2 Corintios 10

1- 2 Irmänucuna, sumaj tantiyacunquiman. Washäcuj Jesús llaquipämashanchi-jina nuwapis alli shimilläpa piñacushayqui. Waquin runam ichanga tincupämar nin: Pablo quiquillanpaj imatapis ashir purin. Jananmanpis nin: Ricay ñawinchiçhu rimaytapis mana camäpacunchu; carullapita ullguj-tucun. Nuwaga piwanpis çhuracayta mana ashiycächu. Watucuj shamur, alli shimilläpa piñacushayqui. Tincupämajcunatam ichanga sumaj piñacushaj. 3Wañucuj runa carsi, Jesúsllapita willapäcur puriycä. Runacuna alli-tucur tincupämaptinsi, mana chapacushächu. 4Runacuna shungun munashallanta ashir, pitapis ashipan. Nuwam ichanga Tayta Diosninchi tantiyächimashannuylla willapäcuycä. Payga munayniyuj cashpan alli-tucujcunata içhipun. Yarpay-sapa-tucuptinpis, pampaman çhayachin. 5Alli-tucujcunaga runacuna Tayta Diosninchita wiyacunanta mana munanchu. Chaypis shiminta çhasquicur wiyacunanpaj tucuy-jinanpa Washäcuj Jesúspita willapäcushaj. 6Chaymi llapaniqui sumaj wiyacärinquiman. Çhayamur, mana wiyacujcunata piñacushaj. 7Mä, tantiyacushun. Pipis: Llapan shungüwan Washäcuj Jesúsman yupachicü nir nuwacunatapis alli ñawinwan ricamanman Washäcuj Jesúspa maquinçhu cawarcaycaptï. 8Pablo nishan-nishan purichimanchi niptiquisi, mana pingacüchu. Tayta Jesústa wiyacunayquipaj maquïçhu purichij; mana pingayman çhuranajpächu. 9Chaymi cartäta liguir, ama mancharinquichu. 10Waquinniqui rimarcaycanqui: Cartallançhu Pablo sumaj ullguj-tucun. Ricay ñawinchiçhüga wañunächi. Rimaytapis pantapacun. 11Chaynuy niptiquisi, sumaj wiyamanquiman. Watucuj shamur, cartäçhu isquirbimushänuylla sumaj piñapäshaj. 12Alli-tucujcuna pampaman çhuramaptinsi, mana imananchu. Jucta pampaman çhurar, imata rimashantapis mana musyanchu. Upa cashpan quiquin-pura alli-tucun. 13Nuwacunaga tantiyaycullar, imatapis rimashaj. Tayta Diosninchi camacächisha marcayquimanpis çhayamunäpaj. Paymi camacächisha may-chayçhüpis willapäcunäpaj. 14Musyashayquinuypis ñaupata alli willapata willapäcuj shamushcä. Ichanga mana alli-tucushcächu. Mana willapaptij, Washäcuj Jesúspa shiminta mana wiyanquimanchu caran. 15Nuwacuna mana jucpa arushallanwanchu alli-tucü. Manchäga Tayta Diosninchi camacächishannuylla shiminta willapaycaj payman sumaj yupachicunayquipaj. Shimin shunguyquiman sumaj çhayaptin, aruynïpis achcajman çhayanman. 16Juclä marcacunaçhüpis Jesúspita willapäcunämi. Juc willacuj aywash captin, ama aywämanchu. Pipis mana jamurpämänanpaj juc willacushanman mana jaticällar purishaj. 17Tayta Diosninchipa shiminçhüpis nin: Pipis alli ricash cayta munar, Tayta Diosnillanchita alliman çhuranman. 18Runata mana alli-tucushanpitachu alli ricanchi. Manchäga quiquin Tayta Diosninchi alli ñawinwan ricaptinraj, nuwanchipis alli ñawinchiwan ricanchi.

will be added

X\