Salmos 127

1Señor Dioschus wasita mana sayarichin chayqa, yanqapaqmi wasichaqkunaqa wasichan, Señor Dioschus llaqtata mana waqaychan chayqa, yanqapaqmi llaqta qhawaqkunaqa qhawan. 2Hump'ita t'akarispa mikhunata mikhuykunaykichispaq tutallamanta sayariyniykichispas yanqapaqmi, ch'isillataña samaykuyniykichispas yanqapaqmi, Diosqa munakusqankunamanmi sumaq samakuyta qon. 3Señor Diospa qosqanmi wawakunaqa, paypa saminchanmi naceqkunaqa. 4Awqa-tinkuqpa hap'isqan wach'ikuna hinan wayna kashaqtin naceq wawakunaqa. 5¡Kusisamiyoqmi chay hap'isqan wach'ikuna hina askha wawayoqqa! Juezkunaq qayllanpi awqankunawan rimaqtinqa, manan p'enqachisqachu kanqa.

will be added

X\