Salmos 124

1Manataq Señor Diosqa ñoqanchiswanchu kanman karqan chayqa, Israel runakuna, kunan rimarichunku: 2Manataq Señor Diosqa ñoqanchiswanchu kanman karqan chayqa, runakuna awqanchis hatarimuspankun, 3contranchista k'arakta phiñakuspankun, kawsashaqta oqoykuwasunman karqan. 4Chaypachan lloqlla apawasunman karqan, hawanchistan mayu phawanman karqan, 5llasaq mayun patanchista phoqchinman karqan, nispa. 6Saminchasqa Señor Diosqa kachun, manan paykunaq khamurqariwananchista munarqanchu. 7Ñoqanchisqa hap'iqkunaq toqlla churasqanmanta ayqekuq phalaq animal hinan ayqekurqanchis, toqllan p'akikurqan, ñoqanchistaq ayqekurqanchis. 8Señor Diosmi yanapaykuwaqninchisqa, paymi hanaq pachata kay pachata kamaqqa.

will be added

X\