनीक आनानी झारालो साङ छूनेयाने।

will be added

X\