Salmos 149

1¡Yupaychasqa Señor Diosqa kachun! Señor Diosman mosoq takita takiychis, pay sonqo runankunaq huñunakuyninpi yupaychaychis. 2Israel runakuna kamaqninmanta kusikuchunku, Sión llaqta runakuna Reyninmanta q'ochukuchunku. 3Tususpa sutinta yupaychachunku, payman tinyata arpata tocachunku. 4Señor Diosmi llaqtanmanta kusikun, k'umuykukuqkunatan allin-kaywan hatunchaykun. 5Pay sonqo runankuna atipasqanmanta q'ochukuchunku, puñunankupipas kusisqa takichunku. 6Qaparispa Diosta yupaychachunku, makinkupipas iskay ladon filoyoq espadata hap'ichunku, 7mana iñiyniyoqkunaman ayni-kutichinapaq, suyukunata muchuchinapaq, 8reyninkuta watanakunawan thunkunankupaq, wiraqochankutapas fierro cadenakunawan watanankupaq, 9huchachay qelqasqaman hina paykunata muchuchinapaq. Chayqa llapa pay sonqo runankunapaq samin kanqa. ¡Yupaychasqa Señor Diosqa kachun!

will be added

X\