1 Diosniyku, khuyapayaykuwayku, saminchaykuwayku, sumaqta qhawarimuwayku, 2 kay pachapi munayniykita yachanankupaq, qespichiyniykitapas llapa suyukuna yachanankupaq. 3 Diosniyku, llaqtakunan yupaychasunkiku, llapa ayllukunan hatunchasunkiku. 4 Llapa suyukuna kusikuchunku takichunku, qanmi juzgaspa llaqtakunata chaninchanki, qanmi kay pacha suyukunata allinta michinki. 5 Diosniyku, llaqtakunan yupaychasunkiku, llapa ayllukunan hatunchasunkiku. 6 Chakrakunaqa rurunqan, ¡Diosninchisqa saminchawasunmi! 7 Diosqa saminchawasunmi, teqsimuyuntin runakunan payta manchakunqaku.
