Cantares 1

1Salomonpa aswan munay takin. 2Much'aykuwanaykitan munaykushani, munaykukuyniykiqa vinomantapas aswan misk'iraqmi, 3hawinaykikunaq q'apayninmantapas aswan sumaqraqmi. Sutiykita uyariyqa q'apaq hawinata muskhiykuy hinaraqmi. ¡Chaychá sipaskunaqa munakusunkiku! 4Pusakuway, ¡phawasunchis! Reyniymi kanki, wasiykiman pusakuway. Takiqkunan ninku: Qanwanmi q'ochukusaqkupas kusikusaqkupas, munakuyniykitaqa vinomantapas aswantaraqmi yuyarisaqku. ¡Chaychá munakusunkiku! 5Jerusalén warmikuna, yanachan kakuni, ichaqa munaychallañan, ch'inneqpi tiyaq Cedar runakunaq karpan hina yanacha, Salomonpa karpanpi cortinakuna hina munayllañan. 6Ama qhawaykuwaychischu yanacha kakuqtiy, intiq q'aspasqan kakuqtiy. Turaykunan ñoqapaq phiñakurqanku, hinaspan uvas chakrakuna qhawaqta churaykuwarqanku, ñoqaq chakraytataq mana yuyarikurqanichu. 7Willaway, sonqo rurulláy, ¿maypin michishanki? ¿Maypin chawpi p'unchayta ovejakunata puñurachishanki? Paqtan uywakunaq qayllanpi purishaqtiy michiq-masiykikuna yanqa purikuq warmita hina qhawawankuman. 8Qanqa llapa warmikunamantapas aswan munaychallañan kanki, maypichus michishasqanta mana yachankichu chayqa, ovejakunaq yupinta qatipay, hinaspa michiqkunaq ch'ukllan qayllapi cabrachaykikunata michikamuy. 9Munakusqalláy, qanqa ñoqaqpunin kanki, rey Faraonpa carretan aysaq china caballon hina munaychallañan kanki. 10¡Ima munaymi uyaykiqa k'achanchasqa simp'akuna ukhupi rikhurin! ¡Ima munaymi kunkaykiqa walqanakunawan sumaqchasqa rikhurin! 11Lliphipinanpaq qolqewan chawpinasqa, qori simp'akunatan ruwachipusqaykiku. 12Tiyananpi rey k'iraykusqa kashaqtinmi q'apaq nardo hawinay q'aparirqan. 13Munakusqayqa q'apaq mirra khipucha hinan ñoqapaqqa, qhasqollaypin payqa samakushanpas. 14En-gadi uvas chakrakunamanta apamusqa alheña t'ika mayt'u hinan munakusqayqa kapuwan. 15Munakusqalláy, ¡ima munaymi kanki! ¡Ima sumaq rikch'ayniyoqmi kanki! ¡Ñawiykipas iskay urpi hinan! 16Munakusqalláy, ¡ima munaymi kanki! ¡Sumaq sonqo suwan kanki! Puñunanchisqa munay q'omer q'achu hinan, 17cedromantan wasinchispa kurkunkunaqa, cipresmantan wasi pata k'aspikunapas.

will be added

X\