Salmos 130

1Señor Diosníy, sinchi llakikuy ukhumantan waqyakamuyki. 2¡Señor Diosníy, kunkayta uyariykamuway, mañakamusqayta maki uyariykamuway! 3Señor Diosníy, huchakunatachus yuyashawaq chayqa, ¿pitaq manaqa huchachasqachu kanman? 4Ichaqa qanmi hucha pampachaykuqqa kanki, qanta manchakunaykupaq. 5Tukuy sonqoywanmi Señor Diosta suyakuni, Siminmanmi hap'ipakuni. 6Pacha illarimunanta suyakuq llaqta qhawaqkunamantapas astawanraqmi Señor Diosta ñoqaqa suyakuni, arí, paykunamantapas astawanraqmi suyakuni. 7Israel llaqta, Señor Diosman hap'ipaykukuy, payqa munakuqmi, payqa kacharichiqllapunin. 8Paymi Israel llaqtataqa llapa huchankunamanta kacharichinqa.

will be added

X\