Salmos 148

1¡Yupaychasqa Señor Diosqa kachun! Señor Diosta yupaychaychis hanaq pachamantapacha, hanaq pachapi payta yupaychaychis. 2Payta yupaychaychis llapa angelninkuna, payta yupaychaychis hanaq pachapi llapa ejercitonkuna. 3Payta yupaychaychis inti, killa, payta yupaychaychis k'anchashaq llapa ch'askakuna. 4Payta yupaychaychis hanaq pachapi kaq unukuna, payta yupaychay ancha hatun hanaq pacha. 5Señor Diospa sutinta yupaychachunku, paymi kamachikurqan, chaymi kamasqa karqanku. 6Señor Diosmi chaykunata maychus kanankupi wiñay-wiñaypaq churarqan, chaykunapaqmi kamachikuy simita churapurqan, chaytaqa manan p'akinqakuchu. 7Señor Diosta yupaychaychis kay pachamantapacha, qochapi hatuchaq animalkunapas, llapa chinkay-chinkay ukhukunapas, 8lliphllikiypas, chikchipas, rit'ipas, waksipas, siminta hunt'aq kunununuq wayrapas, 9orqokunapas, llapa moqokunapas, ruruq sach'akunapas, cedro sach'akunapas, 10uywasqa animalkunapas, salqa animalkunapas, mach'aqwaykunapas, phalaq animalkunapas, 11kay pacha reykunapas, llapa llaqtakunapas, llapa umallikunapas, kay pachantin kamachikuqkunapas, 12waynakunapas, sipaskunapas, yuyaqkunapas, wawakunapas yupaychaychis. 13Señor Diospa sutinta llapa yupaychaychis, sapan sutillanmi ancha hatunqa, qhapaq-atiyninqa kay pachamantapas hanaq pachamantapas aswanraqmi. 14Paymi llaqtanpa atiyninta hatuncharqan, chaymi pay sonqo runankunaqa payta yupaychanku, chay munakusqan Israel runakunan payta hatunchanku. ¡Yupaychasqa Señor Diosqa kachun!

will be added

X\