Salmos 129

1Wayna kasqaymantapachan sinchita llakichiwarqanku, chayta Israel runakuna, kunan rimarichunku: 2Wayna kasqaymantapachan sinchita llakichiwarqanku, chaypas manan atipawarqankuchu. 3Wasaypin sinchita hasut'iwarqanku, wachu-wachutaraqmi kichawarqanku, 4chaypas, Señor Diosqa chaninmi, millay runakunaq munaychakuwasqanmantan kacharichiwarqan, nispa. 5Sión llaqtata llapa cheqnipakuqqa p'enqachisqa qhepaman kutichisqa kachunku. 6Wasi patapi qora hina kachunku, chayqa manaraq t'irashasqan ch'akipun. 7Chaytan ichhuqpa makinpas mana tarinchu, manallataq marq'aychaqpas huñunchu. 8Manallataq chayninta puriqkunapas ninkuchu: Señor Diosmi saminchasunki, Señor Diospa sutinpin saminchaykiku, nispaqa.

will be added

X\