Salmos 147

1¡Yupaychasqa Señor Diosqa kachun! May allinmi Diosninchisman yupaychaykunata takiyqa, may sumaqmi payta yupaychanata hinapuni yupaychayqa. 2Señor Diosmi Jerusalenta wakmanta perqachin, ch'eqechisqa Israel runakunatan huñuykamun. 3Paymi llakiq ñit'isqan sonqoyoqkunata qhaliyachin, k'irinkunatapas wataykun. 4Paymi hayk'achus ch'askakuna kasqanta yupan, sapankatan sutinmantakama waqyan. 5Ancha hatunmi Señor Diosninchisqa, kallpasapallañan payqa, yuyayninpas mana tukukuyniyoqmi. 6Señor Diosmi huch'uyyaykukuqkunata aysarin, millaykunatan ichaqa pampakama k'umuykachin. 7Señorman graciasta qospa takiychis, Diosninchisman arpawan takiychis. 8Paymi hanaq pachata phuyuykachimun, paymi hallp'aman parachimun, paymi orqokunapi qorata wiñachin, 9paymi uywakunaman mikhuchin, waqashaq alqamari chiwchikunamanpas mikhuchin. 10Manan caballoq kallpanchu Señor Diostaqa kusichin, manan runaq kallpanpaschu paytaqa kusichin. 11Señor Diosqa payta manchakuqkunawanmi kusikun, munakuyninman sonqollikuqkunawanmi kusikun. 12Jerusalén llaqta, Señorta yupaychay, Sión llaqta, Diosniykita yupaychay. 13Paymi punkuykikunaq p'utinta mat'iykurqan, llaqta ukhupi kaq wawaykikunatapas samincharqan. 14Paymi suyuykita thak-nisqata hap'in, allinnin trigowanmi saksaykachisunkipas. 15Kay pachamanmi payqa siminta willachimun, usqhayllan siminqa ch'eqerin. 16Millmata hinan rit'ita rit'ichimun, usphata hinan qhopatapas qhopachimun. 17Chikchitan khullu rumita hinaraq chayachimun, chirichimuqtinri, ¿pitaq aguantanman? 18Rimarimuqtinmi chaykuna chullurin, wayrachimuqtinmi unu phawarin. 19Paymi siminta Jacobman sut'incharqan, kamachikusqankunatapas kuskachasqankunatapas Israelman sut'incharqan. 20Manan chay hinatachu mayqen wak suyuwanpas ruwarqan, manan chaykunaqa kamachikuyninkunata reqsinkuchu. ¡Yupaychasqa Señor Diosqa kachun!

will be added

X\