1 Kusisamiyoqmi pipas Señor Diosta manchakuqqa, Señor Diospa ñanninkunapipas puriqqa. 2 Llank'asqaykitan mikhunki, kusisamiyoqmi kanki, allillanmi kasunkipas. 3 Warmiykiqa ruruq uvas yura hinan wasiykipi kanqa, wawaykikunapas mesayki muyuriqpi olivo sach'a ch'ikchimuqkuna hinan kanqa. 4 Chhaynatan Señor Diosqa manchakuqnin runata saminchanqa. 5 ¡Sión llaqtamantapachan Señor Diosqa saminchasunki! Ahinapin sapa p'unchay kawsayniykipi Jerusalenpa allin kasqanta rikunki, 6 nietoykikunatapas rikunkiraqmi. ¡Israel llaqtapaq thak-kay kachun!
