Salmos 126

1Maypachachus Señor Diosqa Sión llaqtata wakmanta kutichimpurqan, chaypachan mosqokushasqaykupaq yuyarqayku. 2Hinaspan sinchitapuni asikurqayku, anchatapuni q'ochukurqayku. Chaypachan suyukunaqa nirqanku: ¡Señor Diosqa musphanakunatan paykunapaq ruwarqan! nispa. 3Arí, Señor Diosqa musphanakunatan ñoqaykupaq ruwarqan, chaymantan kusikushayku. 4¡Señor Diosniyku, wakmanta t'ikarichiwayku! Imaynan Neguev ch'inneqpi ch'aki mayukunapas paraqtin puririn hinata. 5Waqaspa t'akaqkunaqa kusisqallañan cosechanqaku. 6Muhuta apashaspaña waqaspa purinqaku chaypas, ichhumusqanku marq'antinmi kusisqallaña takiykukuspa kutimpunqaku.

will be added

X\